ລາຍລະອຽດຂ່າວ
ແຊ້ມອາເມລິກາໃຕ້ 2 ສະໄໝຊ້ອນ ບໍ່ແມ່ນໄດ້ມາຍ້ອນໂຊກ
ຂຽນເມື່ອ: 29/06/2016 23:06 | ໂດຍ: ເພຣເມັກເກີ | ອ່ານ: 456 ຄັ້ງ

      ທີມຊາດ ຊິລີ ແຊ້ມບານເຕະອາເມລິກາ (COPA America) 2016, ປະເທດຊິລີເລີ່ມຕັ້ງທີມຊາດມາແຕ່ປີ ຄ.ສ 1895, ໄດ້ຜ່ານເຂົ້າຮອບສຸດທ້າຍ ບານເຕະໂລກມາແລ້ວ 7 ຄັ້ງ ແລະ ເຄີຍເປັນເຈົ້າພາບບານເຕະໂລກໃນປີ ຄ.ສ 1962 ໃນປີນັ້ນພວກເຂົາ ກໍ່ສາມາດໄດ້ອັນດັບ 3, ໂດຍທີ່ ແຊ້ມຕົກເປັນຂອງ ບຣາຊິວ ແລະ ຮອງແຊ້ມເປັນຂອງທີມຊາດ ເຊັກໂກສະໂລວາກີ. ນອກຈາກນັ້ນພວກເຂົາ ຍັງໄດ້ຮັບໂອກາດເປັນເຈົ້າພາບ ໂຄປາອາເມລິກາ ມາແລ້ວ 7 ຄັ້ງຄື ໃນປີ(1920, 1926, 1941, 1945, 1955, 1991, 2015) ແລະໃນປີ 2015 ເປັນປີທໍາອິດທີ່ສາມາດ ຄວ້າແຊ້ມລາຍການນີ້ໄດ້ ເຮັດໃຫ້ລວມກັບ ປີ 2016 ເຊິ່ງເປັນປີພິເສດອີກປີໜຶ່ງທີ່ ໂຄປາອາເມລິກາຈັດ 2 ປີຕິດຕໍ່ກັນ. ປັດຈຸບັນທີມຊິລີ ຢູ່ອັນດັບທີ 5 ຂອງ FIFA World ranking, ກ່ອນໜ້ານີ້ ອັນດັບທີ່ດີທີ່ສຸດຂອງ ຊີລີແມ່ນອັນດັບ 6 ໃນເດືອນ ເມສາ ປີ ຄ.ສ 1998 ແລະ ອັນດັບທີ່ຕ່ຳສຸດແມ່ນ 84 ໃນເດືອນທັນວາປີ ຄ.ສ 2002. ຜ່ານມາຊິເລີຍເຄີຍ ຍິງປະຕູຄູ່ຕໍ່ສູ້ສູງສຸດແມ່ນ 7-0, ເຊິ່ງພວກເຂົາເຄີຍຍິງ 3 ທີມ ຄື ເວເນຊູເອລາ ທີ່ສະໜາມ Santiago, ປະເທດ ຊິລີີ ໃນວັນທີ 29 ສິງຫາ ປີ ຄ.ສ 1979, ຍິງທີມອານມີເນຍ ທີ່ສະໜາມ Viña del Mar,  ປະເທດ ຊິລີ ໃນວັນທີ  1 ເມສາ ປີຄ.ສ 1997 ແຕ່ພວກເຂົາກໍ່ເຄີຍ ເສຍປະຕູສູງສຸດ ດ້ວຍສະກໍ 0-7 ເຊັ່ນດຽວກັນເຊິ່ງເສຍໃຫ້ກັບທີມຊາດ ບຣາຊິວ ທີ່ສະໜາມ Rio de Janeiro, ປະເທດ ບຣາຊິວ ໃນວັນທີ 17 ກັນຍາ 1959.

ຂອບໃຈພາບຈາກ: ftw.usatoday.com
ຂໍ້ມູນຂ່າວຈາກ: wikipedia.org
ຮຽບຮຽງໂດຍ: ເພຣເມັກເກີ

ສະໜັບສະໜູນຂ່າວໂດຍ:



ຂ່າວລ່າສຸດ