ລາຍລະອຽດຂ່າວ
ອີຕາລີ ລ້າງແຄນ ສະເປນສຳເລັດ ຜ່ານເຂົ້າຮອບ ກ່ອນຮອງຊະນະເລີດ ພົບກັບ ເຢຍລະມັນ
ຂຽນເມື່ອ: 28/06/2016 19:06 | ໂດຍ: ແອັດມິນ | ອ່ານ: 837 ຄັ້ງ

    ການແຂ່ງຂັນຢູໂຣ 2016 ຮອບ 16 ທີມສຸດທ້າຍ ຮອງແຊັມເກົ່າ ອີຕາລີ ພົບກັບແຊັມເກົ່າ ສະເປນ ທີ່ສະໜາມ Stade de France ໂດຍຄູ່ນີ້ຍັງເປັນການ Re-Match ນັດຊິງຊະນະເລີດຢູໂຣ 2012 ອີກດ້ວຍ. ເລີ່ມເກມມາເປັນທາງ ອີຕາລີ ທີ່ຫຼິ້ນໄດ້ດີໃນຊ່ວງ 10 ນາທີທຳອິດ ແລະ ມີລຸ້ນປະຕູຈາກການເອົາຫົວຕີບານ ແຕ່ບໍ່ສາມາດຜ່ານ David de Gea ປະຕູຂອງຜີແດງໄປໄດ້, ຜ່ານໄປ 20 ນາທີ ສະເປນ ແຊັມເກົ່າ ສາມາດຈັດຂະບວນທັບບຸກເຂົ້າໃສ່ ອີຕາລີ ແຕ່ວ່າ ອີຕາລີ ຍັງຄົງໜ້ຽວແໜ້ນ ແລະ ສາມາດຍິງຂຶ້ນນຳກ່ອນ 1-0 ໃນນາທີທີ 33 ຈາກການຍິງຟຣິຄິກຂອງ Citadin Martins Eder ແຕ່ David de Gea ສະກັດບໍ່ເດັດຂາດ ເຮັດໃຫ້ບານໄປເຂົ້າທາງ Giorgio Chiellini ຊ້ຳດາບ 2 ເຂົ້າໄປ. ໃນເຄິ່ງເວລາທີ 2 ສະເປນພະຍາມບຸກ ເພື່ອຫວັງຍິງປະຕູຄືນ ແຕ່ໃນຊ່ວງທົດເວລາບາດເຈັບ ອີຕາລີ ສວນກັບໂດຍເປັນທາງ Graziano Pelle ຍິງປະຕູຍ້ຳໄຊຊະນະໄປ 2-0 ໃນນາທີທີ 90+1. ຈັບເກມ ອີຕາລີ ລ້າງແຄ້ນ ສະເປນ ແຊັມເກົ່າ ໄດ້ສຳເລັດ ຜ່ານເຂົ້າໄປສູ່ຮອບ ກ່ອນຮອງຊະນະເລີດ ພົບກັບ ເຢຍລະມັນ ແຊັມ 3 ສະໄໝ ໃນວັນທີ 03 ກໍລະກົດ 2016 ເວລາ 02:00.

ຜົນງານຂອງ ສະເປນ ໃນການແຂ່ງຂັນຢູໂຣ ໄດ້ແຊັມ 3 ສະໄໝ ໃນປີ 1964, 2008 ແລະ 2012 ໄດ້ຮອງແຊັມ 1 ຄັ້ງໃນປີ 1984.

ຜົນງານຂອງ ອີຕາລີ ໃນການແຂ່ງຂັນຢູໂຣ ໄດ້ແຊັມ 1 ສະໄໝ ໃນປີ 1968 ໄດ້ຮອງແຊັມ 2 ຄັ້ງ ໃນປີ 2000 ແລະ 2012.

ຂອບໃຈຂໍ້ມູນຈາກ uefa.com, wikipedia.org,bbc.com, theguardian.com
ຂອບໃຈພາບຈາກ theguardian.com

ໂດຍ ໂດເຣມອນ




ຂ່າວຍອດນິຍົມ 7 ວັນລ່າສຸດ