ລາຍລະອຽດຂ່າວ
ສິ່ງໜ້າຮູ້ກ່ຽວກັບ ໄອສະແລນ ທີມທີ່ປາບອັງກິດໃນຮອບ 16 ທີມ
ຂຽນເມື່ອ: 28/06/2016 14:06 | ໂດຍ: ເພຣເມັກເກີ | ອ່ານ: 945 ຄັ້ງ

      ໄອສະແລນເປັນປະເທດນ້ອຍໆ ໃກ້ກັບເຂດ ອາກຕິກ ຫຼື ຂົົ້ວໂລກເໜືອ, ມີເນື້ອທີ່ປະມານ  102,775 ກິໂລຕາແມັດ, ມີພົນລະເມືອງພຽງ 332,529 ຄົນ (ເດືອນ 01/2016). ປະເທດໄອສະແລນ ມີສະພາບອາກາດ ໜາດເຢັນຕະຫຼອດປີ, ປະຊາກອນປະມານ 10% ຂອງປະເທດ ມີອາຊີບທີ່ກ່ຽວຂ້ອງກັບ ກິລາບານເຕະເຊັ່ນ: ຄູຝຶກ(Coach) ແລະ ນັກກິລາ, ໂດຍກະຈາຍຢູ່ຕາມ ສະໂມສອນຕ່າງໆ ຂອງບັນດາປະເທດໃນຢູໂຣບ. ສິ່ງທີ່ໜ້າແປກໃຈກໍ່ຄື ໄອສະແລນ ເປັນປະເທດທີ່ບໍ່ມີ ລີກອາຊີບພາຍໃນປະເທດ ແຕ່ມີນັກທີມບານເຕະ ທີ່ແຂງແກ່ນລະດັບໂລກ ດັ່ງທີ່ເຫັນ.
      ຈົນເຖິງປັດຈຸບັນ ໄອສະແລນ ຍັງບໍ່ເຄີຍຜ່ານເຂົ້າໄປຫຼິ້ນ ຮອບສຸດທ້າຍ ບານເຕະໂລກ ແລະ ບານຢູໂຣ ຈັກເທື່ອ, ແຕ່ຜົນຂອງການ ແຂ່ງຂັນມື້ຄືນນີ້ ທີ່ພວກເຂົາສາມາດເອົາ ຊະນະທີມຊາດ ອັງກິດ ແລະ ສາມາດຜ່ານເຂົ້າໄປຫຼິ້ນໃນຮອບ 8 ທີມສຸດທ້າຍຂອງບານຢູໂຣ 2016 ເຊິ່ງມັນສະແດງໃຫ້ເຫັນວ່າ ທີມທີ່ບໍ່ມີ ລີກອາຊີບໃນປະເທດ ກໍ່ສາມາດສູ້ກັບທີມ ທີ່ມີລີກແຂງແກ່ນລະດັບໂລກໄດ້. ກ່ອນຈະມາເຖິງ ຮອບສຸດທ້າຍບານຢູໂຣໃນຄັ້ງນີ້ ພວກເຂົາສະແດງໃຫ້ເຫັນແລ້ວວ່າ ພວກເຂົາມີດີພໍ ທີ່ຈະເຂົ້າຮ່ວມໃນລາຍການນີ້, ໂດຍໃນຮອບຄັດເລືອກ ພວກເຂົາໄດ້ລົ້ມຍັກໃຫຍ່ ແຫ່ງວົງການບານເຕະກໍ່ຄື ທີມເນເທີແລນ (Netherland) ທັງ 2 ນັດມາແລ້ວ. ປັດຈຸບັນ ໄອສະແລນ ເປັນທີມອັນດັບ 35 ຂອງໂລກຕາມການຈັດອັນດັບທີມຂອງ FIFA, ຜ່ານມາອັນດັບທີ່ດີທີ່ສຸດຂອງທີມ ແມ່ນອັນດັບທີ 23 ຂອງໂລກໃນລະຫວ່າງເດືອນ ກັນຍາ-ຕຸລາ 2015 ແລະ ອັນດັບໂລກຕ່ຳສຸດແມ່ນ 131 ໃນເດືອນເມສາ-ມິຖຸນາ 2012.

      ຈາກຂໍ້ມູນຕ່າງໆ ຂອງທີມໄອສະແລນ ເມື່ອປຽບທຽບກັບທີມຕ່າງໆ ໃນພູມມິພາກອາຊຽນແລ້ວເຫັນວ່າ ຫຼາຍປະເທດໃນອາຊຽນ ມີເງື່ອນໄຂທີ່ດີກວ່າ, ແລະ ຈາກອັນດັບໂລກ ທີ່ພວກເຂົາເຄີຍຢູ່ຕ່ຳສຸດເຖິງ 131 ຂອງໂລກໃນປີ 2012 ໃຊ້ເວລາພຽງພຽງ 4 ປີ ພວກເຂົາກໍ່ສາມາດພັດທະນາທີມ ຈົນກາຍເປັນທີມແຖວໜ້າ ຂອງໂລກໄດ້, ສະນັ້ນ ໄອສະແລນ ເປັນກໍລະນີສຶກສາທີ່ດີ ທີ່ຈະເອົາເປັນແບບຢ່າງ ໃນການພັດທະນາວົງການ ບານເຕະອາຊຽນ ກໍ່ຄືບານເຕະຂອງລາວຕໍ່ໄປ


ຂອບໃຈພາບຂ່າວຈາກ: icelandmonitor.rbl.is




ຂ່າວຍອດນິຍົມ 7 ວັນລ່າສຸດ