ລາຍລະອຽດຂ່າວ
ເກາະກະແສ ເຜີຍປະຫວັດຂອງ Lionel Messi
ຂຽນເມື່ອ: 28/06/2016 00:06 | ໂດຍ: ແອັດມິນ | ອ່ານ: 489 ຄັ້ງ

    ກາຍເປັນກະແສກັນຢູ່ໃນຂະນະນີ້ ພາຍຫຼັງທີ່ຈົບເກມ ການແຂ່ງຂັນຊີງແຊັມ Copa America 2016 ໂດຍການພົບກັນລະຫວ່າງ Argentina ແລະ  Chile ທີ່ແຂ່ງກັນໝົດ 90 ນາທີບໍ່ມີປະຕູເກີດຂຶ້ນ ຕ້ອງໄດ້ຕໍ່ເວລາອີກ 30 ນາທີ ແຕ່ກໍ່ຍັງບໍ່ມີຜົນແພ້ຊະນະເກີດຂຶ້ນ ສຸດທ້າຍຈຶ່ງໄດ້ຕັດສິນໂດຍ ການດວນຈຸດໂທດ ແລະ ເປັນ Chile ທີ່ຊະນະໄປ 4-2 ແລະ Messi ເປັນ 1 ໃນນັກເຕະ Argentina ທີ່ຍິງຈຸດໂທດບໍ່ເຂົ້າ ເຮັດໃຫ້ເຂົາບໍ່ໄດ້ແຊັມ Copa America ໃນ 3 ຄັ້ງທີ່ເຂົ້າຊິງຊະນະເລີດ ແລະ ການແຂ່ງຂັນຮອບຊິງຊະນະເລີດ ບານໂລກ 2014 ທີມຂອງເຂົາກໍ່ແພ້ໃຫ້ກັບ Germany ອີກດ້ວຍ ເຮັດໃຫ້ Messi ຍັງບໍ່ປະສົບຜົນສໍາເລັດກັບທີມຊາດ ແລະ ເຂົາເວົ້າຫຼັງຈາກຈົບເກມວ່າ ເຂົາຈະຢຸດຫຼິ້ນໃຫ້ກັບທີມຊາດແລ້ວ ເຮັດໃຫ້ສື່ຕ່າງໆ ໃຫ້ຄວາມສົນໃຈກັບຂ່າວດັ່ງກ່າວ ແລະ ໜຶ່ງໃນນັ້ນກໍ່ແມ່ນທີມງານ laosportnews ຂອງພວກເຮົາ ໃນມື້ນີ້ກໍ່ເລີຍຈະຍົກເອົາປະຫວັດ ແລະ ບາງສະຖິຕິທີ່ໜ້າສົນໃຈຂອງ ດາວດັງສະໂມສອນ Bacelona ຂຶ້ນມາໃຫ້ຜູ້ອ່ານໄດ້ອ່ານ.


- ຊື່ເຕັມແມ່ນ Lionel Messi ເກີດເມື່ອວັນທີ 24 ມິຖຸນາ 1987 ທີ່ເມືອງ Rosario ປະເທດ Argentina
ກັບ Bacelona
-ເຂົ້າສັງກັດກອງທັບຕ່າງດາວ ຕອນອາຍຸ 13 ປີ ໃນປີ 2000 ແລະ ໄດ້ຫຼິ້ນໃຫ້ສະໂມສອນຄັ້ງທຳອິດ ໃນເກມອຸ່ນເຄື່ອງກັບ Porto ໃນປີ 2003
-ລົງສະໜາມຄັ້ງທຳອິດ ໃນ La Liga ໃຫ້ສະໂມສອນ ເມື່ອເດືອນຕຸລາ ປີ 2004 ແລະ ຍິງປະຕູທໍາອິດ ໃຫ້ກັບສະໂມສອນ ໃນເດືອນພຶດສະພາ ປີ 2005 ໃນເກມພົບກັບ Albacete ທີ່ສະໜາມ Nou Camp
-ສາມາດຍິງໄດ້ 6 ປະຕູໃນການລົງສະໜາມ 17 ຄັ້ງ ໃນລະດູການ 2005-06 ແລະ ໃນປີນັ້ນ Bacelona ກໍ່ໄດ້ແຊັມ La Liga ເປັນປີທີ 2
-ໃນປີ 2009 Messi ເປັນນັກເຕະທີ່ມີ ບົດບາດສຳຄັນທີ່ ຊ່ວຍໃຫ້ທີມຕ່າງດາວ ໄດ້ແຊັມເຖິງ 6 ລາຍການ
-ໄດ້ຮັບລາງວັນ ນັກເຕະດີເດັ່ນປະຈຳປີ (World Player of the Year awards) 4 ປີຕິດຕໍ່ກັນເປັນຄົນທໍາອິດ
-ເປັນກຳລັງຫຼັກຊ່ວຍໃຫ້ Bacelona ເປັນແຊັມ La Liga 3 ປີຕິດຕໍ່ກັນ ໃນລະດູການ 2010-11
-ເຂົາໄດ້ທຳລາຍສະຖິຕິ ການຍິງປະຕູໃນ La Liga ລະດູການ 2011-12 ເຊິ່ງຍິງໄດ້ເຖິງ 50 ປະຕູ
-ໄດ້ແຊັມ La Liga ສະໄໝທີ 8 ແລະ Copa del rey 4  ສະໄໝໃນລະດູການ 2015-16

 

ກັບທີມຊາດ Argentina
-ພາ Argentina ໄດ້ຫຼຽນຄຳ ໃນການແຂ່ງຂັນບານເຕາະໃນ Olympic 2008
-ລົງຫຼິ້ນໃນລາຍການ Copa America ເປັນຄັ້ງທີ 2 ທີ່ປະເທດ Chile ແລະ ແພ້ການດວນຈຸດໂທດຕັດສິນ ໃຫ້ກັບເຈົ້າພາບ
-ສ້າງສະຖິຕິການ ຍິງປະຕູຫຼາຍທີ່ສຸດ ຂອງທີມຊາດ Argentina ຄື 55 ປະຕູ
-ພາດການຍິງຈຸດໂທດ ໃນນັດຊິງຊະນະເລີດ Copa America 2016 ແລະ ປະກາດຢຸດຕິການຫຼິ້ນໃຫ້ທີມຊາດ

ເຮົາມາຕິດຕາມນຳກັນວ່າ ຜົນງານຂອງເຂົາໃນ ລະດູການໜ້າຈະເປັນແນວໃດ ແລະ ເຂົາຈະກັບມາຫຼິ້ນໃຫ້ທີມຊາດອີກບໍ່ ໃນອານາຄົດ

ຂອບໃຈຂໍ້ມູນຈາກ indianexpress.com, wikipedia.org
ຂອບໃຈພາບຈາກ indianexpress.com

ໂດຍ ໂດເຣມອນ

ສະໜັບສະໜູນຂ່າວໂດຍ:



ຂ່າວລ່າສຸດ