ລາຍລະອຽດຂ່າວ
Messi ຢຸດຕິການຫຼິ້ນ ໃນນາມທີມຊາດ ຫຼັງຈາກທີ່ພາດຈຸດໂທດ ເຮັດໃຫ້ Argentina ພາດ 4 ແຊັມໃນຮອບ 9 ປີ
ຂຽນເມື່ອ: 27/06/2016 14:06 | ໂດຍ: ແອັດມິນ | ອ່ານ: 402 ຄັ້ງ

   Messi ປະກາດຢຸດຕິການຫຼິ້ນ ໃນນາມທີມຊາດ ຫຼັງຈາກທີ່ພາດການຍິງຈຸດໂທດ ເຮັດໃຫ້ Argentina ບໍ່ຊະນະໃນນັດຊິງຊະນະເລີດເຖິງ 4 ລາຍການໃນຮອບ 9 ປີ.
   Messi ໄດ້ກ່າວຫຼັງຈາກທີ່ Argentina ເສຍການຍິງຈຸດໂທດໃຫ້ Chile 2-4 ໃນຮອບຊິງຊະນະເລີດ Copa America 2016 ວ່າ“ ມັນບໍ່ມີຄວາມໝາຍ ກັບຂ້ອຍອີກຕໍ່ໄປ, ສຳລັບຂ້ອຍການແຂ່ງຂັນ ໃນນາມທີມຊາດ ໄດ້ຈົບລົງແລ້ວ, ຂ້ອຍໄດ້ເຮັດທຸກສິ່ງທຸກຢ່າງ ເຕັມຄວາມສາມາດແລ້ວ ແລະ ມັນກໍ່ເປັນຄວາມຮູ້ສຶກ ທີ່ແສນເຈັບປວດທີ່ສຸດ ທີ່ບໍ່ສາມາດ ເອົາແຊັມມາຄອງໄດ້”.
   Sergio Romero ຜູ້ຮັກສາປະຕູຂອງ Argentina ແລະ ສະໂມສອນ Manchester United ຫວັງວ່າ Messi ຈະປ່ຽນໃຈຕໍ່ການຕັດສິໃຈດັ່ງກ່າວ ແລະ ຍັງຄົງຫຼິ້ນໃຫ້ທີມຊາດຕໍ່ໄປອີກ ແລະ ທີ່ Messi ເວົ້າແບບນັ້ນເພາະ ລາວກຳລັງເສຍໃຈ ທີ່ພາດໂອກາດຄວ້າແຊັມໃນຄັ້ງນີ້ ແລະ ຂ້ອຍກໍ່ບໍ່ຮູ້ວ່າທີມຊາດ Argentina ຈະເປັນແນວໃດຖ້າຂາດ Messi.
   Messi ສາມາດຍິງໄດ້ 5 ປະຕູໃນການແຂ່ງຂັນ Copa America 2016 ແລະ ກາຍເປັນດາວຍິງສູງສຸດ ຕະຫຼອດການຂອງ ທີມຊາດ Argentina ຄື 55 ປະຕູ.
   ໃນການຫຼິ້ນໃຫ້ກັບ Bacelona, Messi ໄດ້ແຊັມ Laliga 8 ສະໄໝ, ແຊັມ EUFA Champions Leagues 4 ສະໄໝ ແຕ່ໃນນາມທີມຊາດ ເຂົາໄດ້ພຽງແຊັມ ໃນກິລາບານເຕາະຂອງ Olympic 2008. Argentina ຍັງເສຍໃຫ້  Germany ໃນການຊິງແຊັມບານໂລກ 2014 0-1 ກ່ອນທີ່ຈະແພ້ຈຸດໂທດໃຫ້ Chile ໃນ Copa America ເຖິງ 2 ປີ ຕິດຕໍ່ກັນ ແລະ ກໍ່ຍັງເສຍໃຫ້ Brazil ໃນນັດຊິງຊະນະເລີດ Copa America  2007 ອີກດ້ວຍ.

ຂອບໃຈຂໍ້ມູນຈາກ bbc.com, thesun.co.uk
ຂອບໃຈພາບຈາກ thesun.co.uk

ໂດຍ ໂດເຣມອນ

ສະໜັບສະໜູນຂ່າວໂດຍ: