ລາຍລະອຽດຂ່າວ
ຄືນນີ້ທີມໃຫຍ່ຈະເຂົ້າຮອບໄດ້ ຕ້ອງບໍ່ປະໝາດ
ຂຽນເມື່ອ: 26/06/2016 17:06 | ໂດຍ: ເພຣເມັກເກີ | ອ່ານ: 722 ຄັ້ງ

      ຮັບຮູ້ກັນໄປເປັນທີ່ຮຽບຮ້ອຍສຳລັບ 3 ທີມທີ່ໄດ້ຜ່ານ ເຂົ້າຮອບ 8 ທີມສຸດທ້າຍໃນເສິກຢູໂຣ 2016. ມື້ນີ້ຈະມີການແຂ່ງຂັນກັນອີກ 2 ຄູ່ເຊິ່ງຄວາມເປັນໄປໄດ້ ຂອງຜົນຂອງການແຂ່ງຂັນ ໃນແຕ່ລະຄູ່ ຈະເປັນແນວໃດນັ້້ນ ລອງມາອ່ານເບິ່ງຂໍ້ມູນ ຂອງແຕ່ລະຄູນຳກັນ
      ຝລັ່ງ ພົບ ໄອແລນ ເວລາແຂ່ງຂັນ 20:00
      ຄູ່ນີ້ຝລັ່ງເບິ່ງແລ້ວໄດ້ປຽບຮອບດ້ານ ແລະ ຕາມສະຖິຕິໃນຮອບຜ່ານມາ ຝລັ່ງຊະນະ 2 ສະເໝີ 1 ຍັງບໍ່ທັນເສຍໃຫ້ກັບທີມໃດ ສ່ວນໄອແລນ ຜ່ານເຂົ້າຮອບນີ້ໂດຍ ເປັນທີມອັນດັບ 3 ທີ່ມີຄະແນນດີທີ່ສຸດ 4 ທີມຈາກ 6 ກຸ່ມ. ຜົນການພົບກັນ 5 ນັດຫຼັງສຸດ ຝລັ່ງເປັນຝ່າຍເອົາຊະນະໄປໄດ້ 2 ຄັ້ງ, ສະເໝີກັນ 2 ຄັ້ງ ແລະ ໄອແລນຊະນະ 1 ຄັ້ງ ແລະ ແຕ່ລະຄັ້ງທີ່ພົບກັນ ບໍ່ເຄີຍມີນັດໃດກິນກັນຫ່າງກວ່າ 1 ປະຕູ ແລະ ໃນນັດນີ້ເຊື່ອແນ່ວ່າ ໄອແລນອອກມາຕັ້ງຮັບ ແລະ ຖ້າຈັງວະສວນກັບຢ່າງແນ່ນອນ ແລະ ພວກເຂົ້າກໍ່ຄົງຈະຫວັງຢັນ ສະເໝີເພື່ອໂອກາດລຸ້ນໃນການຍິງຈຸດໂທດ ແລະ ບາງທີອາດມີຜົນ ການພິກລ໋ອກກະເປັນໄປໄດ້ ເຖິງແມ່ນວ່າລາຍການນີ້ ຝລັ່ງ ຈະໄດ້ປຽບໄອແລນຫຼາຍດ້ານແຕ່ ເນື່ອງຈາກນັດຫຼ້າສຸດທີ່ທັງ 2 ພົບກັນໃນບານໂລກ ຮອບຄັດເລືອກປີ 2010 ແມ່ນ ໄອແລນ ສາມາດເອົາຊະນະໄປໄດ້ 1-0 ສະນັ້ນຝລັ່ງເອງກໍ່ປະໝາດໄອແລນ ບໍ່ໄດ້ເຊັ້ນກັນ

       ເຢຍລະມັນ ພົບ ສະໂລວາເກຍ ເວລາແຂ່ງຂັນ 23:00

      ນັດນີ້ບັນດາແຟນບານ ຍົກໃຫ້ເຢຍລະມັນໄດ້ປຽບແນ່ນອນ, ແຕ່ເມື່ອກັບໄປເບິ່ງສະຖິຕິ ການພົບກັນ 4 ນັດຫຼັງສຸດແມ່ນ ປ່ຽນກັບເສຍ ແລະ ຊະນະ ຝ່າຍລະ 2 ຄັ້ງສະນັ້ນຄູ່ນີ້ຖ້າທຽບໂຕຜູ້ຫຼິ້ນແລ້ວ ເຢຍລະມັນເປັນຕໍ່ຫຼາຍ, ແຕ່ສະໂລວາເກຍ ເປັນທີມທີ່ມັກຫຼິ້ນໄດ້ດີ ເມື່ອພົບກັບທີມໃຫຍ່. ຄູ່ນີ້ເຊື່ອວ່າເຢຍລະມັນ ຈະເປີດເກມບຸກເຂົ້າໃສ່ ແລະ ຖ້າໄດ້ປະຕູໄວອາດຈະມີ ການໄຫຼຂອງສະກໍ, ແຕ່ຖ້າຍິງບໍ່ໄດ້ຂຶ້ນມາ ຈັງວະສວນກັບຂອງ ສະໂລວາເກຍກໍ່ ອາດເຮັດໃຫ້ໜຸ່ມນັກເຕະເມືອງເບຍ ຕ້ອງໄດ້ເກັບເຄື່ອງກັບບ້ານ ກ່ອນເວລາອັນຄວນກໍ່ເປັນໄດ້

ໂດຍ: ເພຣເມັກເກີ




ຂ່າວຍອດນິຍົມ 7 ວັນລ່າສຸດ