ລາຍລະອຽດຂ່າວ
Colombia ໄດ້ທີ 3 ໃນ Copa America ເປັນຄັ້ງທີ 4
ຂຽນເມື່ອ: 26/06/2016 13:06 | ໂດຍ: ແອັດມິນ | ອ່ານ: 507 ຄັ້ງ

    ໃນການແຂ່ງຂັນ Copa America 2016 ຊິງອັນດັບທີ 3 ໃນຕອນເຊົ້າມື້ນີ້ ວັນທີ 26 ມີຖຸນາ 2016 ຜົນປະກົດວ່າ Colombia ສາມາດເອົາຊະນະເຈົ້າພາບ USA 1-0 ໂດຍໄຊຊະນະຂອງ Colombia ເກີດຂຶ້ນໃນນາທີທີ 31 ໂດຍການຍິງປະຕູຂອງ Carlos Bacca ນັກເຕະຕໍາແໜ່ງກອງໜ້າ ຈາກສະໂມສອນ AC Milan ເຊິ່ງເປັນປະຕູທີ 13 ໃນການແຂ່ງຂັນ ໃນນາມທີມຊາດ ແລະ ເປັນປະຕູທີ 2 ໃນການແຂ່ງຂັນຄັ້ງນີ້ ເຮັດໃຫ້ທີມ ໄດ້ອັນດັບທີ 3 ເປັນຄັ້ງທີ 4 ເຊິ່ງ 3 ຄັ້ງກ່ອນໜ້າແມ່ນໄດ້ໃນປີ 1987, 1993 ແລະ 1995 ແລະ Colombia ກໍ່ເຄີຍເປັນເຈົ້າພາບຈັດການແຂ່ງຂັນ ແລະ ໄດ້ແຊັມ ໃນລາຍການນີ້ມາແລ້ວ ເມື່ອປີ 2001 ສ່ວນ USA ກໍ່ໄດ້ອັນດັບ 4 ເປັນຄັ້ງທີ 2 ເຊິ່ງຄັ້ງກ່ອນໜ້ານີ້ USA ເສຍໃຫ້ Colombia ໃນການຊິງອັນດັບທີ 3 ເມື່ອປີ 1995 ທີ່ຈັດຢູ່ປະເທດ Uruguay.

    Man of the Match ໃນນັດນີ້ແມ່ນ Devid Ospina ຜູ້ຮັກສາປະຕູຂອງ Colombia ຈາກສະໂມສອນ Arsenal ອາຍູ 27 ປີ

    ເຊິ່ງຕອນນີ້ ທຸກຄວາມສົນໃຈ ໄດ້ຫັນໄປຫາຄູ່ຊິງຊະນະເລີດ ທີ່ຈະແຂ່ງກັນໃນເຊົ້າມື້ອື່ນ ວັນທີ 27 ມິຖຸນາ 2016 ເວລາ 07:00 ລະຫວ່າງ Argentina ພົບກັບ Chile.

ຂອບໃຈຂໍ້ມູນຈາກ ca2016.com, thesun.co.uk, wikipedia.org
ຂອບໃຈພາບຈາກ thesun.co.uk

ໂດຍ ໂດເຣມອນ

ສະໜັບສະໜູນຂ່າວໂດຍ:



ຂ່າວລ່າສຸດ