ລາຍລະອຽດຂ່າວ
ບາງສະຖິຕິທີ່ ໜ້າສົນໃຈໃນບານເຕະຢູໂຣ 2016 ຮອບແບ່ງກຸ່ມ
ຂຽນເມື່ອ: 24/06/2016 16:06 | ໂດຍ: ເພຣເມັກເກີ | ອ່ານ: 1293 ຄັ້ງ

      ບານເຕະຮອບແບ່ງກຸ່ມ ຂອງເສິກ ບານເຕະຢູໂຣ 2016 ຜ່ານໄປໂດຍມີ ການແຂ່ງຂັນກັນທັງໝົດ 36 ນັດ ມີສະຖິຕິຕ່າງໆເກີດຂຶ້ນ ຢ່າງຫຼວງຫຼາຍ ແລະ ຍັງບໍ່ມີທີມໃດເກັບໄຊຊະນະ ໄດ້ຄົບທຸກນັດ ທີ່ລົງແຂ່ງຂັນເທື່ອ. ຈາກຂໍ້ມູນ ທີ່ Dailymail ສື່ດັງແຫ່ງປະເທດອັງກິດ ໄດ້ສະຫຼຸບສະຖິຕິຕ່າງໆ ທີ່ເກີດຂຶ້ນໃນ ການແຂ່ງຂັນ ຮອບແບ່ງກຸ່ມບານຢູໂຣ 2016 ມີດັ່ງນີ້:
      ຄຣິດສະເຕຍໂນ້ ໂຣນານໂດ້ ກັບຕັນທີມຊາດ ໂປຕຸເກດ ເປັນນັກກິລາທີ່ມີໂອກາດຍິງ ປະຕູ ຫຼາຍທີ່ສຸດຄື 30 ຄັ້ງຕະຫຼອດ 3 ນັດເໜືອກວ່າຄູ່ແຂ່ງອັນດັບ 2 ຄື ແກເຣັດ ເບວ ທີ່ມີໂອກາດຍິງ 17 ຄັ້ງ ແລະ ຍັງມີໂອກາດຍິງກັນຫຼາຍກວ່າ ທີມຊາດຕ່າງໆ ທີ່ມີໂອກາດລວມກັນ ໃນການແຂ່ງຂັນໝົດທີມ ໄດ້ແກ່ ແອວເບເນຍ ມີໂອກາດຍັງທັງໝົດ 29 ຄັ້ງ, ສາທາລະນະລັດເຊັກ 26 ຄັ້ງ, ສະໂລວາເກຍ 26 ຄັ້ງ, ຕວັກກີ 26 ຄັ້ງ, ອີຕາລີ 26 ຄັ້ງ, ໄອແລນ 23 ຄັ້ງ, ສະວີເດັນ 23 ຄັ້ງ ແລະ ໄອແລນເໜືອ 23 ຄັ້ງ. ແຕ່ໃນ 30 ຄັ້ງ ທີ່ມີໂອກາດຍິງປະຕູເຂົາ ຍິງເຂົ້າກອບພຽງ 7 ຄັ້ງເທົ່ານັ້ນ.

      ໂທນີ້ ໂຄຣສ ກອງກາງຂອງເຢຍລະມັນ ເປັນຜູ້ຫຼິ້ນທີ່ສົ່ງບານ ແມ້ນຢຳໄດ້ຫຼາຍທີ່ສຸດ ໃນຮອບທີ່ຜ່ານມາຄື ສາມາດສົ່ງບານໄປເຖິງເປົ້າໝາຍ ໄດ້ທັງໝົດ 323 ຄັ້ງເຊິ່ງຫຼາຍກວ່າອັນດັບ 2 ຄື ອັນເດຣສ ອີເນສຕ້າ ຂອງສະເປນ ທີ່ສົ່ງໄດ້ 281 ຄັ້ງ

      ໃນຂະນະທີ່ ນັກເຕະທີ່ສະກັດບານ ໄດ້ແມ້ນຢຳທີ່ສຸດ ຕົກເປັນຂອງ ດາຣິໂອ ເຊີນາ ກັບຕັນທີມຂອງ ໂຄຣເອເຊຍ ເຖິງແມ່ນວ່າ ໃນລະຫວ່າງການແຂ່ງຂັນຢູໂຣ 2016 ນີ້ເຂົາໄດ້ສູນເສຍພໍ່ໄປກໍ່ຕາມ ແຕ່ເຂົາຍັງຄົງມີສະມາທິ ກັບການລົງຫຼິ້ນ ແລະ ເປັນຜູ້ສ້າງສະຖິຕິການ ເຂົ້າສະກັນບານແມ່ນຢໍາ 10 ຄັ້ງ ທຽບເທົ່າກັບ ຣິຄາໂດ ໂຣດຮິເກວສ ແບັກຊ້າຍຊາວສະວິດເຊີແລນ ແລະ ໂອລິເວີ ນໍວູດ ກອງກາງໄອແລນເໜືອ


ຂໍ້ມູນຂ່າວຈາກ: www.dailymail.co.uk,ພາບຂ່າວຈາກ: www.mirror.co.uk

ຂ່າວໂດຍ: ເພຣເມັກເກີ




ຂ່າວຍອດນິຍົມ 7 ວັນລ່າສຸດ