ລາຍລະອຽດຂ່າວ
Argentina ແລະ Chile ຄູ່ຊິງຊະນະເລີດ Copa America 2015 ແລະ 2016
ຂຽນເມື່ອ: 23/06/2016 13:06 | ໂດຍ: ແອັດມິນ | ອ່ານ: 449 ຄັ້ງ

    ຜົນການແຂ່ງຂັນໃນຮອບ ​Semi Final ຄູ່ທີ 1 ແຂ່ງຂັນກັນໃນວັນທີ 22/06/2016 ທີ່ຜ່ານມາ ເປັນການພົບກັນລະຫວ່າງ USA ເຈົ້າພາບຄັ້ງທຳອິດຂອງ Copa America ແລະ Argentina ທີມອັນດັບທີ 1 ຂອງໂລກໃນຂະນະນີ້ ຜົນປະກົດວ່າ Argentina ສາມາດເອົາຊະນະໄປ 4-0 ເຂົ້າຮອບຊິງຊະນະເລີດ ເປັນທີມທຳອິດ. ຄູ່ທີ 2 ແຂ່ງກັນໃນຕອນເຊົ້າມື້ນີ້ ວັນທີ 23/06/2016 ເປັນການພົບກັນລະຫວ່າງ Colombia ທີມອັນດັບທີ 3 ຂອງໂລກ ແລະ Chile ທີມອັນດັບທີ 5 ຂອງໂລກ ແລະ ເປັນແຊັມເກົ່າ ໃນລາຍການນີ້, ໃນການແຂ່ງຂັນນັດນີ້ Chile ລົງສະໜາມດ້ວຍຄວາມໝັ້ນໃຈ ແລະ ພວກເຂົ້າກໍ່ສາມາດ ຍິງປະຕູໄດ້ຢ່າງໄວ ແລະ ນຳໄປກ່ອນ 2-0 ຕັ້ງແຕ່ເຄິ່ງເວລາທໍາອິດ ໂດຍລູກທໍາອິດເປັນການຍິງຂອງ Charles Aranguiz ແລະ ລູກທີ 2 ຍິງໂດຍ Jose Fuenzalida ແລະ ຊ່ວງພັກເຄິ່ງເວລາທີ 1 ນັ້ນມີພາຍຸເຂົ້າຢ່າງໜັກ ທີ່ບໍລິເວນສະໜາມ ເຮັດໃຫ້ຕ້ອງໄດ້ເລື່ອນ ການແຂ່ງຂັນ ໃນເຄິ່ງເວລາທີ 2 ໄປອີກ 2 ຊົ່ວໂມງ ກັບ 29 ນາທີ, ຊ່ວງເຄິ່ງເວລາທີ 2 Colombia ມາເຫຼືອຜູ້ຫຼິ້ນ 10 ຄົນ ຫຼັງຈາກທີ່ Carlos Sanchez ໄດ້ໃບເຫືຼອງທີ 2 ເປັນໃບແດງ ຖືກໄລ່ອອກຈາກສະໜາມ ເຮັດໃຫ້ຊ່ວງເວລາທີ່ເຫຼືອຢູ່ Chile ເປັນຝ່າຍຄຸມສະຖານນະການ ເອົາໄວ້ໄດ້ໝົດ ຈົນໝົດເວລາ ເຮັດໃຫ້ Chile ເອົາຊະນະໄປໄດ້ 2-0 ແລະ ຜ່ານເຂົ້າໄປຊິງຊະນະເລີດກັບ Argentina ໃນວັນທີ 27/06/2016 ເຊິ່ງເປັນຄູ່ຊິງຊະນະເລີດ ຄູ່ດຽວກັນກັບ ຄູ່ຊິງຊະນະເລີດໃນປີ 2015. ສຳລັບຄູ່ຊິງທີ 3 ແມ່ນຈະແຂ່ງກັນໃນວັນທີ 26/06/2016 ເປັນການລົງສະໜາມ ລະຫວ່າງເຈົ້າພາບ USA ທີ່ເສຍໃຫ້ Argentina ໃນຮອບ Semi Final 0-4 ຈະພົບກັບ Colombia ທີ່ເສຍໃຫ້ Chile ໃນຮອບ Semi Final 0-2.

ເສັ້ນທາງການແຂ່ງຂັນຂອງ Argentina ແລະ Chile ໃນ Copa America 2016 ມີດັ່ງນີ້:

ຮອບທຳອິດ ນັດທີ 1 Argentina 2 - 1 Chile Chile 1 - 2 Argentina
ຮອບທຳອິດ ນັດທີ 2 Argentina 5 - 0 Panama Chile 2 - 1 Bolivia
ຮອບທຳອິດ ນັດທີ 3 Argentina 3 - 0 Bolivia Chile 4 - 2 Panama
ຜົນໃນຮອບທຳອິດ Argentina ເປັນທີ 1 ຂອງກຸ່ມ D Chile ເປັນທີ 2 ຂອງກຸ່ມ D
ຮອບ Quarter Final Argentina 4 - 1 Venezuela Chile 7 - 0 Mexico
ຮອບ Semi Final Argentina 4 - 0 USA Chile 2 - 0 Colombia
ລວມປະຕູໄດ້/ປະຕູເສຍ Argentina 18 / 2 Chile 16 / 5

    ເຮົາມາຕິດຕາມເບິ່ງວ່າ ແຊັມ Copa America ໃນປີນີ້ຈະເປັນໃຜ, ຈະເປັນ Chile ທີ່ສາມາດຄວ້າແຊັມໄດ້ 2 ປີຕິດຕໍ່ກັນໄດ້ຫຼືບໍ່ ຫຼືອາດຈະເປັນ Argentina ທີ່ຈະມາແກ້ມື Chile ແລະ ກາຍເປັນແຊັມສະໄໝທີ 15 ໄດ້ຫຼືບໍ່ ເຊິ່ງໃນວັນທີ  27/06/2016 ເວລາ 07:00 ເຮົາມາລຸ້ນນຳກັນ.

ຂອບໃຈຂໍ້ມູນຈາກ fifa.com, clipfasthd.com, en.as.com

ຂອບໃຈພາບຈາກ copaamericafinal2016.com

ໂດຍ: ໂດເຣມອນ

ສະໜັບສະໜູນຂ່າວໂດຍ:



ຂ່າວລ່າສຸດ