ລາຍລະອຽດຂ່າວ
Messi ສ້າງປະຫວັດສາດ ແລະ ນຳທັບຖະລົ່ມ USA ເຈົ້າພາບ Copa America 2016 ຜ່ານເຂົ້າໄປ ລໍຖ້າຊິງຊະນະເລີດ
ຂຽນເມື່ອ: 22/06/2016 12:06 | ໂດຍ: ແອັດມິນ | ອ່ານ: 494 ຄັ້ງ

    Argentina ພາຍໃຕ້ການນຳທັບຂອງ Messi ສາມາດຜ່ານ ເຂົ້າໄປລໍຖ້າໃນຮອບ Final ໃນການແຂ່ງຂັນລາຍການ Copa America ເປັນປີທີ 2 ຕິດຕໍ່ກັນ ໂດຍການເອົາຊະນະ USA ເຈົ້າພາບ ໃນການແຂ່ງຂັນໃນຮອບ Semi Final ໃນຕອນເຊົ້າຂອງວັນທີ 22/06/2016 (ເວລາໃນລາວ) ທີ່ຜ່ານມາ. ການຍິງປະຕູຂອງ Messi ໃນນັດນີ້ ເຮັດໃຫ້ເຂົາເປັນ ດາວຍິງສູງສຸດຕະຫຼອດການ ຂອງທີມຊາດ Argentina ຄື 55 ປະຕູ ທຳລາຍສະຖິຕິຂອງ Gabriel Batistuta ທີ່ຍິງໄດ້ 54 ປະຕູ. ໂດຍໃນເກມນີ້  Messi ສາມາດຍິງໄດ້ 1 ປະຕູ ແລະ ຈ່າຍອີກ 2 ປະຕູ ເຮັດໃຫ້ທີມ Argentina ເອົາຊະນະ USA ເຈົ້າພາບໄປ 4-0  ຜ່ານເຂົ້າຮອບຊິງຊະນະເລີດ ລໍຖ້າທີມທີ່ຊະນະ ຈາກການແຂ່ງຂັນຮອບ Semi Final ຄູ່ທີ 2 ເຊິ່ງເປັນການພົບກັນລະຫວ່າງ Colombia ແລະ Chile ເຊິ່ງຈະແຂ່ງກັນໃນວັນທີ 23/06/2016 ເວລາ 07:00 ຖ້າຫາກໃນເກມດັ່ງກ່າວ Chile ສາມາດເອົາຊະນະ Colombia ໄດ້ກໍ່ຈະເຮັດໃຫ້ ເປັນການເຂົ້າ ຊິງຊະນະເລີດກັນເອງ ຂອງທີມ ທີ່ຢູ່ໃນກຸ່ມດຽວກັນ ໃນຮອບທຳອິດ ເຊິ່ງໃນຄັ້ງນັ້ນ Argentina ເປັນຝ່າຍເອົາຊະນະ Chile ໄປໄດ້ 2-1 ແລະ ຈະເປັນຄູ່ຊິງຊະນະເລີດ Copa America  ຄູ່ດຽວກັນ 2 ປີຊ້ອນ. ກ່ອນໜ້ານີ້ Argentina ໄດ້ຜ່ານເຂົ້າ ຮອບຊິງຊະນະເລີດ 2 ລາຍການທີ່ ເຂົ້າຮ່ວມການແຂ່ງຂັນຄື: Copa America 2015 ທີ່ເສຍໃຫ້ Chile 1-2 ແລະ ການແຂ່ງຂັນ Word Cup (ບານໂລກ) 2014 ທີ່ເສຍໃຫ້ Germany 0-1 ເຊິ່ງເຮັດໃຫ້ Messi ຍັງບໍ່ປະສົບຜົນສຳເລັດ ໃນການຫຼິ້ນໃຫ້ກັບທີມຊາດ ທີ່ຕ່າງຈາກການຫຼິ້ນ ໃຫ້ກັບທີມສະໂມສອນ ຕົ້ນສັງກັດຄື Barcelona ທີ່ສາມາດພາທີມ ຄວ້າແຊ້ມ ມາແລ້ວທຸກລາຍການ ທີ່ລົງຫຼິ້ນ.

          ໃນການແຂ່ງຂັນ ນັດຊິງຊະນະເລີດ ແມ່ນຈະມີຂຶ້້ນໃນວັນທີ 27/06/2016 ເວລາ 07:00

ຂອບໃຈຂໍ້ມູນຈາກ foxsports.com.au, english.manoramaonline.com, espnfc.com

ຂອບໃຈພາບຈາກ foxsports.com.au

ໂດຍ: ໂດເຣມອນ

ສະໜັບສະໜູນຂ່າວໂດຍ:



ຂ່າວລ່າສຸດ