ລາຍລະອຽດຂ່າວ
ໂຄງສຸດທ້າຍຂອງການແຂ່ງຂັນ ເຂັ້ມຂຸ້ນດຸເດືອດ ໃນການແຂ່ງຂັນກິລາ ດອກປີກໄກ່ ທົ່ວປະເທດ ຄັ້ງທີ 16
ຂຽນເມື່ອ: 07/08/2016 00:08 | ໂດຍ: ແອັດມິນ | ອ່ານ: 653 ຄັ້ງ

   ການແຂ່ງຂັນກິລາ ດອກປີກໄກ່ທົ່ວປະເທດ ຄັ້ງທີ 16 ຊີງຂັນທ່ານປະທານສະພາແຫ່ງຊາດ ທີ່ແຂ່ງຂັນກັນລະຫວ່າງ ວັນທີ 04 ເຖິງ 07 ສິງຫາ ທີ່ສະໂມສອນ ດອກປີກໄກ່ ບຶງຂະຫຍອງ ນະຄອນຫຼວງວຽງຈັນ ມີການແຂ່ງຂັນທັງໝົດ 9 ປະເພດ ໄດ້ສຳເລັດການແຂງ່ຂັນໃນວັນທີ 3 ຂອງການແຂ່ງຂັນແລ້ວ.

   ມື້ວານນີ້ວັນທີ 06 ສິງຫາ ມີການແຂ່ງຂັນກັນທັງໝົດ 39 ນັດ ຈາກ 8 ປະເພດແຂ່ງຂັນ ເຊິ່ງມື້ວານນີ້ແມ່ນມີຄວາມເຂັ້ມຂຸ້ນ ດຸເດືອດກັນທຸກໆຄູ່ເລີຍ ເພາະຖືໄດ້ວ່າເປັນ ໂຄງສຸດທ້າຍຂອງການແຂ່ງຂັນແລ້ວ ເຫລືອການແຂ່ງຂັນໃນມື້ນີ້ ວັນທີ 07 ສິງຫາ ອີກພຽງມື້ດຽວເທົ່ານັ້ນ ເຊິ່ງຄູ່ທີ່ເປັນຄູ່ເດັ່ນຂອງການແຂ່ງຂັນມື້ວານນີ້ມີດັ່ງນີ້:

ຄູ່ເຍົາວະຊົນຊາຍ ອາຍຸ 16 ປີ ຮອບ 8 ທີມ ນັດທີ 30 ເປັນການພົບກັນລະຫວ່າງ
ຄູ່ຂອງ ທ້າວ ໄຊປະເສີດ+ທ້າວ ວິລະຊົນ ຈາກສະໂມສອນຕິນາ ເສຍໃຫ້ຄູ່ຂອງ ທ້າວ ສອນປະສິດ+ທ້າວ ສັນຕິ ຈາກສະໂມສອນ KT 1-2 ເຊັດ ດ້ວຍຄະແນນ 14-21, 22-20, 16-21

ດ່ຽວຊາຍທົ່ວໄປ ຮອບ 8 ທີມ ນັດທີ 41 ເປັນການພົບກັນລະຫວ່າງ
ທ້າວ ຜາໄຊ ຈາກສະໂມສອນອຸດົມພອນ ເສຍໃຫ້ ທ້າວ ພັນທະລັງ ຈາກສະໂມສອນຕິນາ 0-2 ເຊັດ ດ້ວຍຄະແນນ 14-21, 20-22

ຄູ່ຊາຍທົ່ວໄປ ຮອບ 8 ທີມ ນັດທີ 48 ເປັນການພົບກັນລະຫວ່າງ
ຄູ່ຂອງ ທ້າວ ພຸດທະສອນ+ທ້າວ ພັນທະສອນ ຈາກພະແນກການເງິນ ນະຄອນຫຼວງວຽງຈັນ ເສຍໃຫ້ຄູ່ຂອງ  ທ້າວ ຄຳເພັງ+ທ້າວ ໄຊປະເສີດ ຈາກແຂວງອຸດົມໄຊ 1-2 ເຊັດ ດ້ວຍຄະແນນ 18-21, 21-18, 19-21

    ໃນມື້ນີ້ ວັນທີ 07 ສິງຫາ ຈະເປັນມື້ສຸດທ້າຍຂອງການແຂ່ງຂັນກິລາ ດອກປີກໄກ່ທົ່ວປະເທດ ຄັ້ງທີີ 16 ເຊິ່ງຍັງເຫຼືອການແຂ່ງອີກທັງໝົດ 28 ນັດການແຂ່ງຂັນ ເຮົາມາຕິດຕາມໄປນຳກັນວ່າ ແຊ້ມໃນແຕ່ລະປະເພດ ຈະເປັນນັກກິລາ ຈາກສະໂມສອນໃດ.

     ທາງທີມງານ laosportnews ໂດຍການຮ່ວມມືກັບ ສະຫະພັນກິລາ ດອກປີກໄກ່ແຫ່ງຊາດລາວ ຈະນຳເອົາຜົນ ແລະ ຂ່າວສານຕ່າງໆກ່ຽວກັບ ການແຂ່ງຂັນຄັ້ງນີ້ ມາແຈ້ງໃຫ້ທ່ານຊາບເປັນໄລຍະ ເຊິ່ງທ່ານສາມາດອັບເດດ ຜົນການແຂ່ງຂັນແບບ ນັດຕໍ່ນັດໄດ້ທີ່ ເວັບໄຊຂອງສະຫະພັນກິລາ ດອກປີກໄກ່ແຫ່ງຊາດລາວ lbf.laosportnews.com ແລະ ທ່ານຍັງສາມາດຕິດຕາມ ຂ່າວກິລາອື່ນໆທັງພາຍໃນ ແລະ ຕ່າງປະເທດໄດ້ທີ່ laosportnews.com.