ລາຍລະອຽດຂ່າວ
ອຸ່ນເຄື່ອງ ກ່ອນເລີ່ມການແຂ່ງຂັນ ໃນວັນທີ 3 ໃນການແຂ່ງຂັນກິລາ ດອກປີກໄກ່ທົ່ວປະເທດ ຄັ້ງທີ 16
ຂຽນເມື່ອ: 06/08/2016 08:08 | ໂດຍ: ແອັດມິນ | ອ່ານ: 686 ຄັ້ງ

   ການແຂ່ງຂັນກິລາ ດອກປີກໄກ່ທົ່ວປະເທດ ຄັ້ງທີ 16 ຊີງຂັນທ່ານປະທານສະພາແຫ່ງຊາດ ທີ່ແຂ່ງຂັນກັນລະຫວ່າງ ວັນທີ 04 ເຖິງ 07 ສິງຫາ ທີ່ສະໂມສອນ ດອກປີກໄກ່ ບຶງຂະຫຍອງ ນະຄອນຫຼວງວຽງຈັນ ມີການແຂ່ງຂັນທັງໝົດ 9 ປະເພດ ແລະ ໄດ້ດຳເນີນການແຂງ່ຂັນຮອດວັນທີ 3 ຂອງການແຂ່ງຂັນແລ້ວ.

     ສຳລັບການແຂ່ງຂັນໃນວັນທີ 06 ສິງຫາ ຈະມີການແຂ່ງຂັນທັງໝົດ 39 ນັດ ໃນ 8 ປະເພດຄື:
ຄູ່ເຍົາວະຊົນຊາຍ ອາຍຸ 16 ປີ ຈະແຂ່ງ 2 ນັດ
ດ່ຽວຊາຍທົ່ວໄປ ຈະແຂ່ງ 4 ນັດ
ດ່ຽວຍິງທົ່ວໄປ ຈະແຂ່ງ 4 ນັດ
ຄູ່ຊາຍທົ່ວໄປ ຈະແຂ່ງ 4 ນັດ
ຄູ່ຍິງທົ່ວໄປ ຈະແຂ່ງ 3 ນັດ
ຄູ່ປະສົມທົ່ວໄປ ຈະແຂ່ງ 12 ນັດ
ຄູ່ອາວຸໂສຍິງ 35 ປີ ຈະແຂ່ງ 2 ນັດ
ຄູ່ອາວຸໂສຊາຍ 45 ປີ ຈະແຂ່ງ 8 ນັດ

  ສຳລັບມື້ນີ້ຄູ່ເດັ່ນ ທີ່ທາງສະຫະພັນດອກປີກໄກ່ແນະນຳ ແລະ ແຟນດອກປີກໄກ່ຕ້ອງຕິດຕາມເປັນພິເສດ ສະເພາະຊ່ວງເຊົ້າ ແມ່ນມີດັ່ງນີ້:
ຄູ່ເຍົາວະຊົນຊາຍ ອາຍຸ 16 ປີ ຮອບ 8 ທີມ ນັດທີ 30 ເປັນການພົບກັນລະຫວ່າງ
ທ້າວ ໄຊປະເສີດ+ທ້າວ ວິລະຊົນ ຈາກສະໂມສອນຕິນາ ແລະ ທ້າວ ສອນປະສິດ+ທ້າວ ສັນຕິ ຈາກສະໂມສອນ KT

ດ່ຽວຊາຍທົ່ວໄປ ຮອບ 8 ທີມ ນັດທີ 41 ເປັນການພົບກັນລະຫວ່າງ
ທ້າວ ຜາໄຊ ຈາກສະໂມສອນອຸດົມພອນ ແລະ ທ້າວ ພັນທະລັງ ຈາກສະໂມສອນຕິນາ

ຄູ່ຊາຍທົ່ວໄປ ຮອບ 8 ທີມ ນັດທີ 48 ເປັນການພົບກັນລະຫວ່າງ
ທ້າວ ພຸດທະສອນ+ທ້າວ ພັນທະສອນ ຈາກພະແນກການເງິນ ນະຄອນຫຼວງວຽງຈັນ ແລະ ທ້າວ ຄຳເພັງ+ທ້າວ ໄຊປະເສີດ ຈາກແຂວງອຸດົມໄຊ

   ທາງທີມງານ laosportnews ໂດຍການຮ່ວມມືກັບ ສະຫະພັນກິລາ ດອກປີກໄກ່ແຫ່ງຊາດລາວ ຈະນຳເອົາຜົນ ແລະ ຂ່າວສານຕ່າງໆກ່ຽວກັບ ການແຂ່ງຂັນຄັ້ງນີ້ ມາແຈ້ງໃຫ້ທ່ານຊາບເປັນໄລຍະ ເຊິ່ງທ່ານສາມາດອັບເດດ ຜົນການແຂ່ງຂັນແບບ ນັດຕໍ່ນັດໄດ້ທີ່ ເວັບໄຊຂອງສະຫະພັນກິລາ ດອກປີກໄກ່ແຫ່ງຊາດລາວ lbf.laosportnews.com ແລະ ທ່ານຍັງສາມາດຕິດຕາມ ຂ່າວກິລາອື່ນໆທັງພາຍໃນ ແລະ ຕ່າງປະເທດໄດ້ທີ່ laosportnews.com.