ລາຍລະອຽດຂ່າວ
ການ​ແຂ່ງ​ຂັນ​ບານ​ເຕະ​ຍິງ​ຊີງ​ຂັນ ສ​ຕ​ລ ກຽດ​ເປີດ​ສາກ​ຂຶ້ນ​ໃນ​ທ້າຍ​ອາ​ທິດ​ນີ້
ຂຽນເມື່ອ: 02/08/2016 18:08 | ໂດຍ: Mee arsenal | ອ່ານ: 608 ຄັ້ງ

      ອີງ​ຕາມ​ຂໍ້​ມູນ​ຈາກ​ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ​ໄດ້​ໃຫ້​ຮູ້​ວ່າ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ( ສ​ຕ​ລ) ກຽມ​ຈັດການແຂ່ງຂັນບານເຕະຍິງ LFF Women’s Championship 2016 ​ໃນ​ລະຫວ່າງວັ​ນ​ທີ 7-13 ສິງຫາ 2016 ເຊິ່ງໃຊ້ສະຫນາມຫຍ້າທຽມສະຫະພັນບານເຕະແຫ່ງຊາດລາວເດີ່ນ 1 ແລະ ເດີ່ນ 2 ໂດຍມີທີມເຂົ້າຮ່ວມທັງຫມົດ 7 ທີມປະກອບມີ:
1. ບໍລິສັດ ສຸກມີໄຊ ຈະເລີນກໍ່ສ້າງ
2. ເມືອງມະນີ
3. ທີມຊາດຍິງອາຍຸບໍ່ເກີນ 16 ປີ
4. ກະຊວງປ້ອງກັນຄວາມສະຫງົບ
5. ແຂວງສະຫວັນນະເຂດ
6. ອີໂວ ຢູໄນເຕັດ 
7. ແຂວງຊຽງຂວາງ
      ລະບຽບການແຂ່ງຂັນລາຍດັ່ງກ່າວແມ່ນແຂ່ງຂັນພົບກັນໝົດ (ບໍ່ມີຮອບຂາກັບ), ເຊິ່ງທີມ ອັບດັບ 1 ຈະໄດ້ຮັບຂັນ ແລະ ເງິນຈໍານວນ 4 ລ້ານກີບ, ອັນດັບ 2 ຈະໄດ້ຮັບເງິນສົດ 3 ລ້ານກີບ, ອັນດັບ 3 ໄດ້ຮັບເງິນສົດ 2 ລ້ານກີບ, ທີມມາລະຍາດດີເດັ່ນຈະໄດ້ຮັບເງິນສົດ 1 ລ້ານກີບ, ນອກຈາກນັ້ນຍັງມີລາງວັນນັກກິລາທີ່ຍິງປະຕູສູູງສຸດຈະໄດ້ຮັບເງິນສົດ 5 ແສນກີບ ແລະ ລາງວັນນັກກິລາດີເດັ່ນ 5 ແສນກີບ.