ລາຍລະອຽດຂ່າວ
ຄືນນີ້ໃຜຈະຢູ່ໃຜຈະໄປໃນກຸ່ມ A ບານຢູໂຣ ຮູ້ກັນແນ່ນອນ
ຂຽນເມື່ອ: 19/06/2016 15:06 | ໂດຍ: ເພຣເມັກເກີ | ອ່ານ: 1422 ຄັ້ງ

      ໃນຕອນເດິກຂອງມື້ນີ້ ຫຼືວ່າ ເປັນຕອນເຊົ້າຂອງວັນທີ 20/06/2016 ເວລາ 02:00 ຈະມີການແຂ່ງຂັນ ນັດສຸດທ້າຍຂອງກຸ່ມ A.

      ສະຖານະການ ຄະແນນໃນປັດຈຸບັນ ຂອງກຸ່ມນີ້ ຫຼັງຈາກທຸກທີມ ລົງແຂ່ງຂັນຄົບ 2 ນັດຝລັ່ງເປັນອັນດັບ 1 ມີ 6 ຄະແນນ, ສະວີດເຊີແລນ  ເປັນອັນດັບ 2 ມີ 4 ຄະແນນ, ໂຣມາເນຍ ຕາມມາເປັນອັນດັບ 3 ມີ 1 ຄະແນນ ແລະ ແອວບາເນຍ ຍັງບໍ່ທັນມີຄະແນນ ຕົກຮອບເປັນທີ່ຮຽບຮ້ອຍ. ໃນຄືນນີ້ຄູ່ລະຫວ່າງ ຝລັ່ງ ພົບກັບ ສະວິດເຊີແລນ ພຽງແຕ່ສະເໝີ ທັງສອງທີມຈະກອດຄໍກັນ ເຂົ້າຮອບທັນທີ ໂດຍຝລັ່ງຈະເປັນອັນດັບ 1 ຂອງກຸ່ມ ແລະ ສະວິດເຊີແລນ ເປັນອັນດັບ 2 ຂອງກຸ່ມ ສະນັ້ນເກມໃນຄືນນີ້ ຄົງຈະບໍ່ດຸເດືອດປານໃດ, ແຕ່ວ່າທີມເຈົ້າພາບ ກໍ່ຄົງບໍ່ຢາກເຮັດໃຫ້ ແຟນບານຂອງຕົນ ຜິດຫວັງແນ່ນອນ ຄົງຈະລົງຫຼິ້ນແບບເຕັມທີ່ ເພື່ອເອົາໃຈແຟນບານ. ແລະ ອີກຄູ່ໜຶ່ງ ໂຣມາເນຍ ພົບ ແອວບາເນຍ, ຕ້ອງລຸ້ນໃຫ້ຝລັ່ງເອົາຊະນະ ສະວີດເຊີແລນ ແລ້ວໂຣມາເນຍ ຕ້ອງຊະນະ ແອວບາເນຍ ໃຫ້ໄດ້ຈຶ່ງຈະໄດ້ເຂົ້າຮອບຕໍ່ໄປ, ຖ້າບໍ່ດັ່ງນັ້ນ ກໍ່ຕ້ອງເກັບ 3 ຄະແນນໃຫ້ໄດ້ ເພື່ອໄປລຸ້ນໃຫ້ໄດ້ເຂົ້າຮອບ ໂດຍການເປັນທີມ ອັນດັບສາມທີ່ດີທີ່ສຸດ ເມື່ອທຽບໃສ່ກັບກຸ່ມອື່ນ ເບິ່ງແລ້ວຄູ່ນີ້ຄົງອອກມາສູສີ ແລະ ມ່ວນຢ່າງແນ່ນອນ ເພາະໂຣມາເນຍ ບໍ່ມີທາງເລືອກຕ້ອງເປີດ ເກມບຸກໃສ່ຢ່າງແນ່ນອນ, ແຕ່ກໍ່ປະໝາດເກມສວນກັບຂອງ ແອວບາເນຍບໍ່ໄດ້ເຊັ່ນກັນ. ຜົນຂອງການພົບກັນຂອງທັງ 2 ທີມ ທີ່ຜ່ານມາ 5 ນັດຫຼັງສຸດ ແອວເບເນຍ ຍັງບໍ່ເຄີຍເອົາຊະນະ ໂຣມາເນຍ ໄດ້ເລີຍ ເຮັດໄດ້ດີທີ່ສຸດຄືສະເໝີ 2 ນັດ ແລະ ເສຍ 3 ນັດ.

ໂດຍ: ເພຣເມັກເກີ




ຂ່າວຍອດນິຍົມ 7 ວັນລ່າສຸດ