ລາຍລະອຽດຂ່າວ
ການແຂ່ງຂັນ U-14 ຢູ່ແຂວງ ສະຫວັນນະເຂດ ຈະຮູ້ແຊ້ມມື້ອື່ນນີ້
ຂຽນເມື່ອ: 29/07/2016 16:07 | ໂດຍ: ເພຣເມັກເກີ | ອ່ານ: 1323 ຄັ້ງ

      ການແຂ່ງຂັນບານເຕະ 7 ຄົນປະຈຳປີ ໄລຍະ ພັກພາກຮຽນ ລຸ້ນເຍົາວະຊົນ U-14 ປີຂອງແຂວງສະຫວັນນະເຂດ ກໍາລັງຈະມາຮອດຮອບຊີງຊະນະເລີດແລ້ວ ພາຍຫຼັງເລີ່ມແຂ່ງຂັນຕັ້ງແຕ່ຕົ້ນເດືອນ ກໍລະກົດ ເປັນຕົ້ນມາ ໂດຍມີທີມ ເຂົ້າຮ່ວມທັງໝົດ 8 ທີມແບ່ງອອກເປັນ 2 ສາຍ ແລ້ວແຂ່ງຂັນໂດຍໃຊ້ລະບົບພົບກັນໝົດ ຄັດເອົາທີ 1 ແລະ 2 ຂອງແຕ່ລະສາຍ ມາໄຂວ່ກັນໃນຮອບຮອງຊະນະເລີດ. ແລະຮອບຊີງຊະນະເລີດຈະມີຂຶ້ນໃນຕອນບ່າຍຂອງ ມື້ອື່ນ ວັນທີ 30/07/2016 ເວລາ 14:00, ທີ່ສະໜາມ ຫຍ້າທຽມ ຕີ໋ໄຕລັດ. ເຊິ່ງເປັນການພົບກັນອີກ ຄັ້ງລະຫວ່າງທີມ ຕີ໋ໄຕລັດ ເອັຟຊີ ພົບກັບ ສະຫວັນເຊັນເຕີ ເອຟຊີ, ທີ່ເຄີຍພົບກັນມາແລ້ວໃນຮອບຄັດເລືອກ ເຊິ່ງຜົນໃນນັດດັ່ງກ່າວ ປະກົດວ່າ ຕີ໋ໄຕລັດ ເອັຟຊີ ເສຍໃຫ້ ສະຫວັນເຊັນເຕີ ເອຟຊີ 1-4 ປະຕູ. ຂໍເຊີນຊວນແຟນບານທັງຫຼາຍໃນແຂວງ ສະຫວັນນະເຂດ ເດີນທາງໄປຊົມໄປເຊຍ ແລະໃຫ້ກຳລັງໃຈ ນັກເຕະ ອານາຄົນຂອງຊາດພວກເຮົາດ້ວຍ.

ຂອບໃຈພາບແລະຂ່າວຈາກ: ແຟນເພສ avan Centre United ສະໂມສອນບານເຕະສະຫວັນເຊັນເຕີ ຍູໄນເຕັດ




ກອງເຊຍເພິ່ນ ບໍ່ທຳມະດາ
ອາການດີໃຈຂອງ ນັກເຕະ ສະຫວັນເຊັນເຕີ ເອຟຊີ