ລາຍລະອຽດຂ່າວ
ສຕລ ຈັດຝຶກອົບຮົມ ກຳມະການຕັດສິນລະດັບ ກໍ
ຂຽນເມື່ອ: 26/07/2016 14:07 | ໂດຍ: Mee arsenal | ອ່ານ: 749 ຄັ້ງ

   ໃນຕອນເຊົ້າວັນຈັນ 26 ກໍລະກົດ 2016 ຢູ່ທີ່ຫ້ອງປະຊຸມໃຫຍ່ ສະຫະພັນບານເຕະແຫ່ງຊາດລາວ ໄດ້ມີພິທີເປີດ ຝຶກອົບຮົມຍົກລະດັບກຳມະການ ຕັດສິນລະດັບສາຍ ກໍ ເຂົ້າຮ່ວມໃນພິທີເປີດໂດຍມີ ທ່ານ ຄຳໄພ ປະເສີດ ຮອງປະທານສະຫະພັນບານເຕະແຫ່ງຊາດລາວ ພ້ອມດ້ວຍຜູ້ທີ່ກຽວຂ້ອງ ແລະ ນັກສຳມະກອນ 40 ຄົນເຂົ້າຮ່ວມໃນນັ້ນເປັນຍິງ 9 ທ່ານ.
  ຈຸດປະສົງຂອງການຝຶກອົບຮົມໃນຄັ້ງນີ່ ເພື່ອເປັນການເຜີຍແຜ່ກະຕິກາບານເຕະ 206 ທີ່ມີການປ່ຽນແປງໃຫມ່ໃຫ້ກັບກຳມະການຕັດສິນລະດັບສາຍ ກໍ ສົກປີ 2016 ໃຫ້ຮັບຮູ້ເປັນເອກະພາບກັນ, ເພື່ອປັບປຸງການຕັດສິນໃຫ້ມີຄຸນນະພາບສູງຂຶ້ນເປັນກ້າວໆ ຕິດຕາມໃຫ້ທັນກັບວິວັດທະນາການຂອງເກມການຫລິ້ນ, ເພື່ອເປັນຍົກລະດັບກຳມະການຕັດສິນລະດັບສາຍ ກ ແລະ ຍົກລະດັບກຳມະການຕັດສິນຈໍານວນຫນື່ງເພື່ອສົ່ງລາຍຊື່ບັນຈຸເປັນກຳມະການຕັດສິນລະດັບ ລາວພຣີເມຍລີກ,ການຝຶກອົບຄັ້ງນີ້ຈະໄດ້ດຳເນີນຝຶກແຕ່ວັນ 26-29 ກໍລະກົດ 2016 ເຊິ່ງນັກສຳມະກອນຈະໄດ້ຮຽນຮູ້ທິດສະດີ ແລະ ປະຕິບັດຕົວຈິງ.


ຂອບໃຈພາບ ແລະ ຂໍ້ມູນຈາກ : ສະຫະພັນບານເຕະແຫ່ງຊາດລາວ