ລາຍລະອຽດຂ່າວ
ແຜນການພັດທະນາ ວົງດອກປີກໄກ່ ໂດຍລວມ ຂອງສະຫະພັນດອກປີໄກ່
ຂຽນເມື່ອ: 26/07/2016 11:07 | ໂດຍ: ແອັດມິນ | ອ່ານ: 1748 ຄັ້ງ

   ພາຍຫຼັງການປຶກສາຫາລື ກ່ຽວກັບການພັດທະນາລະບົບ ລາຍງານຜົນ ແລະ ເກັບກຳສະຖິຕິ ການແຂ່ງຂັນ ດອກປີກໄກ່ ໃນຕອນບ່າຍຂອງ ວັນອາທິດ ວັນທີ 24 ກໍລະກົດ 2016 ທີ່ຜ່ານມາ, ຄະນະກຳມະການ ບໍລິຫານສະຫະພັນ ດອກປີກໄກ່ແຫ່ງຊາດລາວ ໄດ້ໃຫ້ຂໍ້ມູນກັບທີມງານ laosportnews ເພີ່ມເຕີມວ່າ " ການພັດທະນາ ນັກກິລາດອກປີກໄກ່ ຂອງລາວເຮົາ ແມ່ນຢູ່ໃນ ຈັງຫວະຂະຫຍາຍຕົວ ເຊິ່ງທາງສະຫະພັນເອງ ໄດ້ມີການຂຶ້ນແຜນ ຈັດການແຂ່ງຂັນ ດອກປີກໄກ່ ໃນທົ່ວປະເທດປີລະ 2-3 ຄັ້ງ ແລະ ເຂົ້າຮ່ວມການແຂ່ງຂັນ ຢູ່ຕ່າງປະເທດໃຫ້ໄດ້ 1 ຄັ້ງເປັນຢ່າງຕໍ່າ ແລະ ໃນທ້າຍປີ 2016 ຕໍ່ໃສ່ຕົ້ນປີ 2017 ທາງສະຫະພັນ ຈະມີການແຂ່ງຂັນ ລາຍການສາກົນຂຶ້ນຢູ່ ສປປ ລາວ ອີກດ້ວຍ ".

    ຄະນະກຳມະການ ບໍລິຫານສະຫະພັນ ດອກປີກໄກ່ແຫ່ງຊາດລາວ ຍັງໄດ້ກ່າວຕື່ມອີກວ່າ " ສະຫະພັນດອກປີກໄກ່ ແຫ່ງຊາດລາວ ໄດ້ມີແຜນຍົກລະດັບ ກຳມະການຕັດສິນການແຂ່ງຂັນ ເຊິ່ງຈະສ້າງໃຫ້ ກຳມະການຕັດສິນ ຄົນລາວ ໃຫ້ມີຄວາມສາມາດ ເປັນກຳມະການຕັດສິນ ໃນລະດັບສົນ ໃຫ້ຫຼາຍຂຶ້ນກວ່າເກົ່າ ເຊິ່ງຕອນນີ້ສະເພາະກຳມະການ ທີ່ສາມາດຕັດສິນ ການແຂ່ງຂັນ ກິລາດອກປີກໄກ່ ໃນລະດັບສາກົນ ທີ່ເປັນຄົນລາວ ແມ່ນມີພຽງ 1 ຄົນເທົ່ານັ້ນ".

ຂອບໃຈຂໍ້ມູນ ແລະ ພາບຈາກ ສະຫະພັນ ດອກປີກໄກ່ ແຫ່ງຊາດລາວ