ລາຍລະອຽດຂ່າວ
ຂ່າວປະຊາສຳພັນ ຢ້ຳຕື່ມ ເຖິງການລົງທະບຽນ ເຂົ້າຮ່ວມການແຂ່ງຂັນ ການແຂ່ງຂັນກິລາດອກປີໄກ່ ທົ່ວປະເທດຄັ້ງທີ 16
ຂຽນເມື່ອ: 25/07/2016 18:07 | ໂດຍ: ແອັດມິນ | ອ່ານ: 1205 ຄັ້ງ

    ຂ່າວປະຊາສຳພັນ ກ່ຽວກັບການເຂົ້າຮ່ວມງານ ການແຂ່ງຂັນກິລາດອກປີໄກ່ ທົ່ວປະເທດຄັ້ງທີ 16 ຊິງຂັນປະທານສະພາແຫ່ງຊາດ ( 16th Beerlao Badminton Open 2016 ) ເຊິ່ງຈະຈັດຂຶ້ນໃນລະຫວ່າງວັນທີ 4-7 ສິງຫາ 2016 ນີ້ ທີ່ສະໂມສອນດອກປີກໄກ່ ບຶງຂະຫຍອງ ນະຄອນຫຼວງວຽງຈັນ ແລະ ທາງສະຫະພັນກິລາ ດອກປີໄກ່ແຫ່ງຊາດລາວ ໄດ້ປະກາດ ປະຊາສຳພັນ ໃນພະຫັດ ວັນທີ 25 ກໍລະກົດ ນີ້ ຜ່ານທາງເຟສບຸກ ແຟນເພຈ ຂອງສະຫະພັນ ເຖິງພາກສ່ວນ ທີ່ຈະເຂົ້າຮ່ວມການແຂ່ງຂັນ ເຊິ່ງມີລາຍລະອຽດລຸ່ມນີ້:

   " ຂໍຢ້ຳຄືນເຖິງ ແຕ່ລະສະໂມສອນ / ແຂວງ / ກະຊວງ ແລະ ນັກກິລາ ອີກຄັ້ງ ເຫລືອອີກພຽງ 3 ວັນເທົ່ານັ້ນ ໃນການເປີດຮັບສະຫມັກນັກກິລາ ທີ່ຈະເຂົ້າຮ່ວມແຂ່ງຂັນ ກິລາດອກປີກໄກ່ທົ່ວປະເທດ ຊິງຂັນປະທານສະພາແຫ່ງຊາດ ຄັ້ງທີ່ 16 Beerlao Badminton Open 2016 ໃນລະຫວ່າງວັນທີ 4-7/8/2016 ນີ້. ສະນັ້ນ ທີມໃດ ສະໂມສອນໃດ ທີ່ຍັງບໍ່ໄດ້ສົ່ງໃບສະຫມັກມາ ໃຫ້ຮີບຮ້ອນປະກອບເອກະສານ ໃຫ້ຄົບຖ້ວນ ດັ່ງທີ່ໄດ້ແຈັ້ງໄວ້ກ່ອນຫນ້າ ແລ້ວສົ່ງໃບສະຫມັກ ພ້ອມກັບຊຳລະຄ່າສະຫມັກ ທີ່ຫ້ອງການສະຫະ ພັນດອກປີກໄກ່ແຫ່ງຊາດ ຕຶກໂອແລມປິກ ເດີ່ນກິລາເຈົ້າອານຸວົງ ຝັ່ງຕະຫລາດ 450 ປີ ຫຼື ສະດວກສົ່ງເອກະສານສະຫມັກມາ ທາງອີເມວ [email protected] ກໍ່ໄດ້ ແລ້ວຊຳລະຄ່າສະຫມັກ ຜ່ານທາງໂອນເງິນເຂົ້າບັນຊີ ທະນາຄານການຄ້າຕ່າງປະເທດລາວ ມະຫາຊົນ ເລກບັນຊີ 010120000397673001 ອອກຊື່ Mr. Bounyaseng Naxiengkham ກ່ອນເວລາ 17:00 ໂມງຂອງວັນທີ 28/07/2016 ນີ້ດ້ວຍ. ຖ້າກາຍກຳຫນົດດັ່ງກ່າວ ທາງສະຫະພັນ ກິລາດອກປີກໄກ່ແຫ່ງຊາດລາວ ແມ່ນຈະບໍ່ຮັບພິຈາລະນາ ໃຫ້ເຂົ້າຮ່ວມແຂ່ງຂັນ ຢ່າງເດັດຂາດ.

ສອບຖາມຂໍ້ມູນເພີ່ມເຕີມ 020 59193355 ຫຼື 021 254630
ຂໍຂອບໃຈ
ສະຫະພັນດອກປີກໄກ່ແຫ່ງຊາດລາວ ".

ຂອບໃຈຂໍ້ມູນຈາກ ສະພະພັນດອກປີກໄກ່ ແຫ່ງຊາດລາວ