ລາຍລະອຽດຂ່າວ
ອັບເດດສະຖານະການຫຼ້າສຸດຂອງ ກຸ່ມ B ໃນຢູໂຣ 2016
ຂຽນເມື່ອ: 17/06/2016 16:06 | ໂດຍ: ເພຣເມັກເກີ | ອ່ານ: 812 ຄັ້ງ

      ການແຂ່ງຂັນດຳເນີນການໄປ ຢ່າງຕື່ນເຕັ້ນ, ຜ່ານການແຂ່ງຂັນ ເປັນຝ່າຍອັງກິດ ຄອງບານໄດ້ຫຼາຍກວ່າ ໂດຍສະຖິຕິ ໃນການຄອງບານ ເຄິ່ງເວລາທີ 1 ເປັນອັງກິດໄດ້ຄອງບານ 64% ຕໍ່ 36% ເກມການແຂ່ງຂັນ ດຳເນີນມາຮອດນາທີທີ 42 ທີມຊາດເວວມາໄດ້ ລູກໂທດນອກເຂດໂທດເປັນທາງ ເກເຣດເບວ ນັກເຕະທີ່ມີ ຄ່າຕົວແພງທີ່ສຸດໃນໂລກ ປັ່ນຟຣີຄິກຂ້າມກຳແພງ ແລ້ວມຸດລົງສຽບເສົາ ຜ່ານມືໂຈຮາດ ຜູ້ຮັກສາປະຕູອັງກິດ ເຂົ້າໄປຢ່າງສວຍງາມ, ເຮັດໃຫ້ແຟນບານເວວ ໄດ້ດີໃຈທັງສະໜາມ. ຫຼັງຈາກທີ່ເສຍປະຕູອັງກິດ ກໍ່ຍັງຕັ້ງເກມບຸກເຂົ້າໃສ່ ເພື່ອຈະທວງປະຕູຄືນມາ ໃຫ້ໄດ້ໄວທີ່ສຸດ ແຕ່ກໍ່ບໍ່ສາມາດເຮັດຫຍັງໄດ້.

      ເຂົ້າສູ່ເຄິ່ງເວລາທີ 2 ອັງກິດມີການປ່ຽນຕົວເອົາ 2 ກອງໜ້າທີ່ຟອມຮ້ອນແຮງທີ່ສຸດ ຂອງພຣີເມຍລີກລົງມາຫຼິ້ນຄື ຈິມີ້ວາດີ ແລະ ເດນ້ຽວ ສະເຕີຣິດ, ຜົນຂອງການປ່ຽນຕົວ ໃນຄັ້ງນີ້ຜ່ານໄປໄດ້ 16 ນາທີກໍ່ສະແດງຜົນ ອອກມາເມື່ອມີການໂຍນບານ ຈາກປີກຊ້າຍຂອງສະໜາມ ເຂົ້າໃສ່ໜ້າປະຕູຂອງເວວ ແລ້ວບານຕົກມາເຂົ້າທາງ ຈິມມີ້ ວາດີ ຈັບບານຈັງວະໜຶ່ງແລ້ວຍິງເຂົ້າໄປ. ຄັ້ງທຳອິດທີ່ເຫັນການ ຍິງບານເຂົ້າປະຕູໃນຄັ້ງນີ້ ແຟນບານທັງຫຼາຍສົງໃສວ່າຈະເປັນລູກລ້ຳໜ້າ ຫຼື ບໍ່ແຕ່ພາຍຫຼັງມາເບິ່ງພາບຊ້າ 2-3 ຄັ້ງຈິ່ງເຫັນວ່າກຳມະການ ຕັດສິນໄດ້ຖືກຕ້ອງແລ້ວ ເຖິງແມ່ນວ່າ ວາດີ ຈະຢືນຢູ່ຕຳແໜ່ງລ້ຳໜ້າກໍ່ຕາມ ແຕ່ເປັນທາງກອງຫຼັງ ຂອງເວວທີ່ສົ່ງບານຄືນຫຼັງ ມາເຂົ້າທາງຂອງວາດີເອງ (ໃນຈຸດນີ້ຜູ້ຂຽນ ຂໍຊົມເຊີຍທີມງານຜູ້ຕັດສິນ ທີ່ຕັດສິນໄດ້ມາດຕະຖານອີ່ຫຼີ) ເຮັດໃຫ້ອັງກິດ ຕີສະເໝີໄດ້ເປັນ 1-1 ປະຕູໃນນາທີທີ 56.

    ຫຼັງຈາກນັ້ນອັງກິດ ຍັງສືບຕໍ່ບຸກເຂົ້າໃສ່ ຢ່າງບໍ່ລົດລະຄວາມພະຍາຍາມ, ເກມດໍາເນີນໄປ ຈົນຮອດນາທີທີ 90 ຜົນກຳລັງສະຈົບລົງດ້ວຍ ການສະເໝີກັນ ແຕ່ເດນ້ຽວ ສະເຕີຣິດ ໜຶ່ງໃນຜູ້ຫຼິ້ນທີ່ຖືກປ່ຽນຕົວລົງມາ ໃນເຄິ່ງເວລາທີສອງກໍ່ມາຍິງປະຕູໄຊ ເຮັດໃຫ້ອັງກິດ ສາມາດພິກກັບມາແຊງເອົາຊະນະ ທີມຊາດເວວໄປໄດ້ ໃນຊ່ວງທົດເວລາບາດເຈັບ ນາທີທີ 92 ຈົບເກມ ອັງກິດກັບມາເອົາຊະນະໄດ້ 2-1 ປະຕູ.    

ຈາກຜົນໃນນັດທີ 4 ເຮັດໃຫ້ສະຖານະການປັດຈຸບັນ ອັງກິດມີ 4 ຄະແນນ ເປັນທີມນຳຂອງກຸ່ມ, ແລະ ຕາມມາໂດຍອັນດັບ 2 ຄືສະໂລວາເກຍ ແລະເວວທີ່ມີ 3 ຄະແນນເທົ່າກັນ ແລະ ປະຕູໄດ້ເສຍ 0 ປະຕູຄືກັນ ແລະ ອັນດັບທີ 3 ກໍ່ຄື ລັດເຊຍທີ່ມີ 1 ຄະແນນ ແລະ ມີລູກໄດ້ລູກເສຍ -1 ເຮັດໃຫ້ໃນກຸ່ມນີ້ ທຸກທີມມີລຸ້ນເຂົ້າຮອບເຊັ່ນກັນ ແລະ ຍັງບໍ່ທັນມີທີມໃດໄດ້ເຂົ້າຮອບ 100% ເທື່ອ ສະນັ້ນນັດສຸດທ້າຍຂອງແຕ່ລະທີມ ໃນກຸ່ມມີຄວາມໝາຍ ແລະ ສຳຄັນຫຼາຍ, ນັດສຸດທ້າຍຂອງກຸ່ມນີ້ ຈະລົງສະໜາມພ້ອມກັນໃນເວລາ 02:00 (ຕາມເວລາບ້ານເຮົາ) ຂອງວັນທີ 21/06/2016. ໂດຍ ອັງກິດ ພົບ ສະໂລວາເກຍ ແລະ ເວວ ພົບກັບລັດເຊຍ ຖ້າທີມໃດພາດທ່າເສຍຂຶ້ນມາ ມີສິດຕົກຮອບທັນທີ.


ໂດຍ: ເພຣເມັກເກີ




ຂ່າວຍອດນິຍົມ 7 ວັນລ່າສຸດ