ລາຍລະອຽດຂ່າວ
ຂ່າວປະຊາສຳພັນ ຈາກສະຫະພັນ ກິລາດອກປີໄກ່ແຫ່ງຊາດ ກ່ຽວກັບການເຂົ້າຮ່ວມ ການແຂ່ງຂັນດອກປີກໄກ່ ທົ່ວປະເທດຄັ້ງທີ 16
ຂຽນເມື່ອ: 23/07/2016 07:07 | ໂດຍ: ແອັດມິນ | ອ່ານ: 662 ຄັ້ງ

    ທາງທີມງານ laosortnews ຂໍຊ່ວຍແຈ້ງປະຊາສຳພັນ ກ່ຽວກັບການເຂົ້າຮ່ວມງານ ການແຂ່ງຂັນກິລາດອກປີໄກ່ ທົ່ວປະເທດຄັ້ງທີ 16 ຊິງຂັນປະທານສະພາແຫ່ງຊາດ ( 16th Beerlao Badminton Open 2016 ) ເຊິ່ງຈະຈັດຂຶ້ນໃນລະຫວ່າງວັນທີ 4-7 ສິງຫາ 2016 ນີ້ ທີ່ສະໂມສອນດອກປີກໄກ່ ບຶງຂະຫຍອງ ນະຄອນຫຼວງວຽງຈັນ ແລະ ທາງສະຫະພັນກິລາ ດອກປີໄກ່ແຫ່ງຊາດລາວ ໄດ້ປະກາດ ປະຊາສຳພັນ ໃນພະຫັດ ວັນທີ 21 ກໍລະກົດ ທີ່ຜ່ານມາ ຜ່ານທາງເຟສບຸກ ແຟນເພຈ ຂອງສະຫະພັນ ເຖິງພາກສ່ວນ ທີ່ຈະເຂົ້າຮ່ວມການແຂ່ງຂັນ ເຊິ່ງມີລາຍລະອຽດລຸ່ມນີ້:

   " ຂໍໍປະຊາສຳພັນຄືນ ເຖິງບັນດາສະໂມສອນ / ແຂວງ / ກະຊວງ ທີ່ຈະສົ່ງນັກກິລາເຂົ້າຮ່ວມ ການແຂ່ງຂັນດອກປີກໄກ່ທົ່ວປະເທດ ຊິງຂັນປະທານສະພາແຫ່ງຊາດ Beerlao Open 2016 ທີ່ຈະຈັດຂຶ້ນລະຫວ່າງວັນທີ 4-7 ສິງຫາ 2016 ດັ່ງນີ້:
1. ສຳລັບລາຍການແຂ່ງຂັນຄູ່ຍິງອາວຸໂສ ນັ້ນແມ່ນ 35 ປີຂຶ້ນໄປ ຈາກທີ່ໄດ້ແຈ້ງເບື້ອງຕົ້ນວ່າ 30 ປີຂຶ້ນໄປ
2. ແບບຟອມສົ່ງນັກກີລາເຂົ້າຮ່ວມ ແລະ ແບບຟອມຊີວະປະຫັດນັກກິລາ ສາມາດສົ່ງຂໍ້ຄວາມມາຂໍໄດ້ທີ່ອີເມວ [email protected]
3. ເອກະສານທຸກຢ່າງ ຕ້ອງສົ່ງມາໃຫ້ຄົບຖ້ວນ ບໍ່ດັ່ງນັ້ນ ທາງສະຫະພັນ ກິລາດອກປີກໄກ່ແຫ່ງຊາດ ຈະບໍ່ຮັບພິຈາລະນາ ໃຫ້ເຂົ້າຮ່ວມການແຂ່ງຂັນ (ຟອມນັກກີລາຂອງ ສະໂມສອນທັງຫມົດ, ຊີວະປະຫວັດນັກກິລາ ພ້ອມຮູບ 2 ໃບ ແລະ ເອກະສານຢັ້ງຢືນ ສຳມະໂນຄົວ ຫຼື ບັດປະຈຳຕົວ)
4. ສົ່ງຟອມທັງຫມົດ ພ້ອມທັງຊຳລະຄ່າສະຫມັກ (ຈະຊຳລະໂດຍກົງເປັນເງິນສົດ ທີ່ສະຫະພັນ ຫຼື ໂອນເຂົ້າບັນຊີເງິນຝາກ ທະນາຄານການຄ້າຕ່າງປະເທດລາວ ກໍ່ໄດ້ ເລກບັນຊີ 010120000397673001
5. ຕ້ອງປະຕິບັດກຳຫນົດເວລາ ໃນການສະຫມັກຕາມທີ່ສະຫະພັນ ວາງອອກຄື 28 ກໍລະກົດ 2016 ຢ່າງເຄັ່ງຄັດ (ຖ້າກາຍກຳຫນົດ ຈະບໍ່ພິຈາລະນາ ໃຫ້ເຂົ້າຮ່ວມການແຂ່ງຂັນ ໂດຍບໍ່ມີຂໍ້ຍົກເວັ້ນ)
ຂໍຂອບໃຈ
ສະຫະພັນດອກປີກໄກ່ແຫ່ງຊາດລາວ
020 59193355 "

ຂອບໃຈຂໍ້ມູນຈາກ fanpage ສະຫະພັນດອກປີກໄກ່ແຫ່ງຊາດລາວ