ລາຍລະອຽດຂ່າວ
ສະຖານນະການ ການແຂ່ງຂັນບານເຕະຢູ່ໂຣ 2016 ຂອງກຸ່ມ A ພາຍຫຼັງຈົບນັດທີ 4 ຂອງກຸ່ມ
ຂຽນເມື່ອ: 16/06/2016 19:06 | ໂດຍ: ແອັດມິນ | ອ່ານ: 1026 ຄັ້ງ

    ໃນການແຂ່ງຂັນກິລາບານເຕະຢູ່ໂຣ 2016 ໃນຄ່ຳຄືນຂອງວັນທີ 15-16/06/2016 ທີ່ຜ່ານມາ (ເວລາປະເທດລາວ) ເປັນການລົງສະໜາມນັດທີ່ 3 ແລະ 4 ຂອງກຸ່ມ A. ຄູ່ທຳອິດເປັນການພົບກັນລະຫວ່າງ ທີມຊາດ Romania ແລະ ທີມຊາດ Switzerland ເຊິ່ງກ່ອນເກມນັດນີ້ທີມຊາດ Romania ມີ 0 ຄະແນນ ຈາກການເສຍໃຫ້ກັບທີມຊາດ France ເຈົ້າພາບໃນນັດທຳອິດ 1-2. ສ່ວນທີມຊາດ Switzerland ກ່ອນເກມນັດນີ້ມີຢູ່ 3 ຄະແນນຈາກການເອົາຊະນະທີມຊາດ Albania 1-0 ເຊິ່ງເຮັດໃຫ້ສະຖານະການ ຂອງຄູ່ນີ້ເປັນຝ່າຍຂອງ ທີມຊາດ Switzerland ທີ່ກຳຄວາມໄດ້ປຽບ ແລະ ເຮັດໃຫ້ທີມຊາດ Romania ຕ້ອງໄດ້ທຸ້ມເທ ແລະ ໃຊ້ຄວາມພະຍາຍາມສູງ ໃນການແຂ່ງເພື່ອຈະຍາດ ຄະແນນຈາກທີມຊາດ Switzerland ເພື່ອເປີດໂອກາດເຂົ້າຮອບຕໍ່ໄປ ໃຫ້ກວ້າງຂຶ້ນ ສ່ວນທີມຊາດ Switzerland ຖ້າສາມາດເອົາຊະນະໃນນັດນີ້ໄດ້ ພວກເຈົ້າຈະມີ 4 ຄະແນນຈະເຮັດໃຫ້ໂອກາດ ໃນການເຂົ້າຮອບຕໍ່ໄປສູງຂຶ້ນ ເຊິ່ງຜົນການແຂ່ງຂັນ ໃນນັດນີ້ແມ່ນທັງ 2 ທີມເຮັດໄດ້ດີທີ່ສູດຄືສະເໝີກັນ 1-1 ເຮັດໃຫ້ທີມຊາດ Switzerland ມີຄະແນນລວມ 4 ຄະແນນເປັນທີ 2 ຂອງກຸ່ມ ແລະ ທີມຊາດ Romania ມີ 1 ຄະແນນເປັນທີ 3 ຂອງກຸ່ມ.

    ສ່ວນເກມລະຫວ່າງທີມຊາດ France ເຈົ້າພາບພົບກັບທີມຊາດ Albania, ກ່ອນເກມນັດນີ້ທີມຊາດ France ເຈົ້າພາບມີຄວາມໄດ້ປຽບ ຫຼາຍກວ່າເພາະມີ 3 ຄະແນນຈາກການເອົາຊະທີມຊາດ Romania ໃນນັດທໍາອິດ 2-1, ສ່ວນທີມຊາດ Albania ແມ່ນຢູ່ໃນສະຖານະການ ເສຍປຽບເພາະມີ 0 ຄະແນນຈາກການເສຍໃຫ້ ກັບທີມຊາດ Switzerland 0-1 ໃນນັດທີ່ຜ່ານມາ ເຊິ່ງໃນເກມນີ້ທີມຊາດ Albania ຕ້ອງຍາດໃຊ້ຊະນະ ຈາກທີມຊາດເຈົ້າພາບໃຫ້ໄດ້ ເພື່ອເຮັດໃຫ້ຊ່ອງຫວ່າງ ລະຫວ່າງທີມໃນກຸ່ມໜ້ອຍລົງ ແລະ ເປັນການເພີ່ມໂອກາດ ເຂົ້າຮອບຂອງທີມຕົນໃຫ້ຫຼາຍຂຶ້ນ ສ່ວນທີມຊາດເຈົ້າພາບ France ກໍ່ຕ້ອງເອົາຊະນະໃຫ້ໄດ້ ເພື່ອເອົາໃຈແຟນບານຕົນເອງ ແລະ ເພື່ອຮັບປະກັນໂອກາດເຂົ້າຮອບໃນນາມທີ 1 ຂອງກຸ່ມໃຫ້ຫຼາຍຂຶ້ນ. ເຊິ່ງຜົນການແຂ່ງຂັນຄູ່ນີ້ ແມ່ນເປັນຝ່າຍທີມຊາດ France ເປັນຝ່າຍເອົາຊະນະໄດ້ 2-1 ເຮັດໃຫ້ທີມຊາດ France ມີ 6 ຄະແນນເປັນທີ 1 ກຸ່ມ ແລະ ໂອກາດເຂົ້າຮອບໃນຖານະທີ 1 ຂອງກຸ່ມມີສູງ ສ່ວນທີມຊາດ Albania ແມ່ນມີ 0 ຄະແນນເປັນທີ 4 ຂອງກຸ່ມ ຕົກຮອບເປັນທີມທຳອິດຂອງກຸ່ມ ແລະ ຕົກຮອບເປັນທີມທຳອິດຂອງການແຂ່ງຂັນ ບານເຕະຢູໂຣ 2016 ໃນຄັ້ງນີ້.

ສະຫຼຸບຄະແນນ ແລະ ອັນດັບທີໃນກຸ່ມ A ຄື:

  • ທີມຊາດ France ລົງແຂ່ງ 2 ນັດມີ 6 ຄະແນນ ເປັນທີ 1
  • ທີມຊາດ Switzerland ລົງແຂ່ງ 2 ນັດມີ 4 ຄະແນນ ເປັນທີ 2
  • ທີມຊາດ Romania ລົງແຂ່ງ 2 ນັດມີ 1 ຄະແນນ ເປັນທີ 3
  • ທີມຊາດ Albania ລົງແຂ່ງ 2 ນັດມີ 0 ຄະແນນ ເປັນທີ 4

    2 ນັດສຸດທ້າຍຂອງກຸ່ມ A ແມ່ນຈະແຂ່ງໃນວັນທີ 20/06/2016 02:00 ພ້ອມກັນ ຄູ່ທີ 1 ເປັນການພົບກັນ ລະຫວ່າງທີມຊາດ Romania ແລະ ທີມຊາດ Albania, ທີມຊາດ Romania ຍັງມີລູ້ນເຂົ້າຮອບຕໍ່ໄປ ໂດຍຕ້ອງເອົາຊະນະທີມຊາດ Albania ແລະ ລຸ້ນໃຫ້ທີມຊາດ Switzerland ເສຍໃຫ້ທີມເຈົ້າພາບ. ສ່ວນຄູ່ທີ 2 ແມ່ນເປັນການພົບກັນ ລະຫວ່າງທີມຊາດ Switzerland ພົບກັບເຈົ້າພາບທີມຊາດ France ເຊິ່ງທີມຊາດ Switzerland ຕ້ອງເອົາໄດ້ຄະແນນຈາກນັດນີ້ຢ່າງຕ່ຳ 1 ຄະແນນເພື່ອຮັບປະກັນການເຂົ້າຮອບຕໍ່ໄປ, ສ່ວນທີມຊາດ France ແມ່ນເຂົ້າຮອບແນ່ນອນແລ້ວ ແຕ່ຖ້າພວກເຂົາສາມາດເອົາຊະນະ ຫຼື ສະເໝີໄດ້ນັດນີ້ ຈະເຂົ້າຮອບເປັນທີ 1 ຂອງກຸ່ມ ແລະ ຖ້າເສຍຈະເຂົ້າຮອບໃນຖານະທີ 2 ຂອງກຸ່ມ

ລາຍລະອຽດຜົນການແຂ່ງຂັນ ແລະ ຄະແນນຂອງກຸ່ມ A http://laosportnews.com/index.php/competition/group/1

ຂອບໃຈພາບຂ່າວຈາກ http://www.uefa.com




ຂ່າວຍອດນິຍົມ 7 ວັນລ່າສຸດ