ລາຍລະອຽດຂ່າວ
Antoine Griezmann ໄດ້ລາງວັນເກີບຄຳ Euro 2016
ຂຽນເມື່ອ: 11/07/2016 06:07 | ໂດຍ: ແອັດມິນ | ອ່ານ: 1100 ຄັ້ງ

   ຈົບໄປແລ້ວ ສຳລັບການແຂ່ງຂັນກິລາບານເຕະ Euro 2016 ທີ່ປະເທດ France ໂດຍການແຂ່ງຂັນຂັນນັດສຸດທ້າຍ ນັດຊິງຊະນະເລີດລະຫວ່າງ Portugal ແລະ France ເຈົ້າພາບ ແລະ ເປັນທາງ Portugal ທີ່ສາມາດເອົາຊະນະ France ໄປໄດ້ ແລະ ຄວ້າແຊັມ Euro ສະໄໝທຳອິດ ໃນປະຫວັດສາດຂອງພວກເຂົາ.
   ພາຍຫຼັງຈົບການແຂ່ງຂັນ ກໍ່ໄດ້ມີລາງວັນສຳລັບ ນັກເຕະທີ່ຍິງປະຕູໄດ້ຫຼາຍທີ່ສຸດ ຫຼື ດາວຊັນໂວ ຕະຫຼອດການແຂ່ງຂັນ ເຊິ່ງຕົກເປັນຂອງ Antoine Griezmann ນັກເຕະຂອງເຈົ້າພາບ ໄດ້ລາງວັນເກີບຄຳ ແລະ ລາງວັນເກີບເງິນ ແລະ ເກີບທອງຕາມລຳດັບຄື:  
Antoine Griezmann ກອງໜ້າຂອງ ສະໂມສອນ Atletico Madrid ເຖິງວ່າເຂົາຈະບໍ່ສາມາດຍິງປະຕູໄດ້ໃນນັດຊິງຊະນະເລີດ ແຕ່ເຂົາກໍ່ໄດ້ຮັບລາງວັນເກີບຄຳ ຈາກການຍິງໄດ້ 6 ປະຕູ ຊ່ວຍໃຫ້ໝູ່ຍິງປະຕູອີກ 2 ຄັ້ງ

Cristiano Ronaldo ເຖິງວ່າຈະມີອາການບາດເຈັບໃນຊ່ວງເລີ່ມຕົ້ນຂອງເຄິ່ງເວລາທຳອິດ ໃນນັດຊິງຊະນະເລີດ ແຕ່ເຂົາກໍ່ຍັງຄົງໄດ້ ລາງວັນເກີບເງິນ ໂດຍຍິງໄປທັງໝົດ 3 ປະຕູ ຊ່ວຍໃຫ້ໝູ່ຍິງປະຕູອີກ 3 ຄັ້ງ
Olivier Giround ໄດ້ຮັບລາງວັນເກີບທອງ ໂດຍຍິງໄດ້ທັງໝົດ 3 ປະຕູ ຊ່ວຍໃຫ້ໝູ່ຍິງປະຕູອີກ 2 ຄັ້ງ

ລາງວັນເກີບຄຳ 4 ຄັ້ງລ່າສຸດ
Euro 2016: Antoine Griezmann (France) ຍິງໄດ້ 6 ປະຕູ
Euro 2012: Fernando Torres (Spain) ຍິງໄດ້ 3 ປະຕູ
Euro 2008: David Villa (Spain) ຍິງໄດ້ 4 ປະຕູ
Euro 2004: Milan Baroš (Czech Republic) ຍິງໄດ້ 5 ປະຕູ

ຂອບຂໍ້ມູນ ແລະ ພາບຈາກ uefa.com




ຂ່າວຍອດນິຍົມ 7 ວັນລ່າສຸດ