ລາຍລະອຽດຂ່າວ
ສະຖິຕິ ແລະ ຜົນງານຂອງ Portugal ແລະ France ກ່ອນນັດຊິງຊະນະເລີດ Euro 2016 ຈະເລີ່ມຂຶ້ນ
ຂຽນເມື່ອ: 10/07/2016 00:07 | ໂດຍ: ແອັດມິນ | ອ່ານ: 1794 ຄັ້ງ

   ກ່ອນການແຂ່ງຂັນ ນັດຊິງຊະນະເລີດ Euro 2016 ຈະເລີ່ມຂຶ້ນ ໃນມື້ອື່ນ ວັນທີ 11 ກໍລະກົດ 2016 ທາງທີມງານ laosportnews ໄດ້ນຳເອົາເລື່ອງລາວກ່ຽວກັບ 2 ທີມຄູ່ຊິງຊະນະເລີດ ມາໃຫ້ທ່ານຜູ້ອ່ານ ໄດ້ວິເຄາະໄປນຳກັນ.

   ໃນການພົບກັນ 10 ນັດຫຼັງສຸດ ເປັນທາງທີມຊາດ France ທີ່ສາມາດເອົາຊະນະ Portugal ໄດ້ໄດ້ທັງ 10 ຄັ້ງ ເຊິ່ງຄັ້ງສຸດທ້າຍທີ່ Portugal ສາມາດເອົາຊະນະ France 2 ປະຕູຕໍ່ 0 ກໍ່ຕ້ອງຍ້ອນຫຼັງໄປເຖິງປີ 1975.


ຜົນງານຂອງ Portugal ແລະ France ໃນ Euro 2016

ໃນຮອບແບ່ງກຸ່ມ ນັດທີ 1 Portugal 1 - 1 Iceland France 2 - 1 Romania
ໃນຮອບແບ່ງກຸ່ມ ນັດທີ 2 Portugal 0 - 0 Austria France 2 - 0 Albania
ໃນຮອບແບ່ງກຸ່ມ ນັດທີ 3 Portugal 3 - 3 Hungary France 0 - 0 Switzerland
ຜົນງານ ໃນຮອບແບ່ງກຸ່ມ Portugal ເປັນທີ 3 ຂອງກຸ່ມ F France ເປັນທີ 1 ຂອງກຸ່ມ A
ຮອບ 16 ທີມສຸດທ້າຍ Portugal 1 - 0 Croatia France 2 - 1 Ireland
ຮອບກ່ອນຮອງຊະນະເລີດ Portugal 1 (p 5) - 1 (p 3) Poland France 5 - 2 Iceland
ຮອບຮອງຊະນະເລີດ Portugal 2 - 0 Wales France 2 - 0 Germany
ລວມ ປະຕູໄດ້/ປະຕູເສຍ Portugal 7/5 France 13/4
ຜົນງານໃນ Euro ທັງໝົດ Portugal ໄດ້ຮອງແຊັມ Euro 2004,
ໄດ້ອັນດັບທີ 3 ເຖິງ 3 ຄັ້ງໃນປີ 1984, 2000 ແລະ 2012
France ເປັນແຊັມ 2 ສະໄໝ ໃນປີ 1984 ແລະ 2000

    Antoine Griezmann ຍິງໄດ້ 2 ປະຕູໃນນັດທີ່ເອົາຊະນະ Germany ໃນຮອບຮອງຊະນະເລີດ ເຮັດໃຫ້ເຂົາກາຍເປັນດາວຊັນໂວຂອງ Euro 2016 ທີ່ຍິງໄດ້ 6 ປະຕູ ຫຼາຍກວ່າທີ່ 2 ຮ່ວມຄື Cristiano Ronaldo, Dimitri Payet, Olivier Giroud, Nani, Gareth Bale ແລະ Álvaro Morata ​ທີ່ຍິງໄດ້ 3 ປະຕູ.
   Antoine Griezmann ແລະ Cristinao Ronaldo ພົບກັນໃນນັດເຊິງຊະນະເລີດ ເຖິງ 2 ຄັ້ງໃນໄລຍະເວລາ 6 ອາທິດ ຄືໃນນັດຊິງຊະນະເລີດ UEFA Champions League 2015-16 ໃນວັນທີ 28 ພຶດສະພາ 2016 ເຊິ່ງ Real Madrid ທີ່ນຳໂດຍ Cristiano Ronaldo ເອົາຊະນະການດວນຈຸດໂທດ Atlético Madrid ທີ່ນຳໂດຍ Antoine Griezmann ໄປໄດ້ 5-3
ແລະ ນັດຊິງຊະນະເລີດ Euro 2016 ນີ້ ທັງ 2 ຄົນຈະໄດ້ຈະແຂ່ງກັນອີກ ຈະເປັນ Ronaldo ທີ່ສາມາດເອົາຊະນະ Griezmann ໃນນັດຊິງຊະນະເລີດ 2 ຄັ້ງຊ້ອນ ຫຼື ຈະເປັນ Griezmann  ທີ່ສາມາດແກ້ຕົວໄດ້ ຈາກການເສຍໃຫ້ Ronaldo ໃນ UCL.
   ໃນວັນທີ 11 ກໍລະກົດ 2016  ເຮົາມາລຸ້ນໄປນຳກັນວ່າ ຈະເປັນທາງ Portugal ທີ່ສາມາດສ້າງປະຫວັດສາດ ຄວ້າແຊັມຄັ້ງທຳອິດຂອງຕົນ ໄດ້ຫຼືບໍ່ ຫຼື ຈະເປັນເຈົ້າພາບ France ທີ່ີສາມາດຄວ້າແຊັມສະໄໝທີ 3 ແລະ ຈະກາຍເປັນແຊັມສະໄໝທີ 2 ທີ່ແຂ່ງຢູ່ບ້ານຕົນເອງ ໄດ້ຫຼືບໍ່.

ຂອບໃຈຂໍ້ມູນຈາກ telegraph.co.uk, indianexpress.com, si.com,thebiglead.com,wikipedia.org
ຂອບໃຈພາບຈາກ  telegraph.co.uk, indianexpress.com, si.com,thebiglead.com




Cristiano Ronaldo ຍິງປະຕູຂຶ້ນນຳ Wales ໄດ້ໃນຮອບຮອງຊະນະເລີດ
ຂ່າວຍອດນິຍົມ 7 ວັນລ່າສຸດ