ລາຍລະອຽດຂ່າວ
ປະຫວັດ ວິລະບຸລຸດຄົນໃໝ່ ຂອງວົງການຢູໂດ້ລາວ
ຂຽນເມື່ອ: 08/07/2016 12:07 | ໂດຍ: ເພຣເມັກເກີ | ອ່ານ: 1209 ຄັ້ງ

     ນີ້ແມ່ນ ທ້າວ ສຸພະໄຊ ສິດທິສານ ນັກກິລາຢູໂດ ທີມຊາດລາວຄົນທຳອິດ ທີ່ສາມາດແຂ່ງຄັດເລືອກ ເກັບຄະແນນໄປແຂ່ງ ໂອລິມປິກໄດ້
ສຸພະໄຊ ສິດທິສານ ຫລືວ່າ ຫລ້ານ້ອຍ ເກີດເມື່ອວັນທີ 1 ເດືອນພຶດສະພາ ປີ 1996 ອາຍຸ 20 ປີ ເກີດທີ່ ບ້ານສະພານໃຕ້ ເມືອງໄກສອນພົມວິຫານ ແຂວງ ສະຫວັນນະເຂດ ທີ່ຢູ່ ບ້ານສະພານໃຕ້ ເມືອງໄກສອນພົມວິຫານ ແຂວງ ສະຫວັນນະເຂດ ເປັນລູກຂອງທ່ານ ສີທັດ ສິດທິສານ ແລະ ນາງ ສີທາ ສິດທິສານ ເລີ່ມຫລິ້ນຢູໂດມາແຕ່ປີ 2007 (ອາຍຸ11ປີ) ປະຈຸບັນ ຢູ່ໃນລະດັບສາຍດຳ 1 ດັ້ງ (ເສັງໄດ້ເມື່ອປີ2013)
ຫລ້ານ້ອຍ ຈົບການສຶກສາສາຍສາມັນ ທີ່ໂຮງຮຽນມັດທະຍົມສຸກສະຫວັດ (ນະຄອນຫລວງວຽງຈັນ) ປະຈຸບັນ ໄປຮຽນຕໍ່ ທີ່ ມະຫາໄລ ເທັນຣິ ປະເທດຍີ່ປຸ່ນ ໃນສາຂາວິຊາພາສາຍີ່ປຸ່ນ ຄະນະ ອັກສອນສາດ
       * ຕໍ່ໄປແມ່ນປະຫວັດຫຍໍ້ໃນການແຂ່ງຂັນຂອງ ຫລ້ານ້ອຍ
- ຫລຽນຄຳ ລາຍການຊີງແຊ້ມຢູໂດທົ່ວປະເທດລາວ 4 ສະໄຫມ (ປີ 2012-2015)
- ຫລຽນທອງ ລາຍການຊີງແຊ້ມຢູໂດທົ່ວປະເທດລາວ 2 ສະໄຫມ (ປີ2010-2011)
- ຫລຽນຄຳ ງານມະຫາກຳກິລາແຫ່ງຊາດ 2 ສະໄຫມ (ທີ່ຫລວງພະບາງ ປີ 2011 ຮຸ່ນ -50ກກ ແລະ ທີ່ອຸດົມໄຊ ປີ 2014 ຮຸ່ນ -55ກກ)
- ຫລຽນທອງແດງ ຢູໂດຊີງແຊ້ມປະເທດໄທ 2 ສະໄຫມ (ຮຸ່ນ -55ກກ ປີ 2012 ແລະ 2013)
- ຫລຽນທອງແດງ ຢູໂດຊີງແຊ້ມປະເທດໄທ 2 ສະໄຫມ (ຮຸ່ນ -55ກກ ປີ 2012 ແລະ 2013)
- ຫລຽນເງິນ ລາຍການ South East Asia Championships ປີ 2012 ທີ່ ສສ ຫວຽດນາມ
- ຫລຽນຄຳ ພຣີຊີເກມ (ຢູໂດ test match) ທີ່ປະເທດພະມ້າ 2013
- ຫລຽນທອງ ຊີເກມ 2 ສະໄຫມ (ທີ່ ປະເທດມຽນມາ ປີ 2013 ຮຸ່ນ -55ກກ ແລະ ທີ່ ສິງກາໂປ ປີ 2015 ຮຸ່ນ - 66ກກ)
ປີ 2014 ເຄີຍໄປແຂ່ງເອຊຽນເກມ
ແລະ ເກັບຄະແນນສະສົມໃນລາຍການແກລນຊະແລມມາແລ້ວຫລາຍລາຍການ
       * ຕາມເປົ້າຫມາຍຂອງສະຫະພັນຢູໂດແຫ່ງຊາດ ຫລ້ານ້ອຍແມ່ນນັກກິລາເປົ້າຫມາຍ ທີ່ຈະໃຫ້ແຂ່ງເກັບຄະແນນສະສົມ ເພື່ອໄປໂອລິມປິກ ທີ່ນະຄອນຫລວງ ໂຕກຽວ ປະເທດ ຍີ່ປຸ່ນ ປີ 2020 ແຕ່ວ່າຜົນງານໃນການແຂ່ງຂັນຂອງຜູ້ກ່ຽວມີລັກສະນະກ້າວກະໂດດຂັ້ນ ຈຶ່ງເກັບຄະແນນສະສົມໄດ້ໄວ ແລະ ສາມາດ ຄວ້າສິດໄປແຂ່ງກ່ອນ ທີ່ເມືອງ ຣີໂອເດີເຈເນໂຣ ປະເທດ ບຣາຊີລ ເດືອນ ສິງຫາ ປີ2016 ທີ່ຈະມາເຖິງນີ້
        *ປະຈຸບັນອັນດັບໂລກຂອງຫລ້ານ້ອຍໃນຂັ້ນ junior ແມ່ນອັນດັບທີ 236 ຂອງໂລກ ອັບເດດ ເມື່ອວັນທີ 27 ມິຖຸນາ 2016 ແລະ ໃນຂັ້ນປະຊາຊົນ ຫລື senior ແມ່ນອັນດັບທີ 284 ຂອງໂລກ ອັບເດດ ເມື່ອວັນທີ 4 ກໍລະກົດ 2016
      ຄວາມຄາດຫວັງຂອງຫລ້ານ້ອຍ ເພິ່ນຈະຂໍເຮັດຫນ້າທີ່ໃນການແຂ່ງຂັນນີ້ໃຫ້ດີທີ່ສຸດ ເພາະວ່າ ມັນເປັນລາຍການໃຫຍ່ ແລະ ເປັນຄັ້ງທຳອິດທີ່ຈະໄດ້ໄປແຂ່ງ (ໃຈແທ້ເພິ່ນກໍຢາກຈະຄວ້າຫລຽນໃດຫລຽນຫນຶ່ງມາຝາກພໍ່ແມ່ພີ່ນ້ອງປະຊາຊົນລາວ)

ຂອບໃຈຂໍ້ມູນແລະພາບຈາກ: Fan Page  Lao judo Federation




ຂ່າວລ່າສຸດ