ລາຍລະອຽດຂ່າວ
ຜົນງານຂອງ ທີມຊາດລາວໃນ AFF U-16 Youth Championship
ຂຽນເມື່ອ: 08/07/2016 02:07 | ໂດຍ: ແອັດມິນ | ອ່ານ: 1385 ຄັ້ງ

   ດັ່ງທີ່ໄດ້ຮູ້ກັນແລ້ວວ່າ AFF U-16 Youth Championship ຫຼື ເຮົາຮູ້ຈັກກັນໃນຊື່ ການແຂ່ງຂັນບານເຕະ U-16 ແມ່ນການແຂ່ງຂັນ ກິລາບານເຕະນານາຊາດ ຂອງບັນດາປະເທດທີ່ເປັນສະມາຊິກຂອງ ASEAN Football Federation (AFF) ຫຼື ສະຫະພັນບານເຕະ ອາຊີຕາເວັນອອກສຽງໃຕ້ ເຊິ່ງໄດ້ຈັດຂຶ້ນປີລະ 1 ຄັ້ງ ( ສາມາດກົດອ່ານບົດຄວາມ "ສິ່ງທີ່ຄວນຮູ້ໃນການແຂ່ງຂັນ AFF U-16 Youth Championship")

  ມື້ນີ້ທີມງານ laosportnews ຈະນຳເອົາຜົນງານຂອງ ທີມຊາດລາວ ທີ່ລົງແຂ່ງຂັນໃນລາຍການດັ່ງກ່າວ ມານຳສະເໜີໃຫ້ທ່ານຜູ້ອ່ານໄດ້ຮູ້ກັນ. ການແຂ່ງຂັນບານເຕະ U-16 ເລີ່ມຈັດການແຂ່ງຂັນຕັ້ງແຕ່ປີ 2002 ແລະ ຮອດປີ 2015 ແມ່ນຈັດມາແລ້ວ 10 ຄັ້ງ ທີມຊາດລາວເຂົ້າຮ່ວມການແຂ່ງຂັນທັງໝົດ 8 ຄັ້ງຄືໃນປີ 2002, 2005, 2006, 2007, 2011, 2012, 2013 ແລະ 2015 ເຊິ່ງມີລາຍລະອຽດທີ່ໜ້າສົນໃຈດັ່ງນີ້:

 

ຈັດໃນປີ ຈັດທີ່ ຮອບແບ່ງກຸ່ມ ຮອບຮອງຊະນະເລີດ ຮອບຊິງທີ 3 ຮອບຊິງຊະນະລີດ ຜົນງານດີທີ່ສຸດ
2002 ມາເລເຊຍ ແລະ ອິນໂດເນຊຍ ເປັນທີ 1 ຂອງກຸ່ມ B ສະເໝີກັນໃນເວລາ
ລາວ 2-2 ມາເລເຊຍ ຕັດສິນໂດຍການດວນຈຸດໂທດ    ລາວ 7-6 ມາເລເຊຍ
- ລາວ 1-4 ມຽນມາ ຮອງແຊັມ
2005 ໄທ ເປັນທີ 1 ຂອງກຸ່ມ B ລາວ 1-2 ມຽນມາ ລາວ 3-1 ມາເລເຊຍ - ອັນດັບທີ 3
2006 ຫວຽດນາມ ມີ 4 ທີມເຂົ້າຮ່ວມການແຂ່ງຂັນ, ແຂ່ງແບບ Round Robin ຄືເຕະພົບກັນໝົດທຸກທີມ ຜູ້ມີຄະແນນຫຼາຍທີ່ສຸດ ໄດ້ແຊັມ ແລະ ທີ 2,3,4 ຕາມລຳດັບ ອັນດັບທີ 4
2007 ກຳປູເຈ້ຍ ເປັນທີ 1 ຂອງກຸ່ມ B ລາວ 3-0 ອິນໂດເນເຊຍ - ລາວ 2-3 ໄທ ຮອງແຊັມ
2011 ລາວ ເປັນທີ 2 ຂອງກຸ່ມ A ລາວ 1-0 ມຽນມາ - ລາວ 0-1 ໄທ ຮອງແຊັມ
2012 ລາວ  4 ທີມເຂົ້າຮ່ວມການແຂ່ງຂັນ, ແຂ່ງແບບ Round Robin ຄືເຕະພົບກັນໝົດທຸກທີມ ຜູ້ມີຄະແນນຫຼາຍທີ່ສຸດ ໄດ້ແຊັມ ແລະ ທີ 2,3,4 ຕາມລຳດັບ ອັນດັບທີ 3
2013 ມຽນມາ ເປັນທີ 4 ຂອງກຸ່ມ B, ຕົກຮອບ - - - ອັນດັບ 4 ຮອບແບ່ງກຸ່ມ
2015 ກຳປູເຈ້ຍ ເປັນທີ 1 ຂອງກຸ່ມ A ລາວ 0-1 ມຽນມາ ລາວ 2-10 ອອສເຕຣເລຍ - ອັນດັບທີ 4

ສະຫຼຸບຜົນງານຂອງ ທີມຊາດລາວ U-16

-ຮອງແຊັມ 3 ຄັ້ງ ໃນປີ 2002, 2007 ແລະ 2011
-ອັນດັບທີ 3  2 ຄັ້ງ ໃນປີ 2005 ແລະ 2012
-ອັນດັບ 4  2 ຄັ້ງ ໃນປີ 2006 ແລະ 2015

 

ຂອບໃຈຂໍ້ມູນຈາກ wikipedia.org
ຂອບໃຈພາບຈາກ news.sabay.com.kh, aseanfootball.org




ລາວ 2-0 ມາເລເຊຍ ຮອບແບ່ງກຸ່ມ ການແຂ່ງຂັນ AFF U-16 ປີ 2015
ລາວ 3-2 ຕີມໍເລສເຕ ຮອບແບ່ງກຸ່ມ ການແຂ່ງຂັນ AFF U-16 ປີ 2015
ລາວ 0-1 ມຽນມາ ຮອບຮອງຊະນະເລີດ ການແຂ່ງຂັນ AFF U-16 ປີ 2015
ລາວ 2-10 ອອສເຕຣເລຍ ຮອບຊິງທີ 3 ການແຂ່ງຂັນ AFF U-16 ປີ 2015
ຂ່າວລ່າສຸດ