ລາຍລະອຽດຂ່າວ
ສິ່ງທີ່ຄວນຮູ້ໃນການແຂ່ງຂັນ AFF U-16 Youth Championship
ຂຽນເມື່ອ: 06/07/2016 22:07 | ໂດຍ: ແອັດມິນ | ອ່ານ: 1787 ຄັ້ງ

   AFF U-16 Youth Championship ແມ່ນການແຂ່ງຂັນ ກິລາບານເຕະນານາຊາດ ຮຸ່ນອາຍຸບໍ່ເກີນ 16 ປີ ທີ່ຈັດຂຶ້ນປີລະ 1 ຄັ້ງ ໂດຍການໝູນວຽນກັນ ເປັນເຈົ້າພາບລະຫວ່າງບັນດາ ປະເທດທີ່ເປັນສະມາຊິກຂອງ ASEAN Football Federation (AFF) ຫຼື ສະຫະພັນບານເຕະ ອາຊີຕາເວັນອອກສຽງໃຕ້ ແລະ ກໍ່ໄດ້ເຊີນປະເທດອື່ນໆ ໃນທະວີບອາຊີ ເຂົ້າຮ່ວມການແຂ່ງຂັນນຳອີກ.

   ການແຂ່ງຂັນບານເຕະ AFF U-16 Youth Championship ໄດ້ຈັດຂຶ້ນປີທຳອິດໃນປີ 2002 (ປີ 2003, 2004, 2009 ແລະ 2014 ແມ່ນບໍ່ໄດ້ຈັດການແຂ່ງຂັນ) ແລະ ມາຮອດປີ 2015 ແມ່ນໄດ້ຈັດມາແລ້ວ 10 ຄັ້ງ, ປະເທດທີ່ເປັນເຈົ້າພາບ ຫຼາຍທີ່ສຸດແມ່ນ ປະເທດອິນໂດເນເຊຍ ທີ່ເປັນເຈົ້າພາບມາແລ້ວເຖິງ 3 ຄັ້ງ, ປະເທດທີ່ບໍ່ເຄິຍ ເປັນເຈົ້າພາບ ຈັດການແຂ່ງຂັນເລີຍ ມີ 4 ປະເທດຄື:​ ປະເທດສິງກະໂປ, ຟິລິປິນ, ບຣູໄນ ແລະ ຕີມໍເລສເຕ, ປະເທດລາວ ໄດ້ເປັນເຈົ້າພາບ ຈັດການແຂ່ງຂັນມາແລ້ວເຖິງ 2 ຄັ້ງຄືໃນປີ 2011 ແລະ 2012. ປະເທດທີ່ໄດ້ແຊັມ ຫຼາຍທີ່ສຸດໃນ ການແຂ່ງຂັນລາຍການນີ້ແມ່ນ ປະເທດໄທ ທີ່ເປັນແຊັມ 3 ຄັ້ງ, ສ່ວນປະເທດທີ່ຍັງບໍ່ເຄີຍໄດ້ແຊັມມີ 6 ປະເທດຄື ລາວ, ອິນໂດເນເຊຍ, ​ສິງກະໂປ, ຟິລິປິນ, ບຣູໄນ ແລະ ຕີມໍເລສເຕ ສະເພາະປະເທດລາວ ແມ່ນເຄີຍຜ່ານເຂົ້າ ຮອບຊິງຊະນະເລີດເຖິງ 3 ຄັ້ງ ແຕ່ຍັງບໍ່ປະສົບຜົນສຳເລັດເທື່ອ.

   ການຈັດການແຂ່ງຂັນໃນປີ 2016 ເປັນຄັ້ງທີ 11 ໂດຍການເປັນເຈົ້າພາບຂອງ ປະເທດກຳປູເຈ້ຍ ເຊິ່ງເປັນການຈັດການແຂ່ງຂັນ ໃນລາຍການນີ້ເປັນຄັ້ງທີ 3 ຂອງກຳປູເຈ້ຍ ເຊິ່ງຈັດຂຶ້ນລະຫວ່າງວັນທີ 10-23 ກໍລະກົດ 2016 ແລະ ມີ 11 ປະເທດເຂົ້າຮ່ວມ ແບ່ງເປັນ 2 ກຸ່ມຄື: ກຸ່ມ A ປະກອບມີ ປະເທດມຽນມາ, ອອສເຕຣເລຍ, ສິງກະໂປ, ມາເລເຊຍ, ຫວຽດນາມ, ຟິລິປິນ ແລະ ກຸ່ມ B ປະກອບມີ ປະເທດໄທ, ລາວ, ຕີມໍເລສເຕ, ກຳປູເຈ້ຍ ແລະ ບຣູໄນ.

   ເຮົາມາຮ່ວມແຮງຮ່ວມໃຈກັນ ສົ່ງກຳລັງໃຈໄປເຊຍ ທັບນັກກິລາບານເຕະທີມຊາດລາວ ຮຸ່ນອາຍຸບໍ່ເກີນ 16 ປີ ໃຫ້ສາມາດຍາດໄດ້ຜົນງານທີ່ດີ ແລະ ສາມາດຄວ້າແຊັມໃນລາຍການນີ້ ເປັນຄັ້ງທຳອິດ ມາຄອງໃຫ້ໄດ້.

ຂອບໃຈຂໍ້ມູນຈາກ wikipedia.org
ຂອບໃຈພາບຈາກ tnews.co.th, goal.com, sports247.my

 




ທີມຊາດລາວ ເອົາຊະນະ ທີມຊາດໄທໄປ 1 ປະຕູຕໍ່ 0 ໃນຮອບແບ່ງກຸ່ມ ຂອງການແຂ່ງຂັນ AFF U-16 2015
ທີມຊາດອອສເຕຣເລຍ ພົບກັບ ທີມຊາດຟິລິປິນ ໃນການແຂ່ງຂັນ AFF U-16 2015
ທີມຊາດກຳປູເຈ້ຍ ພົບກັບ ທີມຊາດມຽນມາ ໃນການແຂ່ງຂັນ AFF U-16 2015
ຂ່າວລ່າສຸດ