ລາຍລະອຽດຂ່າວ
ປະຫວັດສາດໜ້າໃໝ່ ຂອງວົງການຢູໂດ ລາວ
ຂຽນເມື່ອ: 06/07/2016 20:07 | ໂດຍ: ເພຣເມັກເກີ | ອ່ານ: 992 ຄັ້ງ

       ໃນງານມະຫາກຳກິລາ ໂອລິມປິກ ທີ່ປະເທດ ບຣາຊິລ ໃນວັນທີ 5 - 21 ສິງຫາ 2016 ທີ່ໃກ້ຈະມາເຖິງນີ້ ຫລາຍຄົນກໍອາດຈະຮູ້ແລ້ວວ່າ ທັບນັກກິລາລາວທີ່ຈະເຂົ້າຮ່ວມໃນງານນີ້ ມີກິລາຊະນິດໃດແດ່ ນັ້ນກໍຄື ກິລາພາກບັງຄັບຂອງໂອລິມປິກ 2 ປະເພດ ໄດ້ແກ່ ລອຍນ້ຳ ແລະ ແລ່ນ-ລານ (ເຂົ້າຮ່ວມໂດຍບໍ່ໄດ້ຄັດເລືອກ) ແລະ ອີກ 1 ປະເພດທີ່ສາມາດ ໄປແຂ່ງຄັດເລືອກແລ້ວເກັບຄະແນນສະສົມ ເພື່ອເຂົ້າໄປຮ່ວມແຂ່ງຂັນໃນງານນີ້ໄດ້ ກໍຄື ກິລາ ແຂ່ງລົດຖີບ ໂດຍແມ່ນ ທ້າວອາລີຍາ ພູນສະຫວັດ ແຕ່ຍັງມີແຕ່ອີກ 1 ປະເພດກິລາ ທີ່ສາມາດໄປແຂ່ງເກັບຄະແນນສະສົມ ເພື່ອເຂົ້າໄປແຂ່ງໃນ ງານມະຫາກຳກິລາໂອລິມປິກ ໄດ້ກໍຄື ກິລາຢູໂດ (ຫລາຍຄົນອາດຈະບໍ່ຮູ້) ເຊິ່ງຜູ້ທີ່ສາມາດຄວ້າປີ້ໃບນີ້ໄປໄດ້ກໍຄື ທ້າວ ສຸພະໄຊ ສິດທິສານ ນັກກິລາ ຢູໂດທີມຊາດລາວຮຸ່ນ -60 ກິໂລ ນັ້ນເອງ ເຊິ່ງເປັນນັກກິລາຢູໂດຄົນທຳອິດຂອງລາວ ທີ່ສາມາດໄປແຂ່ງຂັນໃນລະດັບໂອລິມປິກໄດ້

ຂອບໃຈພາບ ແລະ ຂ່າວຈາກ Fan page lao judo Federation


 




ຂ່າວລ່າສຸດ