ລາຍລະອຽດຂ່າວ
ສອງນັກເຕະທີ່ມີ ຄ່າຕົວແພງທີ່ສຸດ ໃນໂລກຂອງລາຊັນ ຈະຕ້ອງສູ້ກັນໃນເວທີ UEFA European Championship
ຂຽນເມື່ອ: 06/07/2016 02:07 | ໂດຍ: ແອັດມິນ | ອ່ານ: 1055 ຄັ້ງ

   ເດີນທາງມາຮອດໂຄງສຸດທ້າຍແລ້ວ ສຳລັບການແຂ່ງຂັນກິລາບານເຕະ Euro 2016 ເຊິ່ງໄດ້ 4 ທີມສຸດທ້າຍທີ່ຈະແຂ່ງກັນໃນ ຮອບຮອງຊະນະເລີດແລ້ວ ເຊິ່ງຄູ່ທີ 1 ຈະແຂ່ງກັນໃນວັນທີ 07 ກໍລະກົດ 2016 ເວລາ 02:00 ທີ່ສະໜາມ Stade de Lyon, Lyon ເປັນການໂຄຈອນມາ ພົບກັນລະຫວ່າງທີມຊາດ Portugal ທີ່ນຳທັບໂດຍ  Cristiano Ronaldo ແລະ ທີມຊາດ Wales ທີ່ນຳໂດຍ Gareth Bale.

   ດາວດັງຂອງທັງ 2 ທີມນີ້ ແມ່ນຫຼິ້ນໃຫ້ກັບສະໂມສອນ Real Madrid ແລະ ປະສົບຜົນສຳເລັດຮ່ວມກັນຢ່າງຫຼວງຫຼາຍ ເຊິ່ງໃນລະດູການທີ່ຜານມາພວກເຂົາ ກໍ່ພາສະໂມສອນຄວ້າແຊັມ UCL ເປັນສະໄໝທີ 11 ຂອງສະໂມສອນມາແລ້ວ. ແຕ່ໃນການແຂ່ງຂັນ Euro ຄັ້ງນີ້ ພວກເຂົາຕ້ອງມາ ຮັບໃຊ້ທີມຊາດລົງແຂ່ງຂັນ ແລະ ກໍ່ຢູ່ຄົນລະທີມ ເພື່ອແຂ່ງກັນເຂົ້າຮອບຕໍ່ໄປ ເຊິ່ງທາງທີມງານ laosportnews ຈະຂໍເອົາສະຕິ ຂອງທັງສອງທີມໃນການແຂ່ງຂັນ Euro 2016 ມາໃຫ້ຜູ້ອ່ານໄດ້ເບິ່ງກັນ.

   ໃນຮອບແບ່ງກຸ່ມ Portugal ຢູຸ່ກຸ່ມ F ຮ່ວມກັບ Hungary, Iceland ແລະ Austria ຜ່ານການແຂ່ງທຸກນັດ ໃນຮອບແບ່ງກຸ່ມ Portugal ຍິງໄດ້ 4 ປະຕູ, ເສຍ 4 ປະຕູ, ສະເໝີທັງ 3 ນັດ ມີ 3 ຄະແນນ ເປັນທີ 3 ຂອງກຸ່ມ ເຂົ້າຮອບ 16 ທີມສຸດທ້າຍ ຍ້ອນເປັນ 1 ໃນ 4 ທີມອັນທີ່ດັບທີ 3 ທີ່ມີຄະແນນທີ່ດີທີ່ສຸດ. ໃນຮອບ 16 ທີມສຸດທ້າຍ Portugal ພົບກັບ Croatia ແລະ  Portugal ເອົາຊະນະໄປ 1 ປະຕູຕໍ່ 0 ຜ່ານເຂົ້າຮອບກ່ອນຮອງຊະນະເລີດ. ໃນຮອບກ່ອນຮອງຊະນະເລີດ Portugal ພົບກັບ Poland ສະເໝີກັນໃນເວລາ 120 ນາທີ 1 ປະຕູຕໍ່ 1 ຕ້ອງດວນຈຸດໂທດຕັດສິນ ແລະ ເປັນທາງ Portugal ເອົາຊະນະຈາກການ ດວນຈຸດໂທດໄປ 5 ປະຕູຕໍ່ 3 ຜ່ານເຂົ້າຮອບຮອງຊະນະເລີດ, ຢູ່ອັນດັບທີ 8 ຂອງໂລກ.

   ໃນຮອບແບ່ງກຸ່ມ Wales  ຢູ່ກ่ຸມ B ຮ່ວມກັບ English, Slovakia ແລະ Russia ຜົນງານຂອງ Wales ໃນຮອບແບ່ງກຸ່ມ ຍິງໄດ້ 6 ປະຕູ, ເສຍ 3 ປະຕູ, ຊະນະ 2 ນັດ, ເສຍ 1 ນັດ ມີ 6 ຄະແນນ ເປັນທີ 1 ຂອງກຸ່ມ ເຂົ້າໄປແຂ່ງໃນຮອບ 16 ທີມສຸດທ້າຍ. ໃນຮອບ 16 ທີມສຸດທ້າຍ Wales ພົບກັບ Northern Ireland ແລະ ສາມາດເອົາຊະນະໄປ 1 ປະຕູຕໍ່ 0 ຜ່ານເຂົ້າຮອບກ່ອນຮອງຊະນະເລີດໄປໄດ້. ໃນຮອບກ່ອນຮອງຊະນະເລີດ Wales ພົບກັບ Belgium ແລະ ເປັນທາງ Wales ເອົາຊະນະໄປ 3-1 ຜ່ານເຂົ້າຮອບຮອງຊະນະເລີດ, ຢູ່ອັນດັບທີ 26 ຂອງໂລກ.

   ເຮົາມາເບິ່ງນຳກັນວ່າວັນທີ 07 ກໍລະກົດ ນີ້ທີມໃດທີ່ຈະສາມາດສ້າງປະຫວັດສາດ ໃຫ້ກັບທີມຕົນເອງໄດ້, ສຳລັບ Wales ແມ່ນເປັນຄັ້ງທຳອິດຂອງພວກເຂົາທີ່ ໄດ້ເຂົ້າມາຮ່ວມການແຂ່ງຂັນ Euro ຮອບສຸດທ້າຍ ແລະ ໄດ້ມາໄກເຖິງຮອບນີ້, ສ່ວນທາງ Portugal ຖ້າພວກເຂົາສາມາດ ເອົາຊະນະໄດ້ໃນນັດນີ້ ຈະເປັນການເຂົ້າຊິງຊະເລີດຄັ້ງທີ 2 ຂອງພວກເຂົ້າ ກ່ອນໜ້ານີ້ພວກເຂົາ ສາມາດເຂົ້າຮອບ ຊິງຊະນະເລີດໄດ້ໃນປີ 2004 ແຕ່ພາດທ່າເສຍໃຫ້ Greece 0 ປະຕູຕໍ່ 1.


ຂອບໃຈຂໍ້ມູນຈາກ wikipedia.org
ຂອບໃຈພາບຈາກ bbc.com, thesun.co.uk




Cristiano Ronaldo ສະແດງຄວາມດີໃຈຫຼັງຈາກຊະນະການດວນຈຸດໂທດກັບ Poland ໃນຮອບ ກ່ອນຮອງຊະນະເລີດ
Gareth Bale ສະແດງຄວາມດີໃຈທີ່ເອົາຊະນະ Belgium ຜ່ານເຂົ້າຮອບຮອງຊະນະເລີດ
Cristiano Ronaldo ແລະ Gareth Bale ໃນການແຂ່ງຂັນ FA Cup 2009
ຂ່າວຍອດນິຍົມ 7 ວັນລ່າສຸດ