ລາຍລະອຽດຂ່າວ
ນັກກິລາ Judo ຄູ່ຍິງລາວ ໄດ້ຫຼຽນຄຳ ໃນການແຂ່ງຂັນ ແຊັມປຽນ Judo Kata ອາຊີຕາເວັນອອກ
ຂຽນເມື່ອ: 05/07/2016 21:07 | ໂດຍ: ແອັດມິນ | ອ່ານ: 992 ຄັ້ງ

    ນາງ ມາລີນີ ພານຸວົງ ແລະ ນາງ ພອນວັນ ສີອຳພອນ ສອງນັກກິລາ Judo ຄູ່ຍິງລາວ ສາມາດຍາດໄດ້ຫຼຽນຄຳ ຈາກການແຂ່ງຂັນ ແຊັມປຽນ Judo Kata ອາຊີຕາເວັນອອກ ທີ່ຮ່ອງກົງ ໃນວັນທີ 30 ມິຖຸນາ 2016 ໂດຍເອົາຊະນະຄະແນນຄູຍິງ ຈາກປະເທດຈີນ ສ່ວນທີ 3 ຮ່ວມເປັນຂອງນັກກິລາ ໄຕ້ຫວັນ ແລະ ຮ່ອງກົງ.

    ການແຂ່ງຂັນ ແຊັມປຽນ Judo Kata ອາຊີຕາເວັນອອກ ຈັດຂຶ້ນໂດຍສະມາຄົມ Judo ອາຊີ ເຊິ່ງຈັດຂຶ້ນຕັ້ງແຕ່ປີ 2006 ແລະ ໄດ້ມີການແຂ່ງຂັນກັນທຸກໆປີ ຍົກເວັ້ນປີທີມີການແຂ່ງຂັນ ກິລາອາຊີຕາເວັນອອກ ຫຼື East Asian Games ແລະ ການແຂ່ງຂັນໃນປີນີ້ ແມ່ນມີນັກກິລາຈາກ ຮ່ອງກົງ, ໄຕ້ຫວັນ, ຍິປຸ່ນ, ເກົາຫຼີໃຕ້, ຈີນ, ສິງກະໂປ, ມາເລເຊຍ ແລະ ລາວ ລົງແຂ່ງໃນ 5 ລາຍການ.

   ໃນໂອກາດອັນດີນີ້ ທາງທີມງານ laosportnews ຂໍສະແດງຄວາມດີໃຈ ແລະ ຂໍຊົມເຊີຍໃນຜົນງານຂອງທັງ 2 ນ້ອງນັກກິລາ Judo ຍິງ ທີ່ສາມາດສ້າງຜົນງານຢູ່ຕ່າງປະເທດ ແລະ ສ້າງຊື່ສຽງໃຫ້ກັບປະເທດຊາດໄດ້ ແລະ ພວກເຮົາຂໍເປັນໜຶ່ງກຳລັງໃຈ ເພື່ອສົ່ງໃຫ້ທີມທັບນັກລາວທຸກຄົນ ໃຫ້ສາມາດຍາດເອົາໄຊຊະນະ ໃນທຸກໆລາຍການແຂ່ງຂັນ.

ຂອບໃຈຂໍ້ມູນຈາກ wikipedia.org, facebook Mayouly Phanouvong
ຂອບໃຈພາບຈາກ facebook Mayouly Phanouvong




ຂ່າວລ່າສຸດ