ລາຍລະອຽດຂ່າວ
ອານຸສອນ ໄຊສາ ເຮັດສະຖິຕິ 14.00 ວິນາທີ ຄວ້າຫລຽນເງິນ ແລ່ນ-ລານ ຊິງແຊ້ມປະເທດໄທ
ຂຽນເມື່ອ: 05/07/2016 19:07 | ໂດຍ: ເຊຍລາວ | ອ່ານ: 1712 ຄັ້ງ

      ເປັນການເລີ່ມຕົ້ນທີ່ດີຂອງ ທ້າວ ອານຸສອນ ໄຊສາ ນັກກິລາ ແລ່ນ - ລານ ທີມຊາດລາວ ທີ່ໄດ້ເດີນທາງໄປເກັບໂຕ ທີ່ລາດຊະອານາຈັກໄທ ກ່ອນທີ່ຈະເດີນທາງເຂົ້າແຂ່ງຂັນໃນ ງານໂອລີມປິກ ລະດູຮ້ອນ ທີ່ນະຄອນຫລວງ ຣີໂອເດີຈາເນໂຣ ປະເທດເບຼຊີນ ທີ່ຈະມີຂື້ນໃນວັນທີ 5ສິງຫາ ເຖີງ 21ສິງຫາ ທີ່ຈະມາເຖີງນີ້

      ຫລັງຈາກ ໄດ້ເຂົ້າຝືກແອບຢູ່ທີ່ ສູນກິລາມະຫາວິທະຍາໄລ ທຳມະສາດສູນກິລາລັງສິດ ບາງກອກ ປະເທດໄທ ເປັນເວລາ 1 ເດືອນ ອານຸສອນ ໄຊສາ ກໍ່ໄດ້ເຂົ້າຮ່ວມ ການແຂ່ງຂັນໃນລາຍການ ແລ່ນ ລານ ຊິງຊະນະເລີດ ແຫ່ງປະເທດໄທ ນານາຊາດ ຊິງຂັນເຈົ້າຊີວິດແຫ່ງ ລາດສະອານາຈັກ ໄທ ຄັ້ງທີ່ 62 ແລະ ການແຂ່ງຂັນໃນຮອບຊິງຊະນະເລີດ ປະເພດ ແລ່ນຂ້າມຮົ້ວ 110 ແມັດ ມີນັກກິລາ ຜ່ານຮອບຄັດເລືອກມາ 8 ຄົນ ຈາກໄທ 4 ຄົນ ຍິ່ປຸ່ນ 1 ຄົນ ຫວຽດນາມ 1 ຄົນ ລາວ 1 ຄົນ ແລະ ສິງກະໂປ 1 ຄົນ ຜ່ານການແຂ່ງຂັນຮອບຊິງຊະນະເລີດ ອານຸສອນ ໄຊສາ ເຂົ້າເສັ້ນໄຊ ເປັນອັນດັບທີ 2 ເຮັດເວລາໄດ້ 14.00 ວິນາທີ ຕາມຫລັງ HIROKI FUDABA ຈາກ ປະເທດ ຍິປຸ່ນ ທີ່ເຂົ້າເສັ້ນໄຊເປັນອັນດັບ 1 ເຮັດເວລາໄດ້ 13.97 ວິນາທີ ສ່ວນອັນດັບ 3 ຕົກເປັນ ຂອງນັກກິລາຈາກປະເທດໄທ ເຮັດເວລາໄດ້ 14,28 ວິນາທີ ອັນດັບທີ 4 ນັກກິລາຈາກປະເທດໄທ ເຮັດເວລາໄດ້ 14,41 ວິນາທີ 

      ຖືວ່າເປັນການທົດສອບທີ່ສຳຄັນຂອງ ທ້າວ ອານຸສອນ ໄຊສາ ນັກກິລາ ແລ່ນ ລານ ທີມຊາດ ລາວ ສຳລັບນັກກິລາທີມ ຊາດລາວ ທີ່ຈະເຂົ້າແຂ່ງຂັນໂອລີມປີກ ລະດູຮ້ອນ ມີ 3 ປະເພດກິລາ ປະກອບມີ ແລ່ນ ລານ ລອຍນຳ້ ແລະ ກິລາລົດຖີບ

 ຂອບໃຈ ຂໍ້ມູນ: FB Anusone 

Cheerlao ລາຍງານ




ຂ່າວລ່າສຸດ