ລາຍລະອຽດຂ່າວ
Iceland ຈະເອົາ Leicester City ເປັນຕົ້ນແບບ ໃນການແຂ່ງຂັນ Euro 2016
ຂຽນເມື່ອ: 03/07/2016 09:07 | ໂດຍ: ແອັດມິນ | ອ່ານ: 996 ຄັ້ງ

   ທີມຜູ້ຝຶກຂອງ Iceland ເວົ້າວ່າ "ເປັນເລື່ອງເໜືອຄວາມຄາດໝາຍສຳລັບ Iceland ໃນການແຂ່ງຂັນ  Euro 2016 ທີ່ພວກເຮົາສາມາດ ເອົາຊະນະທີມໃຫຍ່ດັ່ງເຊັ່ນ England ແລະ ຜ່ານເຂົ້າໄປຫຼິ້ນໃນ ຮອບກ່ອນຮອງຊະນະເລີດໄດ້ ພວກເຮົາຈະເອົາແບບຢ່າງ ດັ່ງເຊັ່ນສະໂມສອນ Leicester City ທີ່ສາມາດສະແດງຜົນງານ ອັນໂດດເດັ່ນ ຄວ້າແຊັມ EPL 2015-16 ເປັນຄັ້ງທຳອິດຂອງສະໂມສອນ".
   Leicester City ເປັນສະໂມສອນທີ່ ບໍ່ໃຫຍ່ໂຕ-ບໍ່ມີສື່ສຽງຫຼາຍ ແຕ່ພວກເຂົາ ກໍ່ສາມາດເອົາແຊັມລີກ ເມືອງຜູ້ດີມາຄອງໄດ້ ເຊິ່ງເຮັດໃຫ້ສະໂມສອນດັງໆ ຕ່າງກໍ່ໜ້າເສົ້າໄປຕາມໆກັນ.
   Iceland ໄດ້ເຂົ້າຮ່ວມການແຂ່ງຂັນ ລະດັບນານາຊາດຄັ້ງນີ້ ເປັນຄັ້ງທຳອິດ ແລະ ກໍ່ໄດ້ຜ່ານບົດທົດສອບຫຼາຍໆຢ່າງ ເຊິ່ງສາມາດຜ່ານຮອບແບ່ງກຸ່ມ ແລະ ສາມາດເອົາຊະນະທີມຊາດ England 2-1 ໃນຮອບ Knock-out ເຮັດໃຫ້ພວກເຂົາ ຜ່ານເຂົ້າໄປຫຼິ້ນໃນ ຮອບກ່ອນຮອງຊະນະເລີດ ໄປພົບກັບ France ເຈົ້າພາບ. ທີມຜູ້ຝຶກ ຍັງເວົ້າຕື່ມອີກວ່າ "ໃນເກມພົບກັບ  France ພວກເຮົາບໍ່ມີຄວາມກົດກັນໃດໆ ພວກເຮົາຈະຫຼິ້ນດ້ວຍຄວາມຜ່ອນຄາຍ ແລະ ຈະຫຼິ້ນໃຫ້ເຕັມທີ່, ແນ່ນອນວ່າ ພວກເຮົາຕ້ອງການໄຊຊະນະ ເໜືອເຈົ້າພາບ ແຕ່ພວກເຮົາ ຈະບໍ່ກົດດັນຕົວເອງ ພວກເຮົາຈະເຮັດສຸດຄວາມສາມາດ ແລະ ສິ່ງທີ່ໄດ້ຕໍ່ຈາກນີ້ຄືກຳໄລ ແລະ ສົບການທີ່ດີ".

ທັງນີ້ Iceland ມີກຳນົດການແຂ່ງພົບກັບ France ເປັນຄູ່ສຸດທ້າຍຂອງຮອບ Quarter Final ໃນວັນທີ 04/07/2016 ເວລາ 02:00

ຂອບໃຈຂໍ້ມູນ ແລະ ພາບຈາກ indianexpress.com

ໂດຍ ໂດເຣມອນ




ຂ່າວຍອດນິຍົມ 7 ວັນລ່າສຸດ