ລາຍລະອຽດຂ່າວ
Germany ຊະນະການດວນຈຸດໂທດ Italy ຜ່ານເຂົ້າໄປລໍຖ້າໃນ ຮອບຮອງຊະນະເລີດ
ຂຽນເມື່ອ: 03/07/2016 06:07 | ໂດຍ: ແອັດມິນ | ອ່ານ: 1476 ຄັ້ງ

   ການແຂ່ງຂັນ Euro 2016 ຮອບກ່ອນຮອງຊະນະເລີດ ຄູ່ທິ 3 ເປັນການໂຄຈອນມາພົບກັນ ລະຫວ່າງແຊັມບານໂລກ 4 ສະໄໝຂອງທັງ 2 ທີມ ຄືທີມຊາດ Germany ແຊັມຢູໂຣ 3 ສະໄໝ ພົບກັບ ທີມຊາດ Italy ແຊັມຢູໂຣ 1 ສະໄໝ ເຊິ່ງຈາກສະຖິຕິ Germany ບໍ່ເຄີຍຊະນະ Italy ເລີຍໃນການແຂ່ງຂັນ ລາຍການໃຫຍ່ 8 ຄັ້ງລ່າສຸດ ແບ່ງເປັນສະເໝີກັນ 4 ຄັ້ງ ແລະ Italy ຊະນະ 4 ຄັ້ງ ແຕ່ມື້ຄືນນີ້ພວກເຂົາສາມາດ ເອົາຊະນະທີມທີ່ມີເກມຮັບແຂງແກ່ງ ແລະ ຖືວ່າເປັນທີມທີ່ ດີທີ່ສຸດທີມໜຶ່ງຂອງໂລກ ໄປໄດ້.
   ໃນ 45 ນາທີທຳອິດເຮັດຫຍັງກັນບໍ່ໄດ້ ສະເໝີກັນ 0-0, ເລີ່ມການແຂ່ງຂັນໃນເຄິ່ງຫຼັງ ເປັນທາງ Germany ທີ່ໄດ້ປະຕູຂຶ້ນນຳກ່ອນຈາກ Mesut Oezil ນັກເຕະຕຳແໜ່ງກອງກາງຕົວບຸກ ຈາກສະໂມສອນ Arsenal ໃນນາທີທີ 65 ແລະ Italy ມາໄດ້ປະຕູສະເໝີ ຈາກການຍິງຈຸດໂທດຂອງ Leonardo Bouncci ນັກເຕະກອງຫຼັງ ຈາກສະໂມສອນ Juventus, ຈົບເວລາ 90 ນາທີສະເໝີກັນ 1-1 ຕ້ອງໄດ້ຕໍ່ເວລາພິເສດ ເຊິ່ງກໍ່ບໍ່ມີທີມໃດຍິງປະຕູເພີ່ມໄດ້ ໝົດເວລາ 120 ນາທີ ຈຶ່ງຕ້ອງຕັດສິນ ໂດຍການດວນຈຸດໂທດ ເຊິ່ງການດວນຈຸດໂທດ ຕ້ອງໄດ້ຍິງເຖິງ 9 ລູກ ເຊິ່ງ Germany ຍິງເຂົ້າ 6 ລູກ ພາດ 3 ລູກ, ສ່ວນ Italy ຍິງເຂົາ 5 ລູກ ພາບ 4 ລູກ ເຊິ່ງຄົນສຸດທ້າຍທີ່ພາດ ແລະ ເຮັດໃຫ້ Italy ຕົກຮອບກ່ອນຮອງຊະນະເລີດ ແມ່ນຄົນທີ 9 ຄື Matteo Darmian  ເຮັດໃຫ້ Germany ຊະນະການດວນຈຸດໂທດຕັດສິນກັບ Italy ໄປ 6-5 ແບບລຸ້ນຈົນເຖິງລູກສຸດທ້າຍ ແລະ Germany ຈະເຂົ້າໄປລໍຖ້າຕັດເຊືອກໃນ ຮອບຮອງຊະນະເລີດກັບ ຜູ້ຊະນະລະຫວ່າງຄູ່ ທີມຊາດ France ເຈົ້າພາບ ພົບກັບ Iceland ໃນວັນທີ 04 ກໍລະກົດ 2016 ເວລາ 02:00.

 

ຂອບໃຈຂໍ້ມູນຈາກ thesun.co.uk, wikipedia.org
ຂອບໃຈພາບຈາກ
thesun.co.uk

ໂດຍ ໂດເຣມອນ




ຂ່າວຍອດນິຍົມ 7 ວັນລ່າສຸດ