ລາຍລະອຽດຂ່າວ
ມັງກອນແດງແຫ່ງຢຸໂຣບ ມ້າມືດໃນຢູໂຣ 2016
ຂຽນເມື່ອ: 02/07/2016 12:07 | ໂດຍ: ເພຣເມັກເກີ | ອ່ານ: 1224 ຄັ້ງ

      ທີມຊາດ ເວວ ມີສາຍາ ມັງກອນ(The Dragon) ແລະ ສື່ບາງສຳນັກກໍ່ເອີ້ນວ່າມັງກອນແດງ, ເປັນທີມ ບານເຕະ ຕົວແທນຂອງປະເທດເວວ ໃນການແຂ່ງຂັນລະດັບຊາດ, ເຖິງແມ່ນວ່າປະເທດ ເວວ ຈະບໍ່ໄດ້ເປັນລັດເອກກະລາດ ໂດຍມີຖານະເປັນສ່ວນໜຶ່ງຂອງ ສະຫະຣາດຊາອານາຈັກ(United Kingdom) ແຕ່ກໍ່ມີ ສະມາຄົມບານເຕະ ແລະ ທີມຊາດເປັນຂອງຕົນເອງທີ່ເຂົ້າຮ່ວມບັນດາລາຍການແຂ່ງຂັນສຳຄັນຕ່າງໆທີ່ທາງ EUFA ແລະ FIFA ຈັດຂຶ້ນ, ຍົກເວັນການແຂ່ງຂັນ ກິລາ ໂອລິມປິກ ທີ່ປະເທດໃນສະຫະຣາດຊາອານາອັນປະກອບດ້ວຍ: ອັງກິດ, ສະກ໋ອດແລນ, ເວວ ແລະ ໄອແລນເໜືອຈະໂຮມໂຕເຂົ້າເປັນທີມດຽວ.
      ທີມຊາດເວວ ເປັນທີມບານເຕະທີ່ເກົ່າແກ່ທີ່ສຸດ ເປັນອັນດັບ 3 ຂອງໂລກສ້າງຕັ້ງຂຶ້ນໃນປີ 1876, ໂດຍສ້າງຕັ້ງຕາມຫຼັງພຽງ 2 ທີມຄື: ທີມຊາດອັງກິດ ແລະ ທີມຊາດສະກ໋ອດແລນ. ແຕ່ຜົນງານບໍ່ຄ່ອຍໂດດເດັ່ນເທົ່າທີ່ຄວນ, ເຄີຍຜ່ານເຂົ້າໄປຫຼິ້ນ ຮອບສຸດທ້າຍບານເຕະໂລກພຽງ 1 ຄັ້ງເທົ່ານັ້ນໃນປີ 1958 ທີ່ປະເທດສະວີເດັນເປັນເຈົ້າພາບ ແລະ ໄດ້ຜ່ານເຂົ້າມາຫຼິ້ນ ບານເຕະຊີງແຊ້ມຢຸໂຣບເປັນຄັ້ງນີ້ ເປັນຄັ້ງທຳອິດໃນປີນີ້ 2016 ແລະ ສາມາດທະລຸຮອດຮອບ 4 ທີມສຸດທ້າຍເຊິ່ງມາຮອດປັດຈະບັນພວກເຂົາມາໄກເກີນຄາດຂອງຫຼາຍໆຄົນແລ້ວ.     

      ປັດຈຸບັນ ເວວ ຢູ່ອັນດັບ 26 ຕາມການຈັດອັນດັບ ຂອງ FIFA, ເວວເຄີຍໄດ້ອັນດັບໂລກທີ່ດີ ທີ່ສຸດເວວແມ່ນ 8 ໃນເດືອນ ສິງຫາປີ 2015 ແລະ ອັນດັບທີ່ຕໍ່າທີ່ສຸດແມ່ນ 117 ໃນເດືອນ ສິງຫາ 2011. ບານຢູໂຣໃນຄັ້ງນີ້ ພວກເຂົາອາດສ້າງຄວາມປະຫຼາດໃຈຄັ້ງໃຫຍ່ໃຫ້ກັບວົງການບານເຕະກໍ່ເປັນໄດ້

ຂອບໃຈພາບຈາກ: sofascore.com
ຂໍ້ມູນຂ່າວຈາກ: wikiwand.com, FIFA.com
 




ຂ່າວຍອດນິຍົມ 7 ວັນລ່າສຸດ