ລາຍລະອຽດຂ່າວ
ສະຖິຕິຟ້ອງ Germany ບໍ່ເຄີຍຊະນະ Italy ໃນຮອບ Knock-out
ຂຽນເມື່ອ: 02/07/2016 10:07 | ໂດຍ: ແອັດມິນ | ອ່ານ: 1373 ຄັ້ງ

     ໃນການແຂ່ງຂັນ Euro 2016 ຮອບກ່ອນຮອງຊະນະເລີດ ຄູ່ທີ 3 ເປັນການພົບກັນລະຫວ່າງແຊັມບານໂລກ 4 ສະໄໝທັງ 2 ທີມຄື Germany ພົບກັບ Italy ເຊິ່ງໃນການແຂ່ງຂັນຂອງທັງ 2 ທີມໃນຄັ້ງນີ້ ຫຼາຍຄົນຍົກໃຫ້ເປັນ ຄູ່ຊິງຊະນະເລີດຂອງ Euro ຄັ້ງນີ້ກໍ່ວ່າໄດ້ ເພາະທັງ 2 ທີມຕ່າງກໍ່ມີຂຸມກຳລັງທີ່ຄົບຊຸດ ບໍ່ວ່າຈະເປັນນັກເຕະລະດັບໂລກ ທີ່ຢູ່ພາຍໃນທີມ ແລະ ໂຄຊທີ່ເປັນເລີດດ້ວຍຝີມືການວາງເກມ, ແກ້ເກມ ແລະ ກົນລະຍຸດຕ່າງໆ. ສະນັ້ນ ຄູ່ນີ້ຮັບຮອງວ່າມັນ-ມ່ວນແນ່ນອນ ແລະ ເຮົາມາເບິ່ງສະຖິຕິ ທີ່ໜ້າສົນໃຈ ໃນການພົບກັນໃນຮອບ Knock-out ຂອງທັງ 2 ທີມກັນເລີຍ.

   Germany ເສຍໃຫ້ Italy ໃນການແຂ່ງຂັນທຸກລາຍການ ໃນຮອບ Knock-out ນັບຕັ້ງແຕ່ບານໂລກ ຮອບຮອງຊະນະເລີດປີໃນ 1970 ເປັນຕົ້ນມາ ເຊິ່ງກໍ່ເປັນເວລາເກືອບ ເຄິ່ງສະຕະວັດແລ້ວທີ່ ອິນຊີເຫຼັກ Germany ໄດ້ຮັບຄວາມພ້າຍແພ້ຈາກ ການແຂ່ງໃນຮອບ Knock-out ກັບ Italy ແລະ ພວກເຂົາກໍ່ຕ້ອງການຢຸດ ສະຖິຕິທີ່ບໍ່ດີນັ້ນ ໃນການແຂ່ງຂັນ Euro 2016 ຮອບກ່ອນຮອງຊະນະເລີດ ໃນວັນທີ 03/07/2016 ນີ້.
   ນອກຈາກບານໂລກປີ 1970 ແລ້ວ, Germany ຍັງເສຍໃຫ້ Italy ໃນການແຂ່ງຂັນບານໂລກ ຮອບຊິ່ງຊະນະເລີດໃນປີ 1982, ການແຂ່ງຂັນບານໂລກ ຮອບຮອງຊະນະເລີດໃນປີ 2006 ແລະ ການແຂ່ງຂັນ Euro 2012 ຮອບຮອງຊະນະເລີດ.

ເຮົາມາເບິ່ງຜົນສຳເລັດຂອງທັງ 2 ທີມຍັງໃຫຍ່ນີ້ໄປພ້ອມໆກັນເລີຍ.

ການແຂ່ງຂັນບານໂລກ                  
Germany ເປັນແຊັມ 4 ຄັ້ງ (Brazil ໄດ້ແຊັມຫຼາຍທີ່ສຸດຄື 5 ຄັ້ງ) ໃນປີ 1954, 1974, 1990, 2014 ແລະ ໄດ້ຮອງແຊັມ 4 ຄັ້ງ
Italy ເປັນແຊັມ 4 ຄັ້ງໃນປີ 1934, 1938, 1982, 2006 ແລະ ໄດ້ຮອງແຊັມ 2 ຄັ້ງ

ການແຂ່ງຂັນບານຢູໂຣ
Germany ເປັນແຊັມ 3 ຄັ້ງ (ຫຼາຍທີ່ສຸດ ແລະ ເທົ່າກັບ Spain) ໃນປີ 1972, 1980, 1996 ແລະ ໄດ້ຮອງແຊັມ 3 ຄັ້ງ

Italy ເປັນແຊັມ 1 ຄັ້ງໃນປີ 1968 ແລະ ຮອງແຊັມ 2 ຄັ້ງ

ອັນດັບໂລກ
Germany ອັນດັບ 4
Italy ອັນດັບ 12

 




ຂ່າວຍອດນິຍົມ 7 ວັນລ່າສຸດ