ສະຫະພັນແມ່ຍິງແຂວງຊຽງຂວາງ ໄດ້ຈັດກິດຈະກຳກິລາ ເພື່ອສະເຫຼີມສະຫຼອງວັນແມ່ຍິງສາກົນ ຄົບຮອບ 113 ປີ (8 ມີນາ 1910-8 ມີນາ 2023) ເມື່ອບໍ່ດົນມານີ້ ທີ່ສະໜາມກິລາໄຊຊະນະ ເມືອງແປກ ແຂວງຊຽງຂວາງ, ໂດຍມີ ທ່ານ ນາງ ບົວສີ ນາຖາວົງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ພ້ອມດ້ວຍຄະນະປະຈຳພັກແຂວງ, ກໍາມະການພັກແຂວງ, ຫົວໜ້າ-ຮອງຫົວໜ້າພະແນກການກົມກອງອ້ອມຂ້າງແຂວງ, ຄະນະບໍລິຫານງານສະຫະພັນແມ່ຍິງແຂວງ, ຄອບຄົວການນຳຂອງແຂວງ, ປະທານ-ຮອງປະທານສະຫະພັນແມ່ຍິງ ຕະຫຼອດຮອດສະມາຊິກສະຫະພັນແມ່ຍິງຮາກຖານ, ໜ່ວຍພະແນກການກົມກອງອ້ອມຂ້າງແຂວງ ແລະ ນັກທຸລະກິດເຂົ້າຮ່ວມຢ່າງພ້ອມພຽງ.

      ກິດຈະກຳກິລາເພື່ອຜູກແໜ້ນຄວາມສາມັກຄີຂອງບັນດາເອື້ອຍນ້ອງແມ່ຍິງ ປະກອບມີ: ກິລາດຶງເຊືອກ, ກິລາແລ່ນໄຖ່, ກິລາເຕະບານຍິງ-ຊາຍ ແລະ ກິດຈະກຳຖາມ-ຕອບ ຄວາມຮູ້ຮອບຕົວນຳອີກ.

ຂໍ້ມູນ ແລະ ພາບ: ຊຽງຂວາງ ມີໄຊ