ລາຍລະອຽດຂ່າວ
"ທີມຊາດໄທ" ເປີດບ້ານຖະຫຼົ່ມ "ມາເລເຊຍ" 3-0 ໄດ້ເຂົ້າຊີງກັບ "ຫວຽດນາມ" ເອເອຟເອຟ ຄັບ 2023!
ຂຽນເມື່ອ: 11/01/2023 09:01 | ໂດຍ: reporter | ອ່ານ: 170 ຄັ້ງ

      ທີມຊາດໄທ ສາມາດລ້າງຕາ ມາເລເຊຍ ໄດ້ສຳເລັດ ຫຼັງຈາກພາດທ່າອອກໄປເສຍກ່ອນ 0-1 ທີ່ກວາລາທລຳເປີ ໃນນັດທຳອິດ ຮອບຮອງຊະນະເລີດ ເອເອຟເອຟ ຄັບ 2023 ໂດຍໃນນັດນີ້ ທີມຊາດໄທ ໄດ້ເປີດສະໜາມທຳມະສາດ ສະເຕດ້ຽມ ຖະຫຼົ່ມ ມາເລເຊຍ ໄປແບບຂາດຮອບ 3-0​ ໂດຍໄດ້ປະຕູຈາກ ທີຣະສິນ ແດງດາ ນາທີ 19, ບໍດິນ ຜາລາ ນາທີ 55 ແລະ ອາດິສັກ ໄກສອນ ນາທີ 71 ເຮັດໃຫ້ທີມຊາດໄທໄດ້ສິດເຂົ້າໄປຊີງຊະນະເລີດກັບທີມຊາດຫວຽດນາມ ໂດຍນັດທຳອິດ ຈະແຂ່ງຂັນທີ່ປະເທດຫວຽດນາມ ໃນວັນທີ 13 ມັງກອນ ແລະ ນັດທີສອງ ຈະກັບມາເຕະທີ່ປະເທດໄທ ໃນວັນທີ 16 ມັງກອນ 2023.

ໂດຍ: ປັ່ນໂຄ້ງ