ລາຍລະອຽດຂ່າວ
ແຟນບານລາວວ່າແນວໃດ ໂຄຊ ເລໂອນາໂດ້ ວິໂຕຣິໂນ້(Leonardo Vitorino) ອາດີດຄູຝຶກສະໂມສອນ ລ້ານຊ້າງ ຢູໄນເຕັດ ສົນໃຈຄຸມທີມຊາດລາວ
ຂຽນເມື່ອ: 09/12/2021 18:12 | ໂດຍ: ເພຣເມັກເກີ | ອ່ານ: 1080 ຄັ້ງ

      ພໍແຕ່ຈົບການແຂ່ງຂັນ ຄູ່ລະຫວ່າງ ທີມຊາດລາວ ເສຍໃຫ້ ທີມຊາດ ມາເລເຊຍ 0-4 ໂຄຊ ເລໂອນາໂດ້ ວິໂຕຣິໂນ້ (Leonardo Vitorino) ໄດ້ສົ່ງຂໍ້ຄວາມຫາ ທີມຂ່າວ Lao sport news.

     ໂດຍ ເນື້ອໃນການສົນທະນາ ໂຄຊ ເລໂອນາໂດ້ ບອກວ່າ ຂ້ອຍລໍຖ້າ ໂອກາດທີ່ຈະໄດ້ຄຸມທີມຊາດ, ຂ້ອຍຄິດຮອດປະເທດລາວ, ຂ້ອຍມີຄວາມຊົງຈຳດີໆ​ຢູ່ລາວ. ຂ້ອຍຫວັງວ່າມື້ໜຶ່ງຂ້ອຍຈະໄດ້ກັບໄປເປັນຫົວໜ້າຄູຝຶກຂອງທີມຊາດລາວ, ຂ້ອຍພຽງແຕ່ ລໍຖ້າສະຫະພັນຕິດຕໍ່ຫາຂ້ອຍ. ພວກເຮົາພ້ອມໃຈກັນເພື່ອເຮັດໃຫ້ວົງການເຕະບານລາວດີຂຶ້ນ.

      ສຳລັບຜົນງານຂອງ ເລໂອນາໂດ້ ວິໂຕຣິໂນ້ ນຳພາທີມລ້ານຊ້າງຢູໄນເຕັດ ຄວ້າແຊ້ມລາວພຣີເມຍລີກ ແລະ ພາທີມລ້ານຊ້າງສ້າງປະຫວັດສາດໃຫ້ວົງການບານເຕະລາວໂດຍເຂົ້າຮອບຊີງຊະນະເລີດ ລາຍການ ໂຕໂຢຕ້າແມ່ຂອງຄັບ ໃນປີ 2016

ຂ່າວໂດຍ: ນັກຂ່າວເງົາ