ລາຍລະອຽດຂ່າວ
ນັກກິລາລາວຫວັງທຳລາຍສະຖິຕິຕົນເອງໃນ ໂອແລັມປິກ ເພື່ອຕໍ່ຍອດກຽມລຸຍຊີເກມ
ຂຽນເມື່ອ: 02/06/2021 15:06 | ໂດຍ: ເພຣເມັກເກີ | ອ່ານ: 627 ຄັ້ງ

      ສໍາລັບການແຂ່ງຂັນ ກິລາໂອແລັມປີ 2020 ທີ່ຖືກເລື່ອນການແຂ່ງຂັນເນື່ອງຈາກຜົນກະທົບຈາກການແຜ່ລະບາດຂອງພະຍາດໂຄວິດ 19 ນັ້ນ, ໄດ້ມີແຜນທີ່ຈະ ເປີດສາກການແຂ່ງຂັນຢ່າງເປັນທາງການໃນວັນທີ 23/07/2021 ນີ້(ຍັງຕ້ອງໄດ້ລຸ້ນກັນຈົນຮອດມື້ສຸດທ້າຍ) ທາງນັກກິລາຕົວແທນຂອງ ສປປ ລາວພວກເຮົາກໍ່ຈະໄດ້ສົ່ງຕົວແທນທີມຊາດ 6 ຄົນເຂົ້າຮ່ວມປະກອບດ້ວຍ

  1. ທ້າວ ວໍເຕີ ສານ້ອຍ ອຸປະຖານາ ນັກກິລາມວຍສາກົນ
  2.  ທ້າວ ອານຸສອນ ໄຊາ ນັກກິລາ ແລ່ນ-ລານ
  3. ນາງ ສິລິນາ ພະອາໄພ ນັກກິລາ ແລ່ນ-ລານ
  4. ທ້າວ ສັນຕິສຸກ ອິນທະວົງ ນັກກິລາ ລອຍນ້ຳ
  5. ນາງ ສິລິອາລຸນ ບຸດຈະເລີນ ນັກກິລາ ລອຍນ້ຳ
  6. ທ້າວ ສຸກພະໄຊ ສິດທິສານ ນັກກິລາ ຢູໂດ

ເຊິ່ງປະຈຸບັນທັງ 6 ຄົນ ແມ່ນໄດ້ເກັບຕົວຝຶກຊ້ອມຢ່າງໜັກເພື່ອກຽດສັກສີຂອງນັກກິລາວພວກເຮົາດັ່ງບາງຕອນຂອງບົດສຳພາດລຸ່ມນີ້G

      ນາງ ສີລິອາລຸນ ບຸດຈະເລີນ ກິລາ ລອຍນ້ຳ  ຕອນນີ້້ແມ່ນມີຄວາມພ້ອມພໍສົມຄວນ ປະຈຸບັນໄດ້ມີການເກັບໂຕຢູ່ທີ່ສູນເຝິກກິລາແຫ່ງຊາດ ໃນການໄປແຂ່ງຂັນກິລາໂອລິມປິກໃນຄັ້ງນີ້ ແມ່ນນ້ອງໄດ້ຕັ້ງເປົ້າຫມາຍຄືເຮັດເວລາໃຫ້ດີທີ່ສຸດ ຫວັງທີ່ຈະທຳລາຍສະຖິຕິຂອງຕົນເອງໃຫ້ໄດ້. ຫຼັງຈາກເຂົ້າຮ່ວມໂອແລັມປີກແລ້ວນ້ອງກໍ່ຈະສືບຕໍ່ເກັບຕົວເພື່ອກະກຽມເຂົ້າຮ່ວມ ຊີເກມ ທີ່ປະເທດຫວຽດນາມໃນທ້າຍປີນີ້ໂດຍມີການຕັ້ງເປົ້າໄວ້ວ່າຈະສາມາດເປັນຫນື່ງໃນນັກກິລາທີ່ສາມາດຜ່ານເຂົ້າໄປໃນຮອບຊີງຊະນະເລີດ

      ທ້າວ ສຸກພະໄຊ ນັກກິລາ ຢູໂດ ປະຈຸບັນແມ່ນຊ້ອມຢູ່ ະຫາວິທະຍາໄລເທັນລິ(ປະເທດຍິປຸ່ນ) ສຳລັບເປົ້າຫມາຍໃນການເຂົ້າຮ່ວມ ໂອແລັມປິກແມ່ນ ຢາກຈະຕິດ 1 ໃນ 3 ເຊິ່ງນ້ອງເອງແມ່ນລົງແຂ່ງຂັນໃນລຸ້ນ -60 ກິໂລ, ສໍາລັບການເຂົ້າຮ່ວມແຂ່ງຂັນກິລາຊີເກມນັ້ນແມ່ນຕັ້ງເປົ້າເອົ້າ ຫຼຽນຄໍາ.

      ທ້າວສັນຕິສຸກ ອິນທະວົງ ນັກກິລາລອຍນ້ຳ ຕອນນີ້ຂ້າໄດ້ເກັບໂຕເຝິກຊ້ອມທີ່ສູນເຝິກກິລາແຫ່ງຊາດລາວ, ຂ້າພະເຈົ້າໄດ້ແບ່ງການເຝິກຊ້ອມອອກເປັນສາມຕອນຕໍ່ມື້ຄື:
- ຕອນເຊົ້າເວລາ 5:30 - 7:30 ແມ່ນແລ່ນ2ກິໂລແມັດແລ້ວເຝິກຫັດກາຍ.
- ຕອນບ່າຍເວລາ 1:00 - 3:00 ແມ່ນເຝິກຊ້ອມລອຍນ້ຳ 3-5 ກິໂລແມັດ.
-ຕອນແລງເວລາ6:00 - 7:00 ແມ່ນເຂົ້າຫ້ອງGYM(Fitness)
       ເປົ້າໝາຍໃນການເຂົ້າຮ່ວມໂອແລັມປິກກໍ່ຄືທໍາລ້າຍສະຖິຕິຂອງປະເທດ, ພ້ອມທັງເອົາຊະນະນັກກິລາທີ່ມາຈາກທົ່ວໂລກໃຫ້ໄດ້ຫລາຍທີ່ສຸດ ແລະ ຈະພາຍາຍາມຕິດ 1 ໃນ 3 ຂອງຮອບຂັດເລືອກ ສ່ວນເປົ້າໝາຍໃນຊີເກມແມ່ນຈະພາຍາຍາມຍາດເອົາຫລຽນໃດຫລຽນໜຶ່ງໃຫ້ປະເທດລາວເຮົາ.

      ສຳລັບກິລາແລ່ນ-ລານ ໄດ້ມີການເລີ່ມເກັບໂຕຝຶກຊ້ອມຕັ້ງແຕ່ຕົ້ນປີ 2021 ເປັນຕົ້ນມາຈົນຮອດມື້ເດີນທາງໄປແຂ່ງຂັນ ໂດຍມີນັກກິລາແລ່ນ-ລານ 2 ຄົນ ຄື ທ້າວ ອານຸສອນ ໄຊສາ ນັກກິລາແລ່ນຂ້າມຮົ້ວ110 ແມັດ ແລະ ນາງ ສິລິນາ ພະອາໄພ ນັກກິລາແລ່ນ 100 ແມັດ ໂດຍຕັ້ງເປົ້າໃນການເຂົ້າຮ່ວມໂອແລັມປິກແມ່ນ ທຳລາຍສະຖິຕິຕົນເອງ ຫຼັງຈາກສຳເລັດການແຂ່ງຂັນໂອແລມປິກແລ້ວນັກກິລາທັງສອງຄົນແມ່ນຈະໄດ້ກັບຄືນມາເກັບຕົວຕໍ່ເຊິ່ງຈະໄດ້ກຽມເຂົ້າຮ່ວມແຂ່ງຂັນຊີເກມ ເຊິ່ງອານຸສອນ ໄຊສາ ຫວັງຄວ້າຫຼຽນໃດຫຼຽນ 1 ເຊິ່ງໃນຊີເກມຄັ້ງຜ່ານມາຜູ້ກ່ຽວກໍ່ສາມາດຄ້າໄດ້ 1 ຫຼຽນທອງ

       ທ້າວ ວໍເຕີ ສານ້ອຍ ອຸປະຖານາ ນັກກິລາມວຍສາກົນ ຫາກໍ່ສຳເລັດການເຂົ້າຮ່ວມແຂ່ງຂັນ the 2021 Asia Boxing Championships ຢູ່ທີ່ເມືອງດູໄບ ປະເທດສະຫະລັດອາຣັບເອັມເມີເຣດ, ປະຈຸບັນແມ່ນໄດ້ເກັບຕົວຢູ່ປະເທດລາວ

ຂ່າວໂດຍ: ນັກຂ່າວເງົາ




ຂ່າວຍອດນິຍົມ 7 ວັນລ່າສຸດ