ລາຍລະອຽດຂ່າວ
ພິທີຖະແຫຼງຂ່າວການຮ່ວມມືກັນລະຫວ່າງສະຫະພັນບານເຕະແຫ່ງຊາດລາວ(ສຕລ) ກັບ ບໍລິສັດ mktg sport agency
ຂຽນເມື່ອ: 01/06/2021 15:06 | ໂດຍ: ເພຣເມັກເກີ | ອ່ານ: 548 ຄັ້ງ

      ໃນຕອນບ່າຍຂອງມື້ນີ້ ວັນທີ 01 ມີຖຸນາ 2021ໄດ້ມີພິທີຖະແຫຼງຂ່າວການຮ່ວມມືກັນລະຫວ່າງສະຫະພັນບານເຕະແຫ່ງຊາດລາວ(ສຕລ) ກັບ ບໍລິສັດ mktg sport agency ດ້ວຍຮູບແບບຜ່ານລະບົບ ອອນລາຍ, ໃຫ້ກຽດເຂົ້າຮ່ວມໃນພິທີດັ່ງກ່າວ ໂດຍ ທ່ານ ວີເພັດ ສີຫາຈັກຣ ປະທານ ສຕລ, ທ່ານ ນາງ ກັນຍາ ແກ້ວມະນີ ເລຂາທິການ ສຕລ, ທ່ານ ປອ ໄຊບັນດິດ ຣາຊພົນ ຜູ້ອຳນວຍການໃຫຍ່ ບໍລິສັດ mktg, ທ່ານ ມະໂນ ຍູວັນນະສັກ ຜູ້ອໍານວຍການຝ່າຍປະຕິບັດງານຂອງບໍລິສັດ mktg ພ້ອມດ້ວຍ ພະນັກງານຂອງ ສຕລ ແລະ ສື່ມວນຊົນເຂົ້າຮ່ວມ.

       ການຮ່ວມມືກັນໃນຄັ້ງນີ້ mktg ເປັນບໍລິສັດການຕະຫຼາດທາງດ້ານກິລາ, ທີ່ຈະມາເພີ່ມມູນຄ່າ ແລະ ແນະນຳອຸປະກອນເຄື່ອງໃຊ້ກິລາປະຈຳວັນອັນທັນສະໄໝຢູ່ໃນ ສປປ ລາວ, ເຊິ່ງເປັນບໍລິສັດທີ່ເກີດຈາກຜູ້ທີ່ມີປະສົບການການເຮັດການຕະຫຼາດທັງລະດັບຊາດ ແລະ ລະດັບສາກົນມາແລ້ວ ຈະເຂົ້າມາຮັບຜິດຊອບວຽກງານການຕະຫຼາດໃຫ້ກັບ ສຕລ, ໂດຍມີເປົ້າໝາຍຄືການ ສ້າງຮູບແບບການຕະຫຼາດໃຫ້ທັນສະໄໝ, ແທດເໝາະກັບການປ່ຽນແປງໃນປະຈຸບັນ, ສ້າງໃຫ້ແຟນກິລາໄດ້ເຫັນເຖິງຄວາມເປັນມາຂອງນັກກິລາ, ແລະ ໃຫ້ເຫັນໄດ້ຮີໂຣທາງການກິລາ, ສ້າງຄວາມນິຍົມ ແລະເພີ່ມຍອດການຕິດຕາມຂອງແຟນບານໃຫ້ຫຼາຍຂຶ້ນດ້ວຍຮູບແບບທີ່ເປັນເອກະລັກຂອງລາວ.

       ທີ່ຜ່ານມາ mktg ກໍ່ໄດ້ ເປັນ ຕົວແທນໃຫ້ກັບນັກກິລາຫຼາຍຄົນ ບໍ່ວ່າຈະເປັນນັກມວຍ, ນັກກິລາລົດຖີບ…ພ້ອມທັງໄດ້ມີການຊັນສັນຍາຮ່ວມມືກັບ ສະຖາບັນໂຢຮານ ຄຣາບ Johan Cruyff Institute ຈາກປະເທດຮອນແລນ ທີ່ເປັນສະຖາບັນທີ່ເປີດສອນກ່ຽວກັບກິລາບານເຕະ, ນອກຈາກນີ້ mktg ຍັງເປັນ ຜູ້ທີ່ໄດ້ຮັບລິຂະສິດການຖ່າຍທອດສົດ ບານເຕະລາຍການ Suzuki Cup, UEFA Champions League, Europa League ແລະ UEFA Conference League




ຂ່າວຍອດນິຍົມ 7 ວັນລ່າສຸດ