ລາຍລະອຽດຂ່າວ
ເບສບອນ ຊີງຂັນສະຖານທູດ ເກົາຫຼີ ຄັ້ງທີ 1 ຈະເປີດສາກເສົານີ້ 
ຂຽນເມື່ອ: 09/01/2021 08:01 | ໂດຍ: ເພຣເມັກເກີ | ອ່ານ: 227 ຄັ້ງ

         ການແຂ່ງຂັນກິລາເບສບອນລີກ ຊີງຂັນທ່ານເອກອັກຄະລັດຖະທູດ ສ ເກົາຫຼີ ປະຈຳສປປ ລາວ ປະຈຳປີ 2021 ຫຼື The First Korea Ambassador’s Cup 2021 ເພື່ອເປັນການສົ່ງເສີມນັກກິລາຮຸ່ນສືບທອດສາມາດກ້າວຂຶ້ນມາຮັບໃຊ້ທີມຊາດ ໃນອະນາຄົດ ຈະເປີດສາກແຂ່ງຂັນໃນວັນທີ 9 ມັງກອນນີ້ ທີ່ສະໜາມກິລາເບສບອນແຫ່ງຊາດລາວ (ຫຼັກ16) ເພື່ອເປັນການສ້າງໂອກາດໃຫ້ນັກກິລາເບສບອນລາວ ໄດ້ນຳໃຊ້ພິບໄຫວ ແລະ ເຕັກນິກທີ່ໄດ້ຮຽນມາເຂົ້າແຂ່ງຂັນຕົວຈິງ ສາມາດຄັດເລືອກໄດ້ນັກກິລາດີເດັ່ນກຽມເປັນຕົວແທນທີມຊາດລາວ ເຂົ້າຮ່ວມແຂ່ງຂັນລະດັບພາກພື້ນ, ອານຸພາກພື້ນ ແລະ ສາກົນໃນອະນາຄົດ.

          ອີງຕາມຂໍ້ມູນຈາກເພັສບຸກຂອງສະຫະພັນເບສບອນແຫ່ງຊາດລາວ ແຈ້ງໃຫ້ຮູ້ວ່າ: ສະຫະພັນເບສບອນແຫ່ງຊາດລາວ ຮ່ວມກັບກະຊວງສຶກສາທິກາ ນແລະ ກິລາ ຈະຈັດການແຂ່ງຂັນກິລາເບສບອນລີກ ຊີງຂັນທ່ານເອກອັກຄະລັດຖະທູດ ສ ເກົາຫຼີ ປະຈຳສປປ ລາວ ປະຈຳປີ 2021 ຫຼື The First Korea Ambassador’s Cup 2021 ເພື່ອເປັນການສົ່ງເສີມນັກກິລາຮຸ່ນສືບທອດສາມາດກ້າວຂຶ້ນມາຮັບໃຊ້ທີມຊາດ ໃນອະນາຄົດ ຈະເປີດສາກແຂ່ງຂັນໃນວັນທີ 9 ມັງກອນນີ້ ທີ່ສະໜາມກິລາເບສບອນແຫ່ງຊາດລາວ (ຫຼັກ16) ເມືອງໄຊທານີ ນະຄອນຫຼວງວຽງຈັນ ເພື່ອເປັນການສ້າງໂອກາດໃຫ້ນັກກິລາເບສບອນລາວ ໄດ້ນຳໃຊ້ພິບໄຫວ ແລະ ເຕັກນິກທີ່ໄດ້ຮຽນມາເຂົ້າແຂ່ງຂັນຕົວຈິງ ສາມາດຄັດເລືອກໄດ້ນັກກິລາດີເດັ່ນກຽມເປັນຕົວແທນທີມຊາດລາວ ເຂົ້າຮ່ວມແຂ່ງຂັນລະດັບພາກພື້ນ, ອານຸພາກພື້ນ ແລະ ສາກົນໃນອະນາຄົດ.

          ທ່ານ ອິມມູຮົງ ເອກອັກຄະລັດຖະທູດ ສ ເກົາຫຼີ ປະຈຳສປປ ລາວ ກໍໄດ້ສະແດງຄວາມຍິນດີຕ້ອນຮັບຕໍ່ບັນດານັກກິລາເບສບອນທຸກຄົນ ທີ່ເຂົ້າຮ່ວມແຂ່ງຂັນກິລາເບສບອນ ຊີງຂັນທ່ານເອກອັກຄະລັດຖະທູດ ສ ເກົາຫຼີ ປະຈຳສປປ ລາວ ຄັ້ງທີ 1 ກິລາເບສບອນ ເກີດຂຶ້ນຄັ້ງທຳອິດ ຢູ່ ສ ເກົາຫຼີ ໃນຕົ້ນສະຕະວັດທີ 20 ໂດຍແມ່ນນັກສອນສາສະນາຄິສຕຽນ ຊາວຕາເວັນຕົກ ເປັນຜູ້ສ້າງຕັ້ງຂຶ້ນມາ ຊຶ່ງມາຮອດມື້ນີ້ ເບສບອນ ໄດ້ກາຍເປັນກິລາປະເພດໜຶ່ງທີ່ໄດ້ຮັບຄວາມນິຍົມຢ່າງກວ້າງຂວາງ ຈາກບັນດາພໍ່ແມ່ປະຊາຊົນໃນປະເທດເກົາຫຼີ ປັດຈຸບັນສັງຄົມເກົາຫຼີ ກິລາເບສບອນ ຖືເປັນກິລາທີ່ສ້າງຄວາມໄຝ່ຝັນ ແລະ ຄວາມມຸ້ງຫວັງໃຫ້ແກ່ກຸ່ມຄົນໄວໜຸ່ມ ແລະ ສ້າງຄວາມຊົງຈຳທີ່ດີ ແລະ ຄວາມມ່ວນຊື່ນແບບພິເສດ ໃຫ້ແກ່ຄົນຊົນຊັ້ນໄວກາງ ນອກນັ້ນ ກິລາເບສບອນ ກໍຍັງເປັນກິລາທີ່ເປັນສັນຍາລັກແຫ່ງການຮ່ວມມືຂອງຄົນຮຸ່ນໃໝ່ ລະຫວ່າງ ສ.ເກົາຫຼີ ແລະ ສປປ ລາວ ໃນສະເພາະໜ້າ ກິລາເບສບອນ ໄດ້ກຳເນີດຂຶ້ນໃນສປປ ລາວ ໂດຍຄູຝຶກເບສບອນ ລີມັນຊູ ຈາກ ສ. ເກົາຫຼີ ແລະ ໄດ້ຮັບການສະໜັບສະໜູນຈາກບັນດາບໍລິສັດ ເກົາຫຼີ ທີ່ມາດຳເນີນທຸລະກິດຢູ່ ສປປ ລາວ ໂດຍໄດ້ສ້າງສະໂມສອນ ເບສບອນ ຢູ່ລາວ ຄັ້ງທຳອິດ ເມື່ອປີ 2013. ຫຼັງຈາກນັ້ນ, ທາງສະຫະພັນເບສບອນແຫ່ງຊາດ ສ ເກົາຫຼີ ແລະ ອົງການຮ່ວມມືສາກົນ ແຫ່ງສາທາລະນະລັດ ເກົາຫຼີ ຫຼື ກອຍກ້າ ໄດ້ໃຫ້ການຊ່ວຍເຫຼືອອຸປະກອນກິລາ ພ້ອມທັງສົ່ງອາສາສະມັກ ເກົາຫຼີ ມາເປັນຄູຝຶກໃຫ້ແກ່ສປປ ລາວ ສຸດທ້າຍສະຫະພັນເບສບອນແຫ່ງຊາດ ຈຶ່ງໄດ້ຮັບການສ້າງຕັ້ງຂຶ້ນ ຢ່າງເປັນທາງການໃນປີ 2017.

       ພາຍໃຕ້ການຊີ້ນຳນຳພາການຝຶກຊ້ອມ ຂອງສະຫະພັນເບສບອນແຫ່ງຊາດລາວ ຮ່ວມກກັບກະິຊວງສຶກສາທິກາ ນ ແລະ ກິລາ ມາຮອດປັດຈຸບັນສາມາດສ້າງນັຜກກິລາເບສບອນໄດ້ເຖິງ 120 ກວ່າຄົນ ຈາກ 6 ສະໂມສອນ ແລະ ປີກ່ອນນັ້ນ ກໍສາມາດຈັດການແຂ່ງຂັນກິລາເບສບອນມິດຕະພາບ ລາວ-ເກົາຫຼີ ຂຶ້ນ ຢູ່ທີ່ນະຄອນຫຼວງວຽງຈັນ ໂດຍມີທີມນັກກິລາເບສບອນລາວ ພ້ອມດ້ວຍທີມແຂ່ງຂັນຈາກ ສ ເກົາຫຼີ  ແລະ ບັນດາສະມາຄົມເບສບອນເກົາຫຼີ ຢູ່ປະເທດອ້ອມຂ້າງ ກໍໄດ້ເຂົ້າຮ່ວມແຂ່ງຂັນ ພິເສດໃນປີ 2019 ກໍຍັງໄດ້ຈັດງານແຂ່ງຂັນກິລາເບສບອນ ຊີງຂັນ ກ້ອຍກ້າ ໂດຍເຮັດໃຫ້ກິລາເບສບອນລາວ ໄດ້ຮັບການພັດທະນາຢ່າງຕໍ່ເນື່ອງ. ໃນປີນີ້ສະຖານເອກອັກຄະລັດຖະທູດ ສ ເກົາຫຼີ ປະຈຳສປປ ລາວ ກໍໄດ້ສືບຕໍ່ຈັດແຂ່ງຂັນກິລາເບສບອນ ຊີງຂັນທ່ານເອກອັກຄະລັດຖະທູດ ສ ເກົາຫຼີ ປະຈຳສປປ ລາວ ຂຶ້ນເປັນຄັ້ງທຳອິດ ແລະ ລາຍການນີ້ ຈະເປັນເວທີໃຫ້ແກ່ບັນດານັກກິລາເບສບອນລາວ ກ້າສະແດງອອກດ້ານຄວາມສາມາດຂອງບຕົນ ໄດ້ມີໂອກາດສ້າງຄວາມໄຝ່ຝັນ ພ້ອມທັງຈະປະກອບສ່ວນເຂົ້າໃນການເສີມສ້າງສາຍພົວພັນການຮ່ຍວມມືມິດຕະພາບ ລະຫວ່າສງສອງປະເທດໃຫ້ເຕີບໃຫຍ່ຂະຫຍາຍຕົວຂຶ້ນເລື້ອຍໆ ແລະ ເຊື່ອວ່າ ຍັງຈະສົ່ງເສີມໃຫ້ນັກກິລາເບສບອນລາວ ໄດ້ນຳໃຊ້ພິບໄຫວ ແລະ ເຕັກນິກທີ່ໄດ້ຮຽນມາເຂົ້າແຂ່ງຂັນຕົວຈິງ ສາມາດຄັດເລືອກໄດ້ນັກກິລາຜູ້ທີ່ມີພອນສະຫວັນດີເດັ່ນກ້າວຂຶ້ນເປັນຕົວແທນທີມຊາດລາວ ເຂົ້າຮ່ວມແຂ່ງຂັນລະດັບພາກພື້ນ, ອານຸພາກພື້ນ ແລະ ສາກົນໃນອະນາຄົດ ຈຳນວນຫຼວງຫຼາຍອີກດ້ວຍ.

       ລາຍການນີ້, ຈະດຳເນີນລະຫວ່າງວັນທີ 9 ມັງກອນ ຫາ 27 ກຸມພາ 2021 ຊຶ່ງມີທີມເຂົ້າຮ່ວມແຂ່ງຂັນທັງໝົດ 6 ທີມ, ໃນນັ້ນ ທີມຊາຍມີ 3 ທີມ ແລະ ທີມຍິງມີ 3 ທີມ ທັງສອງປະເພດດັ່ງກ່າວ ແມ່ນມາຈາກ 3 ສະໂມສອນ ກໍຄື   ມສ ວຽງຈັນ, ລາວເຈບຣາເທີ ແລະ ມິຣາໂຄ ທັງສອງປະເພດດັ່ງກ່າວຈະແຂ່ງຂັນໃນລະບົບແບບລີກ ແຂ່ງຂັນມີຮອບຂາໄປ-ຂາກັບ ກຳນົດມື້ແຂ່ງຂັນສະເພາະແຕ່ວັນເສົາ-ອາທິດ ເລີ່ມເວລາ 12:00 ຫາ 16:00 ໂມງ ເປັນຕົ້ນໄປ ທີ່ສະໜາມກິລາເບສບອນແຫ່ງຊາດ (ຫຼັກ16) ງານນີ້ເຂົ້າຮ່ວມຊົມ-ເຊຍຟຣີ.  

         ໂດຍ: ປາກກາຄຳ

 




ຂ່າວຍອດນິຍົມ 7 ວັນລ່າສຸດ