ລາຍລະອຽດຂ່າວ
ທ້າຍເດືອນນີ້ຈະເປີດສາກການແຂ່ງຂັນແລ່ນ-ລານ ທົ່ວປະເທດ ປະຈໍາປີ 2021
ຂຽນເມື່ອ: 07/01/2021 10:01 | ໂດຍ: ເພຣເມັກເກີ | ອ່ານ: 422 ຄັ້ງ

      ສະຫະພັນແລ່ນ-ລານແຫ່ງຊາດລາວ ຮ່ວມມືກັບ ກະຊວງສຶກສາທິການ ແລະ ກີລາ ກຽມຈັດການແຂ່ງຂັນກິລາແລ່ນ-ລານ ທົ່ວປະເທດ ປະຈໍາປີ 2021 ຈະເປີດສາກຂຶ້ນ ໃນລະຫວ່າງວັນທີ 28-30 ມັງກອນນີ້ ທີ່ສະຖາບັນກິລາ-ກາຍະກໍາ ( ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ ) ຊຶ່ງລາຍການດັ່ງກ່າວ ມີການຊີງໄຊກັນເຖິງ 41 ລາຍການ ເພື່ອເປັນການກະກຽມຄວາມພ້ອມ ກໍຄື ບັນດາກະຊວງ, 1 ນະຄອນຫຼວງວຽງຈັນ ແລະ 17 ແຂວງ ໃນຂອບເຂດທົ່ວປະເທດ ເຂົ້າຮ່ວມແຂ່ງຂັນງານມະຫະກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຮັບກຽດເປັນເຈົ້າພາບ ຈະຈັດຂຶ້ນໃນມໍ່ໆນີ້.​

       ອີງຕາມການແຈ້ງການຂອງ ສະຫະພັນແລ່ນ-ລານແຫ່ງຊາດລາວ ຜ່ານເພັສບຸກທາງການຂອງສະຫະພັນແລ່ນ-ລານແຫ່ງຊາດລາວ ເມື່ອທ້າຍອາທິດທີ່ຜ່ານມາແຈ້ງໃຫ້ຮູ້ວ່າ: ໃນລະຫວ່າງວັນທີ 28-30 ມັງກອນນີ້ ທີ່ສະຖາບັນກິລາ-ກາຍະກໍາ ( ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ ) ຈະໄດ້ມີການແຂ່ງຂັນກິລາແລ່ນ-ລານ ທົ່ວປະເທດ ປະຈໍາປີ 2021 ເພື່ອເປັນການສ້າງຂະບວນການສະເຫຼີມສະຫຼອງວັນສຳຄັນຕ່າງໆຂອງຊາດ ເວົ້າລວມ, ເວົ້າສະເພາະແມ່ນ ຊົມເຊີຍວັນຊາດທີ 2 ທັນວາ ຄົບຮອບ 45 ປີ ແລະ ວັນຄ້າຍວັນເກີດທ່ານປະທານ ໄກສອນ ພົມວິຫານ ຄົບຮອບ 100 ປີ ນອກນັ້ນ ກໍຍັງເປັນການກະກຽມຄວາມພ້ອມໃຫ້ແກ່ບັນດາພາກສ່ວນ, ກະຊວງ, 1 ນະຄອນຫຼວງວຽງຈັນ ແລະ 17 ແຂວງ ໃນຂອບເຂດທົ່ວປະເທດ ເພື່ອກຽມຄວາມພ້ອມເຂົ້າຮ່ວມແຂ່ງຂັນງານມະຫະກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຮັບກຽດເປັນເຈົ້າພາບ ຈະຈັດຂຶ້ນໃນມໍ່ໆນີ້ອີກດ້ວຍ.​

      ການແຂ່ງຂັນຕະຫຼອດໄລຍະ 3 ໃນລາຍການດັ່ງກ່າວ ຈະມີການຊີງໄຊກັນເຖິງ 41 ລາຍການ ປະກອບມີ ປະເພດລານ ມີຄື ຊຸກນໍ້າໜັກ ເຍົາວະຊົນຍິງ-ຊາຍ, ຊຸກນໍ້າໜັກ ທົ່ວໄປຍິງ-ຊາຍ, ຊັດຫຼາວ ເຍົາວະຊົນຍິງ-ຊາຍ ແລະ ຊັດຫຼາວ ທົ່ວໄປຍິງ-ຊາຍ ສ່ວນປະເພດແລ່ນ ກໍມີ ແລ່ນ 100 ແມັດ ເຍົາວະຊົນຍິງ-ຊາຍ, ແລ່ນ 100 ແມັດ ທົ່ວໄປຍິງ-ຊາຍ, ແລ່ນ 200 ແມັດ ເຍົາວະຊົນຍິງ-ຊາຍ, ແລ່ນ 200 ແມັດ ທົ່ວໄປຍິງ-ຊາຍ, ແລ່ນ 400 ແມັດຂ້າມຮົ້ວ ເຍົາວະຊົນຍິງ-ຊາຍ, ແລ່ນ 400 ແມັດຂ້າມຮົ້ວ ທົ່ວໄປຍິງ-ຊາຍ, ແລ່ນ 400 ແມັດ ເຍົາວະຊົນຍິງ-ຊາຍ, ແລ່ນ 400 ແມັດ ທົ່ວໄປຍິງ-ຊາຍ, ເຕັ້ນຍາວ ເຍົາວະຊົນຍິງ-ຊາຍ, ເຕັ້ນຍາວ ທົ່ວໄປຍິງ-ຊາຍ, ເຕັ້ນ 3 ກ້າວ ເຍົາວະຊົນຍິງ-ຊາຍ, ແລ່ນ 800 ແມັດ ເຍົາວະຊົນຍິງ-ຊາຍ, ແລ່ນ 800 ແມັດ ທົ່ວໄປຍິງ-ຊາຍ, ຍ່າງ 3.000 ແມັດຍິງ, ຍ່າງ 5.000 ແມັດ ເຍົາວະຊົນຍິງ-ຊາຍ, ແລ່ນ 4X100 ແມັດ ປະສົມ ເຍົາວະຊົນຍິງ-ຊາຍ ແລະ ແລ່ນ 4X100 ແມັດ ປະສົມ ທົ່ວໄປຍິງ-ຊາຍ

ໂດຍ: ປາກກາຄຳ

 




ຂ່າວຍອດນິຍົມ 7 ວັນລ່າສຸດ