ລາຍລະອຽດຂ່າວ
ໜຸ່ມລາວເດີນອາກາດ ແລະ  ສາວແຂວງຈຳປາສັກ ຄອງແຊ໋ມບານສົ່ງຫາດຊາຍ ທົ່ວປະເທດ ປະຈຳປີ 2020
ຂຽນເມື່ອ: 14/12/2020 13:12 | ໂດຍ: ເພຣເມັກເກີ | ອ່ານ: 221 ຄັ້ງ

        ທີມນັກກິລາບານສົ່ງຫາດຊາຍ ຈາກລັດວິສາຫະກິດ ລາວເດີນອາກາດ ຫຼື ລາວສະກາຍເວ ທີມ2 ສາມາດປ້ອງກັນແຊ໋ມເປັນສະໄໝທີ 2 ຕິດຕໍ່ກັນ ຂະນະທີ່ ສາວບານສົ່ງຫາດຊາຍ ແຂວງຈຳປາສັກ ສາມາດແຈ້ງເກີດໃນວົງການກິລາດັ່ງກ່າວ ໃນການແຂ່ງຂັນກິລາບານສົ່ງຫາດຊາຍ ທົ່ວປະເທດ ຄັ້ງທີ lll ຊີງຂັນປະທານສະຫະພັນບານສົ່ງແຫ່ງຊາດລາວ ຫຼື ສບສ ປະຈຳປີ 2020 ເພື່ອສ້າງຂະບວນການສະເຫຼີມສະຫຼອງວັນສຳຄັນຕ່າງໆຂອງຊາດ ເວົ້າລວມ, ເວົ້າສະເພາະແມ່ນວັນຊາດທີ 2 ທັນວາ ຄົບຮອບ 45 ປີ . ​

          ພິທີປິດການແຂ່ງຂັນຄັ້ງນີ້ ໄດ້ມີຂຶ້ນ ເມື່ອວັນທີ 13 ທັນວາ ຜ່ານມາ ທີ່ສະໜາມກິລາບານສົ່ງຫາດຊາຍ ກອງທັບ (ຫຼັກ5) ບ້ານຈອມມະນີ ເມືອງໄຊເຊດຖາ ນະຄອນຫຼວງວຽງຈັນ ໃຫ້ກຽດເຂົ້າຮ່ວມ ແລະ ມອບລາງວັນຂອງທ່ານ ກະເສມ ອິນທະລາ ຮອງປະທານຄະນະກຳມະການໂອແລມປີກແຫ່ງຊາດລາວ, ທ່ານ ນາງ ພູໄຊ ແພງພົງ ຮອງຫົວໜ້າກົມກິລາລະດັບສູງ ແລະ ທ່ານ ຈັນສະໝອນ ຜ່ອງຈັນທາ ປະທານສະຫະພັນບານສົ່ງແຫ່ງຊາດລາວ ທັງເປັນຜູ້ອຳນວຍການຝ່າຍການຕະຫຼາດ ບໍລິສັດ ເບຍລາວ ຈຳກັດ ພ້ອມດ້ວຍຄະນະບໍລິຫານງານ ສບສ, ຜູ້ໃຫ້ການສະໜັບສະໜູນ ຕະຫຼອດຮອດກອງເຊຍ ແລະ ສື່ມວນຊົນເຂົ້າຮ່ວມຫຼາຍຮ້ອຍຄົນ.

        ໂອກາດນີ້, ທ່ານ ທິບພົງພັນ ມະນິວົງ ຮອງເລຂາທິການ ສບສ ລາຍງານໃຫ້ຮູ້ວ່າ: ການແຂ່ງຂັນຄັ້ງນີ້ ດຳເນີນໃນລະຫວ່າງວັນທີ 10-13 ທັນວາ 2020 ສຳລັບທີມຍິງມີ 14 ພາກສ່ວນ ແບ່ງອອກເປັນ 4 ກຸ່ມ ແລະ ທີມຊາຍມີ 16 ທີມ ກໍແບ່ງອອກເປັນ 4 ກຸ່ມເຊັນກັນ ທັງສອງລາຍການດັ່ງກ່າວ ແຕ່ລະກຸ່ມແຂ່ງຂັນພົບກັນໝົດຄັດເລືອກເອົາທີມທີ່ມີຄະແນນດີທີ່ສຸດອັນດັບທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ ລາຍການດັ່ງກ່າວ ໄດ້ດຳເນີນໃນລະຫວ່າງວັນທີ 10-13 ທັນວາ 2020 ສຳລັບທີມຍິງມີ 14 ພາກສ່ວນ ແບ່ງອອກເປັນ 4 ກຸ່ມ ແລະ ທີມຊາຍມີ 16 ທີມ ກໍແບ່ງອອກເປັນ 4 ກຸ່ມເຊັນກັນ ທັງສອງລາຍການດັ່ງກ່າວ ແຕ່ລະກຸ່ມແຂ່ງຂັນພົບກັນໝົດຄັດເລືອກເອົາທີມທີ່ມີຄະແນນດີທີ່ສຸດອັນດັບທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ ສະເພາະທີມຊາຍ ມີ 16 ທີມ ແບ່ງເປັນ 4 ສາຍ ສາຍລະ 4 ທີມ ສຳລັບກຸ່ມ ເອ ມະຫາວິທະຍາໄລວິທະຍາສາດສຸຂະພາບ ຫຼື ແພດສາດ 1, ຊາວໜຸ່ມ ຄະນະສະຖາປັດຕະຍະກຳສາດ ຫຼື ຄສປ, ເຈ້ແກ້ວ ອາຫານຊີພີ ຊັນຟູດ ແລະ ເອັດພີພີ 3, ກຸ່ມ ບີ ສະໂມສອນ ວຽງຈັນ, ແຊ໋ມເກົ່າ ລາວເດີນອາກາດ 2, ເອັດພີພີ ການພິມ ແລະ ປ້າຍ ຫຼື ເອັດພີພີ 2 ແລະ ສຸປັນຍາ, ກຸ່ມ ຊີ ສະໂມສອນ ກອງທັບປະຊາຊົນລາວ, ເຄທີດີ, ແພດສາດ 2, ແຂວງຈຳປາສັກ ກຸ່ມ ດີ ຄະນະວິທະຍາສາດກິລາ-ກາຍະກຳ ຫຼື ຄວກ, ບໍລິສັດ ເອັດພີພີ ການພິມ ແລະ ປ້າຍ ຫຼື ເອັດພີພີ 1, ລາວເດີນອາກາດ 1 ແລະ ກົມຕຳຫຼວດຄຸມຂັງ ແລະ ດັດສ້າງ ສ່ວນທີມຍິງ ມີ 14 ທີມ ກຸ່ມ ເອ ວິທະຍາໄລພະລະສຶກສາ,ນ້ອງໃໝ່ ບີວີຊີ, ສະໂມສອນ ວີບີຊີ ເພື່ອນຮັກບານສົ່ງ1, ເອັດພີພີ3 ກຸ່ມ ບີ ສະໂມສອນ ວຽງຈັນ, ເອັດທີທີ, ສະໂມສອນ ວີບີຊີ ເພື່ອນຮັກບານສົ່ງ2, ເອັດພີພີ1 ແລະ ກຸ່ມ ຊີ ວິທະຍາໄລສຸກສະຫວັດ1, ຄວກ, ແຂວງຈຳປາສັກ ກຸ່ມ ດີ ເອັດພີພີ 2, ບໍລິສັດ ພີເອັດເອວ ບໍລິການທຳຄວາມສະອາດ ຫຼື ພີເອັດເອວ ແລະ ວິທະຍາໄລສຸກສະຫວັດ2.

ຜ່ານການແຂ່ງຂັນຕະຫຼອດໄລຍະ 4 ວັນ ຜົນປະກົດວ່າ: ປະເພດທີມຊາຍ ອັນດັບທີ 1 ຕົກເປັນຂອງ ທີມລາວເດີນອາກາດ 1 ປີນີ້ ຄອງແຊ໋ມເປັນສະໄໝທີ 2 ຕິດຕໍ່ກັນ ແລະ ອັນດັບທີ 2 ກໍແມ່ນ ລາວເດີນອາກາດ 2 ຄອງຮອງແຊ໋ມ 2 ປີ ຊ້ອນເຊັນກັນ ສ່ວນອັນດັບທີ 3 ເຈ້ແກ້ວ ຊີພີຊັນຟູດ ແລະ ອັນດັບທີ 4 ແຂວງຈຳປາສັກ ປະເພດທີມຍິງ ອັນດັບທີ 1 ແຂວງຈຳປາສັກ, ອັນດັບທີ 2 ບໍລິສັດ PSL, ອັນດັບທີ 3​ ສະໂມສອນ ວຽງຈັນ ແລະ ອັນດັບທີ 4 ຄະນະວິທະຍາສາດກິລາ-ກາຍະກຳ ຫຼື ຄວກ.   

ການແຂ່ງຂັນລາຍການດັ່ງກ່າວ ຊະນະເລີດ ຍິງ-ຊາຍ ໄດ້ຮັບຫຼຽນຄໍາ, ຂັນ 1 ໜ່ວຍ ແລະ ເງີນສົດທີມລະ 2.000.000 ກີບ,​ ຮອງຊະນະເລີດ ຍິງ-ຊາຍ ໄດ້ຮັບຫຼຽນເງີນ ແລະ ເງີນສົດທີມລະ 1.200.000 ກີບ ແລະ ອັນດັບທີ 3 ຍິງ-ຊາຍ ໄດ້ຮັບຫຼຽນທອງ ແລະ ເງີນສົດທີມ 800.000 ກີບ ແລະ ອັນດັບທີ 4 ຍິງ-ຊາຍ ໄດ້ຮັບ ລາງວັນຊົມເຊີຍທີມລະ 400.000 ກີບ.​

ພາບແລະຂ່າວໂດຍ: ປາກາດຳ




ຂ່າວລ່າສຸດ