ລາຍລະອຽດຂ່າວ
ກອງທັບ ເອົາຊະນະ STT 2-0 ຄວ້າແຊ້ມ ຄອມແມນໂດ ລີກ 2 ປະຈຳປີ 2020
ຂຽນເມື່ອ: 10/10/2020 21:10 | ໂດຍ: ເພຣເມັກເກີ | ອ່ານ: 161 ຄັ້ງ

      ໃນເວລາ 15:00 ຂອງວັນທີ 10 ຕຸລາ 2020 ໄດ້ມີການແຂ່ງຂັນບານເຕະ ຄູ່ຊີງຊະນະເລີດ ບານເຕະຄອມແມນໂດ ລາວລີກ 2 ຢູ່ທີີ່ສະໜາມບານເຕະຂອງສະຫະພັນບານເຕະແຫ່ງຊາດລາວ, ໂດຍເປັນການພົບກັນລະຫວ່າງ ສະໂມສອນ ກອງທັບທີ່ຂົນເອົານັກເຕະລາວລີກ 1 ເມື່ອລະດູການຜ່ານມາ ແບບຈັດເຕັມລົງມາຫຼິ້ນໃນ ລີກ 2 ປີນີ້ ພົບກັບ ທີມນ້ອງໃໝ່ທີ່ສ້າງ ເຊີໄພຣ ໃຫ້ແຟນບານພໍສົມຄວນທີ່ສາມາດຜ່ານເຂົ້າມາຫຼິ້ນຈົນເຖິງຮອບຊີງຊະນະເລີຍ ກໍ່ຄື STT FC. 

      ການແຂ່ງຂັນຂອງຄູ່ຊີງສະນະເລີດດຳເນີນໄປໃນທ່າມການບັນຍາກາດອາກາດອົບເອົ້າ ແຕ່ແຟນບານໄດ້ຫຼັ່ງໄຫຼກັນເຂົ້າຊົມການແຂ່ງຂັນໃນນັດນີ້ຈົນບອກໄດ້ວ່າເປັນປະກົດການເລີຍກໍ່ວ່າໄດ້, ເພາະບ່ອນຈອດລົດພາຍໃນ ສຕລ ລົ້ນຈົນແຟນບານຕ້ອງໄດ້ຈອດລົດ ຍາວອອກມາແຄມທາງດ້ານໜ້າທາງເຂົ້າ ຂອງ ສຕລ ຍາວພໍສົມຄວນ. ເລີ່ມເກມການແຂ່ງຂັນທັງ 2 ທີມກໍ່ເປີດເກມບຸກເຂົ້າໃສ່ກັນ ຢ່າງດຸເດືອດ ຈົນກຳມະການຕ້ອງແຈກໃບເຫຼືອງ ໃຫ້ທັງ 2 ຝ່າຍ ເປັນໄລຍະໆ ແຕ່ຈົບເກມການແຂ່ງຂັນທັງ 2 ທີມບໍ່ສາມາດຍິງປະຕູເພື່ອຂຶ້ນນຳຄູຕໍ່ສູ້ໄດ້ເຮັດໃຫ້ທັງ2 ທີມສະເໝີກັນ 0-0.

ເຂົ້າສູ່ເຄິ່ງເວລາທີ 2​ຮູບເກມຍັງປ່ຽນກັນບຸກປ່ຽນກັນຮັບຢ່າງສູສີ ຈົນມາຮອດນາທີໆ 76 ກອງຫຼັງຂອງ STT ກະຈັງວະເຂົ້າສະກະບານພາດ ຈົນເຮັດໃຫ້ບານໄປເຂົ້າຕີນຂອງ ຕີ້ ສີຫາລາດ ກອງໜ້າກອງທັບ ແລະເປັນທາງສອນລາມແລ່ນເຂົ້າມາສະກັດບານແຕ່ພາດໄປຖືກເຂົາຂາຂອງ ຕີ້ ສີຫາລາດ ໃນກອບເຂດໂທດເຕັມໆ, ກຳມະການກາງ ທ່ານ ຄຳປະສົງ ບໍ່ລໍຊ້າ ເປົ່າໃຫ້ເປັນຈຸດໂທດ ພ້ອມກັບ ແຈກໃບເຫຼືອງ ໃຫ້ສອນລາມ ແລະເປັນ ທາງ ສີສະຫວາດ ດາລາວົງ ຮັບໜ້າທີ່ສັງຫາດ ຈຸດໂທດເຂົ້າໄປຢ່າງສວຍງາມ ເຮັດໃຫ້ ກອງທັບ ອອກນຳ STT 1-0.

       ຫຼັງຈາກມີປະຕູເກີດຂຶ້ນທັງ 2 ທີມຍັງບໍ່ມີການຜ່ອນເກມ ຍັງປ່ຽນກັນບຸກປ່ຽນກັນຮັບເຮັດໃຫແຟນບານຂອງທັງ 2 ທີມໄດ້ລຸ້ນຕະຫຼອດແຕ່ກໍ່ບໍ່ສາມາດຍິງປະຕູຂອງຄູ່ຕໍ່ສູ້ໄດ້. ເກມດຳເນີນມາເຖິງຊ່ວງທົດເວລາບາດເຈັບເບິ່ງຄືວ່າ ກອງທັບຈະສາມາດ ມາຍິງປະຕູເພີ່ມໄດ້ ນາທີ ທີ 90+5 ໂດຍເປັນ ທາງ  ໂຈນີ້ ສາມາດຕັດບານຈາກກອງຫຼັງ STT ແລ້ວລາກບານເຂ້າໄປໃນກອບເຂດໂທດ ຍິງບານຜ່ານມືຜູ້ຮັກສາປະຕູເຂົ້າໄປ ເຮັດໃຫ້ກອງທັບ ສາມາດເອົາຊະນະ STT  2-0 ຄອງແຊ້ມ ຄອມແມັນໂດ ລາວລີກ 2 ປະຈຳປີ 2020 ໄປຄອງພ້ອມຮັບເງິນລາງວັນ 30 ລ້ານກີບ, ພ້ອມຂັນລາງວັນໄປຄອງ.

      ສ່ວນອີກຄູ່ໜຶ່ງໃນວັນດີຽວກັນເປັນຄູ່ ຊີງອັນດັບ 3 MuangHat United ສາມາດເອົາຊະນະ KPS FC ດ້ວຍສະກໍ 3-2 ຄວ້າອັນດັບ 3 ຂອງລາຍການນີ້ໄປຄອງ.

ພາບຈາກ: ສຕລ ແລະ Khanthaly Noy Tatideth

ຂຽນຂ່າວໂດຍ: ນັກຂ່າວເງົາ