ລາຍລະອຽດຂ່າວ
ຈັບສະຫຼາກເປັນທີ່ຮຽບຮ້ອຍ ການແຂ່ງຂັນບານເຕະທົ່ວປະເທດ ສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 45 ປີ
ຂຽນເມື່ອ: 07/10/2020 15:10 | ໂດຍ: ເພຣເມັກເກີ | ອ່ານ: 150 ຄັ້ງ

      ການແຂ່ງຂັນບານເຕະທົ່ວປະເທດ ເພື່ອຂໍານັບຮັບຕ້ອນວັນຊາດ ທີ 2 ທັນວາ ຄົບຮອບ 45 ປີ ໄດ້ມີພິທີຈັບສະຫຼາກແບ່ງສາຍ ຢູ່ ທີ່ສະຫະພັນບານເຕະແຫ່ງຊາດລາວ(ສຕລ) ໃນຕອນບ່າຍຂອງວັນທີ 7 ຕຸລາ 2020 ນີ້ ໂດຍໃຫ້ກຽດເຂົ້າຮ່ວມໃນພິທີ ຂອງທ່ານ ສົມພຸ ພົງສາ ຜູ້ຊ່ວຍລັດຖະມົນຕີ ກະຊວງສຶກສາທິການແລະກິລາ, ຮອງປະທານຄະນະກຳມະການໂອແລັມປິກແຫ່ງຊາດລາວ ແລະ ທ່ານ ວີເພັດ ສີຫາຈັກ ປະທານ ສຕລ, ທ່ານ ຄຳໄຜ່ ຊະນະ ຮອງປະທານ ສຕລ ແລະ ທ່ານນາງ ກັນຍາ ແກ້ວມະນີ ເລຂາທິການ ສຕລ.
      ການແຂ່ງຂັນບານເຕະຄັ້ງນີ້ມີທີມເຂົ້າຮ່ວມທັງໝົດ 26 ທີມປະກອບດ້ວຍ ທີມຊາຍ18 ທີມ ແລະ ທີມຍິງທີມ 8 ທີມ.

     ຜົນຂອງການຈັບສະຫຼາກແບ່ງສາຍປະເພດທີມຊາຍມີດັ່ງນີ້

ສາຍ ກ

ຄຳມ່ວນ ກ 1

ສາລະວັນ ກ 2

ໄຊສົມບູນ ກ 3
ນະຄອນຫຼວງວຽງຈັນ ກ 4

ຊຽງຂວາງ ກ 5

ສາຍ ຂ

ຈຳປາສັກ ຂ 1

ແຂວງອຸດົມໄຊ ຂ 2

ວຽງຈັນ ຂ 3

 ຜົ້ງສາລີ ຂ 4

ເຊກອງ ຂ 5

ສາຍ  ຄ
ຫຼວງນ້ຳທາ ຄ 1

ໄຊຍະບູລີ ຄ 2

ຫຼວງພະບາງ ຄ 3

ອັດຕະປື ຄ 4

ສາຍ  ງ
ສະຫວັນນະເຂດ ງ 1

ບໍ່ແກ້ວ ງ 2

ບໍລິຄຳໄຊ ງ 3

ຫົວພັນ ງ 4

ສ່ວນການແຂ່ງຂັນປະເພດທີມຍິງ ປະກອບດ້ວຍ 8 ທີມແບ່ງອອກເປັນ 2 ຜົນການຈັບສະຫຼາກມີດັ່ງນີ້

ສາຍ ກ

ຊຽງຂວາງ ກ 1

ຈຳປາສັກ ກ 2

ວຽງຈັນ ກ 3

ໄຊຍະບູລີ ກ 4

ສາຍ ຂ

ສະຫວັນນະເຂດ ຂ 1

ອຸດົມໄຊ ຂ 2

ຫຼວງນ້ຳທາ ຂ 3

ນະຄອນຫຼວງວຽງຈັນ ຂ 4

 

      ການແຂ່ງຂັນ ລາຍການນີ້ຈະຈັດຂຶ້ນໃສລະຫວ່າງວັນທີ 7-22 ພະຈິກ 2020 ນີ້ ໂດຍຈະນໍາໃຊ້ 6 ສະໜາມແຂ່ງຂັນປະກອບດ້ວຍ ສະໜາມກິລາແຫ່ງຊາດ ຫຼັກ 16(ເດີ່ນນອກ ແລະ ເດີ່ນໃນ), ສະໜາມກິລາກາງມະຫາວິທະຍາໄລແຫ່ງຊາດ, ສະໜາມບານເຕະຫຍ້າທຽມ ສູນຝຶກຫ້ວຍຫົງ 1 ແລະ  2 ພ້ອມດ້ວຍ ສະໜາມບານເຕະ ກອງທັບ. ທີມຊະນະເລີດ ໃນການແຂ່ງຂັນລາຍການນີ້ຈະໄດ້ຮັບ ເງິນລາງວັນມູນຄ່າ 100 ລ້ານກີບ ພ້ອມຫຼຽນລາງວັນ ແລະ ຂັນລາງວັນ ແລະ ອັນດັບ 2 ໄດ້ຮັບເງິນລາງວັນມູນຄ່າ 40 ລ້ານກີບ ແລະ ຫຼຽນລາງວັນ.

       ໂອກາດນີ້ ທ່ານ ວີເພັດ ສີຫາຈັກຣ ຂໍເຊີນຊວນແຟນບານທົ່ວປະເທດໃຫ້ການຕິດຕາມຊົມ ແລະເຊຍການແຂ່ງຂັນລາຍການນີ້ດ້ວຍເຊິ່ງ ແຟນບານສາມາດຕິດຕາມຊົມການຖ່າຍທອດສົດ ແລະ ການເຄື່ອນໄຫວລາຍການນີ້ໂດຍຜ່ານຊ່ອງໂທລະພາບ ແລະ ທາງສື່ອອນລາຍໄດ້.

 

ພາບແລະຂ່າວໂດຍ: ນັກຂ່າວເງົາ