ລາຍລະອຽດຂ່າວ
ອັດສະວິນ ຟ້າຂາວ ວຽງຈັນ ເອັຟທີ ເປີດຕົວທີມຊຸດລາວລີກ 1
ຂຽນເມື່ອ: 17/07/2020 14:07 | ໂດຍ: ເພຣເມັກເກີ | ອ່ານ: 279 ຄັ້ງ

       ເຖິງແມ່ນວ່າການແຂ່ງຂັນບານເຕະແປບຊີ ລາວພຣີເມຍລີກ 1 ໄດ້ເລີ່ມການແຂ່ງຂັນໄປແລ້ວໃນອາທິດຜ່ານມາແຕ່ວ່າ ທີມນ້ອງໃໝ່ຂອງການແຂ່ງຂັນໃນປີນີ້ ສະໂມສອນ ວຽງຈັນ ເອັຟທີ ສະໂມສອນກໍ່ໄດ້ມີການພິທີເປີດຕົວທີມຢ່າງເປັນທາງການ ໃນຕອນແລງມື້ວານນີ້ວັນທີ   ເມື່ອວັນທີ 16 ກໍລະກົດ 2020 ທີ່ສະໜາມກີລາແຫ່ງຫຍ້າທຽມ ສັບພະວິຊາ, ໃນພິທີເປີດຕົວສະໂມສອນ ວຽງຈັນ ເອັຟທີ ຢ່າງເປັນທາງການ ໃຫ້ກຽດເຂົ້າຮ່ວມໂດຍ ທ່ານ ຄໍາສວນ ທອງມະນີວົງ ປະທານສະໂມສອນວຽງຈັນ ເອັຟທີ, ທ່ານ ເພັດສະລັດ ສະຫວັນ ຮອງປະທານສະໂມສອນ ພ້ອມດ້ວຍຄະນະຄູຝຶກ, ນັກກີລາ ແລະ ຕ່າງໜ້າຜູ້ສະໜັບສະໜູນ ຕະຫຼອດຮອດພໍ່ແມ່ຜູ້ປົກຄອງ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.

     ໂອກາດດັ່ງກ່າວ ທ່ານ ຄໍາສວນ ທອງມະນີວົງ ປະທານສະໂມສອນວຽງຈັນ ເອັຟທີ ກ່າວວ່າ: ວຽງຈັນ ເອັຟຊີ ສ້າງຕັ້ງຂຶ້ນໃນວັນທີ 12 ພຶດສະພາ 2013 ພ້ອມກັບການເປີດນໍາໃຊ້ສະໜາມຫຍ້າທຽມ ສັບພະວິຊາ ໂດຍຄອບຄົວຂອງ ເຄນກິດຕິສັກ ທີ່ໄດ້ເລີ່ມຈາກການສ້າງທີມອະນຸຊົນ ແລະ ເຍົາວະຊົນ ນັບຕັ້ງແຕ່ປີ 1990 ຈົນມາເຖິງປີ 1998 ໄດ້ມາໃສ່ສະໂມສອນເຍົາວະຊົນຂອງ ຍທຂ ( ໂຍທາທິການ ແລະ ຂົ່ນສົ່ງ ) ໃນປີ 2004 ກ່ອນຈະປ່ຽນມາເປັນວຽງຈັນ ເອັຟຊີ ໃນປີ 2013.

       “ ເຊິ່ງຕະຫຼອດໄລຍະທີ່ຜ່ານມາ ພວກເຮົາສາມາດສ້າງນັກກີລາທີ່ມີຊື່ສຽງ ກ້າວສູ່ທີມຊາດລາວ ຫຼາຍໆຄົນ ໂດຍສະເພາະແມ່ນ ລໍາເນົາ ສິງໂຕ, ກັນລະຍາ ສີສົມຫວັງ ແລະ ວັດທະນາແກ້ວ ດວງເດດ ທີ່ສ້າງຊື່ສຽງໃຫ້ກັບທີມຊາດລາວ. ນອກນັ້ນກໍຍັງມີອີກຫຼາຍໆຄົນ, ເຊິ່ງມາຮອດປັດຈຸບັນ ວຽງຈັນ ເອັຟຊີ ກໍມີນັກກີລາທຸກໆຮຸ່່ນນັບຕັ້ງແຕ່ຮຸ່ນ 6 ປີໄປຈົນເຖິງຊຸດໃຫຍ່ກໍຄື: ຊຸດເປບຊີ ລາວລີກ 1 ລະດູການ 2020 ຫຼັງເລື່ອນຊັ້ນຈາກ ລາວລີກ  2 ຂຶ້ນມາສູ່ລີກສູງສຸດຂອງ ສປປ ລາວ ຄັ້ງປະຫວັດສາດໃນປີນີ້ ” ທ່ານ ຄໍາສວນ ກ່າວ.

       ທ່ານ ກ່າວອີກວ່າ: ສໍາລັບ ການເຂົ້າຮ່ວມເປບຊີ ລາວລີກ 1 ໃນປີນີ້ ພວກເຮົາທຸກຄົນຈະພະຍາຍາມເຮັດໃຫ້ດີທີ່ສຸດ ເຖິງວ່າພວກເຮົາຈະຈົບອັນດັບທີ່ເທົ່າໃດກໍຕາມ ເພາະວ່າຈຸດປະສົງແມ່ນຢາກສ້າງນັກກີລາຮຸ່ນສືບທອດ ໃຫ້ແກ່ວົງການບານເຕະລາວເຮົາຄືກັບຄໍາເວົ້າທີ່ວ່າ ຄົນສ້າງຊາດ - ກີລາສ້າງຊາດ ເຮັດແນວໃດໃຫ້ປະເທດຊາດມີຄວາມຈະເລີນ ກໍຍ້ອນມີຊາວໜຸ່ມທີ່ມີຄວາມສາມາດ ແລະ ພາລະກໍາລັງແຂ່ງແກ່ນ ເພື່ອພັດທະນາປະເທດຊາດ.

  

   ສຳລັບຜູ້ສະໜັບສະໜູນຂອງ ວຽງຈັນ ເອັຟທີ ລະດູການນີ້ປະກອບມີ: ບໍລິສັດ ກາເພັດ ມະຫາຊົນ, ພອນທິບ ໂຮມເຊັນເຕີ ຈໍາກັດ, P&P ຂາເຂົ້າ-ຂາອອກ, ກາແຂ້ ຈໍາກັດ, ຄອນວູດ ຈໍາກັດ, TOA ປະເທດລາວຈໍາກັດ, SCG ມະຫາຊົນ, SEAL TEX ຈໍາກັດ, Schneider electric ຈໍາກັດ, ODIEN Mall ຈໍາກັດ, JONGLUAY ຈໍາກັດ, ໂຮງງານນໍ້າດື່ມ ອິນອອນ, KDD ແກ້ວດວງເດືອນ ຈໍາກັດ, ບໍລິສັດ MINING ຈໍາກັດ, ເດີນກີລາ ດອນນົກຂຸ້ມ TENNIS COURTS & ACADEMY, ຄອບຄົວແກ້ວດວງເດດ, ສະໜາມກີິລາຫຍ້າທຽມ ສັບພະວິຊາ, ຮ້ານຂາຍເຄື່ອງກີລາ ບີແກນ ສະປອດ ແລະ ເຄື່ອງກີລາ ເອັກ ແບຣນສະປອດ.

      ຂະນະທີ່ ທ່ານ ສັນຕິພາບ ໂພຄະສົມບູນ ຫົວໜ້າຄູຝຶກຂອງ ວຽງຈັນ ເອັຟທີ ໃຫ້ສໍາພາດວ່າ: ສໍາລັບນັກເຕະຊຸດນີ້ພວກເຮົາໃຊ້ນັກເຕະໜຸ່ມນ້ອຍ ທີ່ເຄີຍມີປະສົບການໃນ ລາວລີກ 2 ລະດູການທີ່ຜ່ານມາ ເປັນກໍາລັງຫຼັກ ເຊິ່ງໃນນັ້ນມີນັກເຕະຕ່າງປະເທດ 3 ຄົນ ( 2 ຄົນແມ່ນຍັງບໍ່ສາມາດເດີນທາງມາໄດ້ເທື່ອ ) ແນ່ນອນເປົ້າໝາຍໃນປີນີ້ພວກເຮົາກໍເຮັດໃຫ້ດີທີ່ສຸດເພື່ອບໍ່ໃຫ້ຕົກຊັ້ນ ເນື່ອງຊຸດນີ້ແມ່ນບໍ່ມີນັກເຕະທີ່ມີປະສົບການລະດັບທີມຊາດມາກ່ອນ.

          ສຳລັບຜູ້ສະໜັບສະໜູນຂອງ ວຽງຈັນ ເອັບທີ ລະດູການນີ້ປະກອບມີ: ບໍລິສັດ ກາເພັດ ມະຫາຊົນ, ພອນທິບ ໂຮມເຊັນເຕີ ຈໍາກັດ, P&P ຂາເຂົ້າ-ຂາອອກ, ກາແຂ້ ຈໍາກັດ, ຄອນວູດ ຈໍາກັດ, TOA ປະເທດລາວຈໍາກັດ, SCG ມະຫາຊົນ, SEAL TEX ຈໍາກັດ, Schneider electric ຈໍາກັດ, ODIEN Mall ຈໍາກັດ, JONGLUAY ຈໍາກັດ, ໂຮງງານນໍ້າດື່ມ ອິນອອນ, KDD ແກ້ວດວງເດືອນ ຈໍາກັດ, ບໍລິສັດ MINING ຈໍາກັດ, ເດີນກີລາ ດອນນົກຂຸ້ມ TENNIS COURTS & ACADEMY, ຄອບຄົວແກ້ວດວງເດດ, ສະໜາມກີິລາຫຍ້າທຽມ ສັບພະວິຊາ, ຮ້ານຂາຍເຄື່ອງກີລາ ບີແກນ ສະປອດ ແລະ ເຄື່ອງກີລາ ເອັກ ແບຣນສະປອດ.

       ສ່ວນນັດທໍາອິດຂອງ ວຽງຈັນ ເອັບຊີ ບຸກໄປຢາມສະໂມສອນ ວຽງຈັນ ເອັບຊີ ທີມຈາກແຂວງວຽງຈັນ ທີ່ສະໜາມກິລາແຫ່ງຊາດ (ຫຼັກ 16) ສະໜາມນອກໃນວັນທີ 18 ກໍລະກົດ 2020 ຂະນະທີ່ຜົນການແຂ່ງຂັນ ເປັນແນວໃດນັ້ນ ຈະຂໍລາຍງານໃຫ້ຊາບພາຍຫຼັງ.

ຮຽບຮຽງຂ່າວ: ນັກຂ່າວເງົາ

ພາບຈາກ: Johnnie




ຂ່າວລ່າສຸດ