ລາຍລະອຽດຂ່າວ
ກຸ່ມຮ້ານອາຫານ ນະຄອນຫຼວງ ຮ່ວມກັບ ບໍລິສັດເບຍລາວ ຈັກການແຂ່ງຂັນບານເຕະມິດຕະພາບ 4 ພາກສ່ວນ
ຂຽນເມື່ອ: 27/06/2020 22:06 | ໂດຍ: ເພຣເມັກເກີ | ອ່ານ: 198 ຄັ້ງ

      ກຸ່ມຮ້ານອາຫານ ນະຄອນຫຼວງ-ເບຍລາວ ຮ່ວມກັບ ບໍລິສັດເບຍລາວ, ຈັດການແຂ່ງຂັນບານເຕະມິດຕະພາບ 4 ພາກສ່ວນປະຈຳປີ 2020 ເຊິ່ງກິດຈະກຳການແຂ່ງຂັນລາຍການນີ້ຖືກຈັດມາແລ້ວເປັນປີທີ 8 ຕິດຕໍ່ກັນ. ເປົ້າໝາຍຂອງການຈັດການແຂ່ງຂັນກໍ່ໍ ເພື່ອເປັນການຫັດແໜ້ນຄວາມສາມັກຄີ ແລະ ເປັນການສົ່ງເສີມການຕະຫຼາດຂອງບັນດາຄູ່ຮ່ວມທຸລະກິດ. ການແຂ່ງຂັນດັ່ງກ່າວຈັດຂຶ້ນທີ່ ສະໜາມກິລາຫຍ້າທຽມ ມຊ. ເຊິ່ງທີມເຂົ້າແຂ່ງຂັນປະກອບດ້ວຍ
        1.​ ທີມກຸ່ມຮ້ານອາຫານນະຄອນຫຼວງ-ເບຍລາວ
        2. ທີມບໍລິສັດເບຍລາວ
        3. ທີມຄູ-ອາຈານ ມຊ
        4. ທີມສະມາຄົມນັກຂ່າວສາຍກິລາ

      ໃຫ້ກຽດເຂົ້າຮ່ວມຊົມການການແຂ່ງຂັນໂດຍ ສະຫາຍ ນາງ ເພັດສະໝອນ ແກ້ວໂສພາ ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ມະຫາວິທະຍາໄລແຫ່ງຊາດ, ທ່ານ ຈັນສະໝອນ ເມກສະຫວັນ ຜູ້ຈັດການຝ່າຍຂາຍ+ການຕະຫຼາດ ບໍລິສັດເບຍລາວ ນະຄອນຫຼວງວຽງຈັນ ແລະ ທ່ານ ຄຳແພງ ເພົ້າບົວວົງ ປະທານກຸ່ມຮ້ານອາຫານນະຄອນຫຼວງ-ເບຍລາວ

      ການແຂ່ງຂັນໃນຄັ້ງນີ້ໃຊ້ລະບົບທີມເສຍໃນນັດທີ 1 ຈະເຂົ້າຊີງທີ 3 ​ແລະ ທີມຊະນະ ຈະເຂົ້າຊີງຊະນະເລີດ. ນັດທຳອິດ ທີມບໍລິສັດເບຍລາວ ເອົາຊະນະ ທີມ ສະມາຄົມນັກຂ່າວສາຍກິລາ ແລະ ທີມກຸ່ມຮ້ານອາຫານນະຄອນຫຼວງ-ເບຍລາວ ພາດທ່າເສຍໃຫ້ ທີມຄູ-ອາຈານ ມຊ ເຮັດໃຫ້ ທີມ ບໍລິສັດເບຍລາວ ຜ່ານເຂົ້າຊີງກັບ ທີມ ຄູ-ອາຈານ ມຊ

       ສຳລັບຜົນການແຂ່ງຂັນປະກົດ ແຊ້ມຕົກເປັນຂອງ ທີມ ຄູ-ອາຈານ ມຊ ທີ່ເອົາຊະນະ ທີມເບຍລາວ ໃນນັດຊີງຊະນະເລີດ 4-1, ສ່ວນອັນດັບ 3 ເປັນຂອງ ທີມກຸ່ມຮ້ານອາຫານ ນະຄອນຫຼວງ-ເບຍລາວ ທີ່ເອົາຊະນະທີມ ສະມາຄົມນັກຂ່າວສາຍກິລາ 3-2

ຂ່າວໂດຍ: ນັກຂ່າວເງົາ

ພາບ:ໂດຍ ນ້ອຍຕະຕິເດດ