ລາຍລະອຽດຂ່າວ
ປາເວີນກຳລັງຈະຫວນຄືນກັບມາຝືກແອບ ເຍົາວະຊົນ ອີກຄັ້ງ
ຂຽນເມື່ອ: 17/05/2020 15:05 | ໂດຍ: ເພຣເມັກເກີ | ອ່ານ: 278 ຄັ້ງ

      ບັນດາແຟນພັນແທ້ຂອງ ວົງການບານເຕະລາວຄົງບໍ່ມີໃຜບໍ່ຮູ້ຈັກ ປາເວີນ(ທ່ານ ປອ ເວີນສະຫວັນ ສີວິໄຊ) ຄູຝຶກລະດັບ AFC “A” License ທີ່ເຕັມປ່ຽມໄປດ້ວຍປະສົບການໃນການຄຸມທີມ ທັງລະດັບດັບຊາດ ແລະສະໂມສອນ ລາວລີກມາຍາວນານ. ໂດຍເຊົ້າມື້ນີ້. 17/05/2020 ປາເວີນໄດ້ ໂພສໃນ Facebook ສ່ວນຕົວວ່າ

“ ບໍ່ໄດ້ສຳພັດໝາກບານມາດົນ ມື້ນີ້ ມາສຳພັດຄືນ ຂໍເຊີນຊວນບັນດາທ່ານ ຜູ້ປົກຄອງ ແລະນັກກິລາເຍົາວະຊົນ ທີ່ຕ້ອງ ການຢາກໃຫ້ລູກຫຼານຂອງທ່ານຝຶກແອບກິລາເຕະບານ ທ່ານສາມາດ ມາຝຶກແອບນຳພວກເຮົາໄດ້ ຢູ່ສະໜາມກິລາ ລັກກີ້ ຊື່ເກົ້າ ແຕ່ຊື່ໃໝ່ແມ່ນ MY WAY SPORT ທີ່ມີທີ່ຕັ້ງຢູ່ບ້ານດົງນາໂຊກ ຢູ່ດ້ານຫຼັງ ກະຊວງຊັບພະຍາກອນ ແລະທຳມະຊາດ
1. ພວກເຮົາຈະເລີ່ມຝຶກແອບ ໃນວັນທີ 06 ມິຖຸນາ 2020 ເປັນຕົ້ນໄປ
2. ການຝຶກແອບ ທຸກໆ ວັນເສົາ ແລະວັນອາທິດ
3. ການຝຶກແອບເລີ່ມແຕ່ເວລາ 6:30 ໂມງ ຮອດ 9:00 ໂມງ
ສົນໃຈ ຕິດຕໍ່ໄດ້ຕາມເບີໂທ
- 96052032 ທ່ານ ພຸດທະພອນສິວິໄຊ
- 22221677 ທ່ານ ແສງສຸລິຍາ ສີວິໄຊ
- 56500012 ເບີໂທ ຫຼື 58393176 ເບີແອັບ ປາເວີນ”

       ຜູ້ປົກຄອງຄົນໃດສົນໃຈກໍ່ສາມາດນຳເອົາລູກຫຼານຂອງທ່ານ ໄປຮ່ວມຝຶກຊ້ອມນຳ ອຈ ເວີນສະຫວັນ ສີວິໄຊ ໄດ້

      ສຳລັບປະຫວັດຫຍໍ້ ຂອງທ່ານ ປອ. ເວີນສະຫວັນ ສີວິໄຊ       

ປອ. ເວີນສະຫວັນ ສີວິໄຊ  ເກີດເມື່ອວັນເດືອນປີເກີດ 22 ມີນາ 1966, ອາຊີບ ພະນັກງານ ທະນາຄານແຫ່ງ ສປປລາວ ຕຳແໜ່ງ ຮອງຫົວໜ້າກົມນິຕິກຳ, ປັດຈຸບັນ ຢູ່ບ້ານ ຂຸນຕາທົ່ງ ເມືອງສີໂຄດຕະບອງ ນະຄອນຫຼວງວຽງຈັນ.

  1. ປະຫວັດການສຶກສາ :
  • 1993 ຈົບປະຣິນຍາຕີ, ຂະແໜງວິສະວະກອນ ຈາກ ອະດີດສະຫະພາບໂຊຫວຽດ,
  • 1997 ຈົບປະຣິນາຍາໂທ ຂະແໜງບໍລິຫານທຸລະກິດ ຈາກ ມະຫາວິທະຍາໄລ ທຳມະສາດ ປະເທດໄທ.
  • 2010 ຈົບປະຣິນຍາເອກ ຂະແໜງບໍລິຫານທຸລະກິດ ຈາກມະຫາວິທະຍາໄລເສດຖະກິດແຫ່ງຊາດ ສ.ສ ຫວຽດນາມ.

+ ກ່ຽວກັບ ການເຕະບານ

  • 1997        ໄດ້ຮັບ ໃບຢັ້ງຢືນ C LICENCE BY AFC
  • 1998        ໄດ້ຮັບ ໃບຢັ້ງຢືນ B LICENCE BY AFC
  • 1999        ໄດ້ຮັບ ໃບຢັ້ງຢືນ A LICENCE BY AFF
  • 2019        ໄດ້ຮັບ ໃບຢັ້ງຢືນ A LICECNE BY AFC
  1. ຄວມຮູ້ທາງດ້ານພາສາຕ່າງປະເທດ
    1. ພາສາຣັດເຊຍ          ດີເລີດ
    2. ພາສາຫວຽດນາມ      ດີ
    3. ພາສາອັງກິດ           ດີ
  2. ຜົນງານການຄຸມທີມ :
  • ແຕ່ ປີ 1995-2011      ເປັນຫົວໜ້າຄູຝຶກເຕະບານທີມສະໂມສອນທະນາຄານ
  • ປີ 2005                  ເປັນຫົວໜ້າຄູຝຶກ ເຕະບານຍິງແຂວງວຽງຈັນ ງານມະຫາກຳກິລາແຫ່ງຊາດ ທີ່ແຂວງ ສະຫວັນນະເຂດ.
  • ປີ 2011                   ເປັນຫົວໜ້າຄູຝຶກ ທີມແຂວງຫຼວງພະບາງ ງາມະຫາກໄກິລາແຫ່ງຊາດທີ່ແຂວງຫຼວງພະບາງ
  • ປີ 2012-2014           ເປັນຫົວໜ້າຄູຝຶກເຕະບານ ສະຖາບັນການທະນາຄານ
  • ປີ 2015                  ເປັນຫົວໜ້າຄູຝຶກ ເຕະບານ ສະໂມສອນ SHB VIENTIANE
  • ປີ 2000-ປັດຈຸບັນ        ເປັນຄູຝຶກ ແລະເຈົ້າຂອງ ສະໂມສອນ PV.FC
  • ປີ 2004-2019           ເປັນຄະນະບໍລິຫານງານ ສະຫະພັນບານເຕະແຫ່ງຊາດລາວ
  1. ຜົນງານການຄຸມທີມລະດັບຊາດ :
  • ປີ 2000 ເປັນຜູ້ຊ່ວຍຄູຝຶກເຕະບານທີມຊາດລາວຊຸດໃຫ່ຍ ລຸຍໄທເກີຄັບ ທີ່ປະເທດໄທ
  • ປີ 2002 ເປັນຫົວໜ້າຄູຝຶກເຕະບານທີມຊາດລາວ U17 ທີ່ປະເທດມຽນມາ
  • ປີ 2001 ເປັນ ຜູ້ຊ່ວຍຄູຝຶກທີມຊາດຊຸດໃຫຍ່, ຊຸດບານໂລກຮອບຄັດເລືອກ
  • ປີ 2001 ເປັນຜູ້ຊ່ວຍຄູຝຶກທີມຊາດລາວ ຊຸດຊີເກມ ທີ່ປະເທດມາເລເຊຍ
  • ປີ 2003 ເປັນຜູ້ຊ່ວຍຄູຝຶກທີມຊາດລາວ ຊຸດຊີເກມ ທີ່ປະເທດ ສ.ສ ຫວຽດນາມ
  • ປີ 2005 ເປັນຫົວໜ້າຄູຝຶກເຕະບານທີມຊາດລາວ U18 ທີ່ປະເທດມຽນມາ
  • ປີ 2007 ເປັນຜູ້ຊ່ວຍຄູຝຶກທີມຊາດລາວ ຊຸດຊີເກມ ທີ່ປະເທດ ໄທ
  • ປີ 2008 ເປັນຫົວໜ້າຄູຝຶກເຕະບານທີມຊາດຍິງຊຸດໃຫຍ່ ທີ່ປະເທດມຽນມາ
  • ປີ 2009 ເປັນຫົວໜ້າຄູຝຶກທີມຊາດລາວ U19 ໄປແຂ່ງຂັນທີ່ປະເທດ ກໍາປູເຈຍ ແລະ ສ.ສ ຫວຽດນາມ
  • ປີ 2011 ເປັນຫົວໜ້າຄູຝຶກທີມເຕະບານມະຫາວິທະຍາໄລລາວ ແຂ່ງຂັນທີ່ປະເທດໄທ
  • ປີ 2011 ເປັນຫົວໜ້າຄູຝຶກເຕະບານທີມຊາດລາວ U19 ທີ່ປະເທດ ມຽນມາ, ສ.ສ ຫວຽດນາມ
  • ປີ 2014 ເປັນຫົວໜ້າຄູຝຶກທີມເຕະບານມະຫາວິທະຍາໄລລາວ ແຂ່ງຂັນທີ່ປະເທດອິນໂດເນເຊຍ
  • ປີ 2016 ເປັນຫົວໜ້າຄູຝຶກ ທີມຊາດຊຸດໃຫຍ່ ຊຸດລຸຍອາຊຽນຄັບ ທີ່ປະເທດອິນເດຍ, ມາລດິບ
  • ປີ 2016 ເປັນຫົວໜ້າຄູຝຶກທີມຊາດຊຸດໃຫຍ່ ຊຸດ ຊູຊູກີຄັບທີ່ ປະເທດກຳປູເຈຍ
  • ປີ 2018 ເປັນຫົວໜ້າຄູຝຶກທີມເຕະບານມະຫາວິທະຍາໄລລາວ ແຂ່ງຂັນທີ່ປະເທດ ມຽນມາ       
  1. ຜົນງານໃນວົງການບານເຕະ :
    • ລະດັບພາຍໃນປະເທດ :
      • ປີ 1997 ຂັນວັນຊາດທີ 02 ທັນວາ ນຳພາທີມ ທະນາຄານໄດ້ຄອງຊະນະເລີດ
      • ປີ 2000 ຂັນວັນທ່ອງທ່ຽງແຫ່ງຊາດ ນຳພາທີມ ທະນາຄານໄດ້ຄອງຊະນະເລີດ
      • ປີ 2001 ຂັນລາວລີກ ນຳພາທີມ ທະນາຄານໄດ້ຄອງຊະນະເລີດ
      • ປີ 2000 ຂັນປີທ່ອງທ່ຽວລາວ ນຳພາທີມ ທະນາຄານໄດ້ຄອງຊະນະເລີດ
      • ປີ 2008 ຂັນນາຍົກລັດຖະມົນຕີ ນຳພາທີມ ທະນາຄານໄດ້ຄອງຊະນະເລີດ
      • ປີ 2010 ຂັນລາວລີກ ນຳພາທີມ ທະນາຄານໄດ້ຄອງຊະນະເລີດ
      • ປີ 2011 ຂັນວັນສ້າງຕັ້ງພັກ ນຳພາທີມ ທະນາຄານໄດ້ຄອງຊະນະເລີດ
      •  ປີ 2014 ຮອງແຊ້ມຂັນນາຍົກລັດຖະມົນຕີ ນຳພາທີມ ພີວີເອັຟຊີ
      • ປີ 2014 ຮອງແຊ້ມນະຄອນຫຼວງ ລີກ ທີມ ພິວີເອັຟຊີ
      • ປີ 2014 ນຳພາທີມ ສະຖາບັນການທະນາຄານໄດ້ຮອງ ຊະນະເລີດ ການແຂ່ງຂັນ ຊິງຂັນລັດຖະມົນຕີກະຊວງສຶກສາທິການ ແລະກິລາ ( ມະຫາໄລລີກ )
      • ປີ 2015 ອັນດັບ ສາມ ລາວພລີເມຍລີກ SHB VIENTIANE
    • ລະດັບສາກົນ :
      • ປີ 2002  ຮອງຊະນະເລີດ ຊິງແຊ້ມເຍົາວະຊົນອາຊຽນ U16
      •  ປີ 2010  ຮອງຊະນະເລີດ ມະຫາວິທະຍາໄລອາຊຽນ
      •  ປີ 2014 ອັນດັບ 4 ມະຫາວິທະຍາໄລອາຊຽນ
      • ປີ 2018 ອັນດັບ 4 ມະຫາວິທະຍາໄລອາຊຽນ

ຂ່າວໂດຍ: ນັກຂ່າວເງົາ
ພາບຈາກ:  https://www.facebook.com/veunsavanh.sivisay