ລາຍລະອຽດຂ່າວ
ເປີດກ່ອນໄດ້ປຽບ Bundesliga ຊີງເປີດຟາດແຂ່ງ ກ່ອນໝູ່ໃນບັນດາລີກຊັ້ນນຳຂອງໂລກ
ຂຽນເມື່ອ: 16/05/2020 22:05 | ໂດຍ: ເພຣເມັກເກີ | ອ່ານ: 365 ຄັ້ງ

      ຫຼັງຈາກວິກິດການໄວຣັສ Corona ຫຼື ພະຍາດ Covid-19 ລະບາດແລະສົ່ງຜົນກະທົບກົບວົງການກິລາທົ່ວໂລກ, ເກືອບທຸກລີກໃນໂລກນີ້ຕ້ອງໄດ້ຢຸດຕິການແຂ່ງຂັນຊົ່ວຄາວ. ຫຼ້າສຸດໃນຕອນແລງຂອງມື້ນີ້ ວັນທີ 16/05/2020, Bundesliga ລີກສູງສຸດຂອງ ເຢຍລະມັນກໍ່ໄດ້ກັບມາຟາດແຂ່ງກັນອີກຄັ້ງໜຶ່ງ, ໂດຍໃຊ້ຮູບແບບການແຂ່ງຂັນທີ່ບໍ່ມີຜູ້ຊົມເຂົ້າຊົມການແຂ່ງຂັນພາຍໃນສະໜາມ ແລະມີລະບຽບຫຼາຍຢ່າງເພື່ອເພີ່ມການຮັບປະກັນ ການແຜ່ລະບາດຂອງ Covid-19. ສິ່ງທີ່ເຫັນໄດ້ຢ່າງຊັດເຈນກໍ່ຄືບັນດານັກກິລາ ແລະທີມງານທີ່ບໍ່ໄດ້ຢູ່ໃນສະໜາມແຂ່ງຂັນ ຈະຕ້ອງໄດ້ໃສ່ໜ້າກາກອານາໄມ(Mask) ແລະການລີກລ້ຽງການໃກ້ສິດກັນໂດຍບໍ່ຈຳເປັນ ເຊິ່ງເຫັນໄດ້ໃນເວລາຜູ້ຫຼິ້ນສາມາດຍິງປະຕູໄດ້ ການສະແດງທ່າດີໃຈກໍ່ຈະອອກມາແປກໜ້ອຍໜຶ່ງ ໂດຍຈະບໍ່ມີການເຂົ້າໄປສະແດງຄວາມດີໃຈ ໂດຍການສຳພັດການຄືກັບສະຖານະການປົກກະຕິ.

      ການທີ່ລີກ Bundesliga ຂອງເຢຍລະມັນເປີດການແຂ່ງຂັນກ່ອນໝູ່ແນ່ນອນວ່າບັນດາແຟນບານທົ່ວໂລກທີກຳລັງກະຫາຍໃນການຮັບຊົມບານເຕະຈະບໍ່ລໍຊ້າທີ່ຈະເຂົ້າໄປຕິດຕາມຊົມການຖ່າຍທອດສົດ ແລະບໍ່ພຽງແຕ່ແຟນບານຂາປະຈຳເທົ່ານັ້ນມັນຍັງເປັນການສ້າງຖານແຟນບານໃຫ້ກັບ ລີກຂອງເຢຍລະມັນໄປນຳ ເພາະຜູ້ທີ່ບໍ່ເຄີຍເບິ່ງການແຂ່ງຂັນຂອງ Bundesliga ກໍ່ຈະຕ້ອງເຂົ້າມາເບິ່ງ ແລະອາດເປັນຈຸດປ່ຽນທີ່ເຮັດໃຫ້ Bundesliga ໄດ້ຮັບຄວາມນິຍົມສູງຂຶ້ນກໍ່ເປັນໄດ້.

ສຳລັບຜົນການແຂ່ງຂັນຂອງ 5 ຄູ່ຫົວຄຳໃນມື້ນີ້ຜົນປະກົດວ່າ 
      ຮອບເຟັນຮາຍ  ຖືກ ແຮທ່າເບີລິນ ບຸກມາຖະລົ່ມເຖິງບ້ານ 0-3
      ດ໋ອດມູນ(ທີມອັນດັບ 2 ຂອງຕາຕະລາງ) ເປີດບ້ານ ໂຊຟອມເກັ່ງ ຖະລົ່ມ ເຊົາເກ້ 4-0 ເຮັດໃຫ້ຈີ້ກົ້ນ ບາເຢິ້ນມິວນິກທີມນຳ ເຫຼືອພຽງ 1​ ຄະແນນ
      ເອວແບໄລຊິກ(ທີມອັນດັບ 3 ຂອງຕາຕະລາງ) ເກືອບເອົາຕົວບໍ່ລອດ ໄລ່ຕີສະເໝີທີມຢາມ ໄຟບວກ 1-1 ໃນຊ່ວງທ້າຍເກມ
      ຟໍທູນາ ເຊີດອບ ສະເໝີກັບ ພາເດີບອນ 0-0
     ແລະ ເອົ້າບວກ ຖືກ ໂວບບວກ ບຸກໄປຍິງແຊງ ໃນນາທີສຸດທ້າຍ ກ່ອນທີ່ເກມຈະຈົບລົງ 1-2

ຂ່າວໂດຍ: ນັກຂ່າວເງົາ