ລາຍລະອຽດຂ່າວ
ເດັກໆ U7, U9 ແລະ U11 ທີ່ມີໃຈຮັກກິລາບານເຕະກຽມຕົວ Mazda ຮ່ວມກັບ ສຕລ ຈະເປີດການແຂ່ງຂັນ Mazda Challenge Cup 2020
ຂຽນເມື່ອ: 19/02/2020 13:02 | ໂດຍ: ເພຣເມັກເກີ | ອ່ານ: 197 ຄັ້ງ

      ໃນຕອນເຊົ້າຂອງວັນທີ 19/02/2020, ທີ່ສະຫະພັນບານເຕະແຫ່ງຊາດລາວ(ສຕລ) ໄດ້ມີການຖະແຫຼງຂ່າວຈັດການແຂ່ງຂັນ ບານເຕະເຍົາວະຊົນຮຸ້ນອາຍຸ ບໍ່ເກີນ 7ປີ, 9ປີ ແລະ 11 ປີຂຶ້ນ. ໂດຍການເຂົ້າຮ່ວມ ຂອງທ່ານ ທິບພະເນດ ແກ້ວມະນີວົງ ຜູ້ບໍລິຫານ ບໍລິສັດແກ້ວໂອໂຕກຣຸບຈຳກັດ ( ຜູ້ນຳເຂົ້າ ແລະ ຈຳຫນ່າຍ MAZDA ທົວປະເທດ ), ທ່ານ ນາງ ກັນຍາ ແກ້ວມະນີ ເລຂາທິການ ສຕລ, ທ່ານ ສຸລິກັນ ຮອງປະທານສະໂມສອນ ຈີບີ ມາສດ້າ, ທ່ານ ບຸນມາ ຫົວໜ້າເຕັກນິກສະໂມສອນ ຈີບີ ມາສດ້າ ພ້ອມດ້ວຍຄະນະ ແລະ ຊື່ມ່ວນຊົນທຸກໆຂະແຫນງການເຂົ້າຮ່ວມຢ່າງພ້ອມພຽງ

      ນະໂອກາດນີ້ ທ່ານ ນາງ ກັນຍາ ແກ້ວມະນີ ໄດ້ກ່າວວ່າ ການແຂ່ງຂັນລາຍການນີ້ຈະເປັນການເປີດໂອກາດໃຫ້ບັນເຍົາວະຊົນໃຫ້ສະແດງທັກສະການຫຼິ້ນກິລາເຕະບານພ້ອມທັງເປັນການສົ່ງເສີມການພັດທະນາວົງການບານເຕະຂອງບ້ານເຮົາ, ເຊິ່ງການແຂ່ງຂັນລາຍການນີ້ຄາດວ່າຈະມີນັກກິລາເຂົ້າຮ່ວມການແຂ່ງຂັນລະຫວ່າງ 300-400 ຄົນ, ແລະທາງ ສຕລ ເອງມີຄວາມຍິນດີທີ່ Mazda ໃຫ້ຄວາມເອົາໃຈໃສ່ໃນການພັດທະນາເຍົາວະຊົນແລະ ສຕລ ຈະໃຫ້ການຮ່ວມມືຢ່າງເຕັມທີ່ ທາງດ້ານເຕັກນິກ ແລະ ການຈັດການແຂ່ງຂັນ.

      ດ້ານທ່ານ ທິບພະເນດ ແກ້ວມະນີວົງ ກ່າວວ່າເປົ້າໝາຍ ຂອງການຈັດການແຂ່ງຂັນລາຍການນີ້ແມ່ນເພື່ອສ້າງເວທີໃຫ້ ເດັກນ້ອຍໃຊ້ໂຊພອນສະຫວັນ ແລະທັກສະຂອງພວກເຂົາທັງເປັນການເລືອກເຟັ້ນນັກກິລາພອນສະຫວັນເພື່ອຮັບໃຊ້ໃຫ້ກັບທີມຊາດໃນອານາຄົດ, ສຳລັບມູນຄ່າໃນການສະໜັບສະໜູນລາຍການນີ້ຄາດວ່າ ປະມານ 30 ກວ່າລ້ານກີບ. ໂດຍການເຂົ້າຮ່ວມແຂ່ງຂັນຄັ້ງນີ້ບັນດາທີມທີ່ເຂົ້າຮ່ວມການແຂ່ງຂັນຈະໄດ້ຮັບເສື້ອແຂ່ງຂັນ ແລະ ເຂັມທີ່ລະລຶກສຳລັບການແຂ່ງຂັນ ນອກຈາກນັ້ນທີມຊະນະເລີດ ກໍ່ຈະໄດ້ຮັບ ຂັນລາງວັນອີກດ້ວຍ. ນະໂອກາດນີ້ ທ່ານ ເອງກໍ່ໄດ້ເຊີນຊວນ ພໍ່-ແມ່ຜູ້ປົກຄອງ ລວມເຖິງບັນດາສະໂມສອນຕ່າງໆ ໃນຂອງເຂດທົ່ວປະເທດ ຊ່່ວຍກັນສົ່ງເສີມລູກຫຼານຂອງທ່ານໃຫ້ໄດ້ມີໂອກາດ ໃນການຫຼິ້ນກິລາ ແລະສະແດງຄວາມສາມາດຂອງຕົນ.

ສຳລັບການແຂ່ງລາຍການ Mazda Challenge Cup 2020 ຈະເລີ່ມເປີດສາກການແຂ່ງຂັນໃນວັນທີ 30 ພຶດສະພາ 2020 ນີ້ສຳລັບສະໂມສອນ, ຫຼືທີມໂຮງຮຽນໃດ ສົນໃຈເຂົ້າຮ່ວມແຂ່ງຂັນກໍ່ສາມາດເຂົ້າໄປພົວພັນຂໍ້ມູນໄດ້ທີ່ ສຕລ ຫຼືຕິດຕາມຄວາມເຄື່ອນໄຫວຜ່ານ ເພສ ຂອງ ສຕລກໍ່ໄດ້

 

ຂ່າວໂດຍ: ນັກຂ່າວເງົາ

ພາບໂດຍ: Johnie Naitro

 




ຂ່າວຍອດນິຍົມ 7 ວັນລ່າສຸດ
ຂ່າວລ່າສຸດ