ລາຍລະອຽດຂ່າວ
ຫຼວງພະບາງ ມີໄຊເໜືອ ເອັນເອັດ ມາທຣິກ ຈາກມາເລເຊຍ 90-79 ຄະແນນ ບານບ້ວງ ຊີງແຊ໋ມອາຊຽນ 2020 ທັບນັກກິລາສະໂມສອນ ບານບ້ວງ ປະເພດທີມຊາຍ ຫຼວງພະບາງ ຫຼື ຫຼວງພະບາງ Basketball Club ພາຍໃຕ້ການຄຸມທີມຂອງທ່ານ ຂັນແກ້ວ
ຂຽນເມື່ອ: 11/02/2020 13:02 | ໂດຍ: ເພຣເມັກເກີ | ອ່ານ: 179 ຄັ້ງ

      ດວງເດືອນ ດີກຣີທີມອັນດັບທີ 3 ຂອງລະດູການ 2019 ຂອງລາຍການ Mikaza Thailand Basketball Leago2020 ທີ່ປະເທດໄທ ລົງແຂ່ງຂັນນັດທີ 2 ຄືນຟອມເກັ່ງສາມາດເອົາຊະນະ ທີມເອັນເອັດ ມາທຣີກ ຫຼື NS Matrix ຈາກປະເທດມາເລເຊຍ 90-79 ຄະແນນ.

      ອີງຕາມຂໍ້ມູນຈາກເຟັສບຸກ ລາວສູ້ໆ ແລະ ເຊຍລາວ ແຈ້ງໃຫ້ຊາບວ່າ: ທີມບານບ້ວງປະເພດຊາຍ ຫຼວງພະບາງ ຫຼື Basketball Club ພາຍໃຕ້ການຄຸມທີມຂອງທ່ານ ຂັນແກ້ວ ດວງເດືອນ ລົງແຂ່ງຂັນໃນາຍການ Mikaza Thailand Basketball Leago2020 ທີ່ປະເທດໄທ ຊະນະ 1 ເສຍ 1 ກໍຄື ນັດທຳອິດ ຂອງທີມຫຼວງພະບາງ ລົງແຂ່ງຂັນໃນວັນທີ 8 ກຸມພາ 2020 ພົບກັບ ທີມ Adroit ຈາກສິງກະໂປ ຕະຫຼອດໄລຍະເກມໃນ 3 ຄໍເຕີ້ ທີມຫຼວງພະບາງ ອອກນຳ ແຕ່ໜ້າເສຍດ່າຍມາເຖີງ ຄໍເຕີ້ ທີ 4 Adroit ສາມາດພີກສະຖານະການມາແຊງຊະນະ ໄປແບບຫວຸດຫວິດ ແລະ ມ່່ວນມັນສຸດໆ 67ຕໍ່66 ຄະແນນ ກ່ອນໃນເກມທີ 2 ຫຼວງພະບາງ ຈະກັບມາຄືນຟອມເກັ່ງ ໃນວັນທີ 9 ກຸມພາ 2020 ຊະນະ ທີມ NS Matrix ຈາກມາເລເຊຍ 90ຕໍ່79 ຄະແນນ  ໃນຄໍເຕີທີ 1 ຫຼວງພະບາງ 19-21 ຄະແນນ, ຄໍເຕີ ທີ 2 ຫຼວງພະບາງ ຖືກແຊງນຳ 38-40 ຄະແນນ, ຄໍເຕີທີ 3 ຫຼວງພະບາງ ແຊງນຳຄືນ 59-53 ກ່ອນຄໍເຕີທີ 4 ຫຼວງພະບາງ ສາມາດຄວບຄຸ່ມສະຖານະການໄດ້ ເປັນຝ່າຍເອົາຊະນະໄປ 90-79 ຄະແນນ.

      ການແຂ່ງຂັນບານບ້ວງໃນລາຍການດັ່ງກ່າວ ເລີ່ມດຳເນີນລະຫວ່າງ ວັນທີ 8 ກຸມພາ ຈົນເຖີງ 23 ມີນາ 2020 ມີທີມດັງໃນອາຊຽນ 10 ທີມຈາກ 8 ປະເທດເຂົ້າຮ່ວມ ປະກອບມີ HITEC Basketball Club ຈາກໄທ ແຊ້ມເກົ່າ, Dunkin Raptor Basketball Club ຈາກໄທ, Adroit Basketball Club ຈາກ ສິງກະໂປ, NS Matrix Basketball Club ຈາກ ມາເລເຊຍ, BBM CLS Knight Basketball Club ຈາກ ອິນໂດ, Makabayan Warriors Basketball Club ຟີລີບປີ້ນ, ZNO Basketball Club ຈາກ ຟີລີບປີ້ນ, Brunei Pegasus ຈາກ ບຣູໄນ, Mekong United Basketball Club ຫວຽດນາມ ແລະ ຫຼວງພະບາງ Basketball Club

      ສຳລັບທີມຫລວງພະບາງ ຜົນງານໃນປີທີ່ຜ່ານມາຄວ້າອັນດັບ 3 ໃນລະດູການ 2019 ໃນປີນີ້ ຍັງໄດ້ຜູ້ຫລີ້ນທີ່ສຳຄັນມາຮັບໃຊ້ທີມນຳໂດຍ ໂຊເຊ ນຸຈັນທະວົງ ລະດູການຜ່ານມາໄດ້ ລາງວັນຜູ້ຫລີ້ນດີເດັ່ນ. ບ໋ອບບີ້ ສີວັນທອງ ທັງ 2 ຄົນອາໃສຢູ່ ສະຫະລັດອາເມລິກາ ມາແຂ່ງຂັນໃນລາຍການນີ້ໂດຍສະເພາະ ແລະ ຍັງມີ ພົມມະລິ ດວງເດືອນ ລວມທັງນັກກິລາຕ່າງຊາດຈຳນວນໜຶ່ງ ສ່ວນໂປຣແກຣມການແຂ່ງຂັນໃນນັດຕ່ໄປ ວັນທີ 15 ກຸມພາ ຫຼວງພະບາງ ພົບ Brunei Pegasus ເວລາ 10:00 ໂມງ ເປັນຕົ້ນໄປ ແລະ ວັນທີ 23 ກຸມພາ 2020 ຫຼວງພະບາງ ພົບ Dunkin Raptor ( ໄທ ) ເວລາ 14:00 ທີ່ສະໜາມກິລານິມິບຸດ ສະໜາມກິລາແຫ່ງຊາດໄທ.

      ທ່ານສາມາດຕິດຕາມຄວາມເຄື່ອນໄຫວຂອງລາຍການນີ້ຜ່ານທາງຊ່ອງທາງ www.thailandbasketballleague.com

ໂດຍ: ປາກກາດຳ

ພາບຈາກ: Thailand Basketball League




ຂ່າວຍອດນິຍົມ 7 ວັນລ່າສຸດ
ຂ່າວລ່າສຸດ